Ku mugoroba wo kuri uyu wa Gatandatu taliki ya 29 Kamena 2019,agakiriro ka Gisozi gaherereye mu karere ka Gasabo kongeye gufatwa n’inkongi y’umuriro yangije cyane ahitwa APARWA hakorerwa imbaho,harashya harakongoka.

Sponsored Ad

Iyi nkongi yangeye kwibasira aka gakiriro yahereye ahacururizwa ibikoresho by’ubwubatsi na matola,irangije yangiza ahitwa kuri APARWA hakorerwa ububaji.

Nkuko amashusho yakwirakwijwe ku mbuga nkoranyambaga yabigaragaje,imodoka zizimya inkongi zahageze umuriro umaze kuba mwinshi mu gakiriro ndetse wakongoye uruhande runini.

Kugeza ntiharamenyekana icyaba cyateye iyi nkongi, ibaye iya gatatu yibasiye aka gakiriro muri uku kwezi kwa Kamena .Harakekwa ko izi nkongi z’umuriro zibasira aka gakiriro ziterwa n’amashanyarazi yashyizwe nabi muri izi nzu.

Iyi nkongi yari kirimbuzi yageze ahabarizwa ikongora intebe, imbaho,ibitanda ndetse n’ibindi bikoresho bitandukanye.