startimes

Akarere ka Gatsibo karishye ihene z’abaturage 22 ziherutse kwicwa n’urukingo rwa Muryamo

Amakuru   Yanditswe na: Dusingizimana Remy 18 September 2019 Yasuwe: 633

Akarere ka Gatsibo kakoze igikorwa cyiza cyo gushumbusha abaturage ba Kiziguro nyuma y’aho ihene zabo zapfuye ubwo bazikingiraga uburwayi bwa Muryamo bikarangira uru rukingo ruzihitanye.



Kuri uyu wa Gatatu taliki ya 18 Nzeri 2019,nibwo akarere ka Gatsibo kashumbushije ihene 22 abaturage b’Umurenge wa Kiziguro bapfushije ihene zabo bavuga ko zazize urukingo zatewe. Izi hene zifite agaciro k’ibihumbi 660 by’amafaranga y’u Rwanda

Tariki 9 Kanama 2019 nibwo ubuyobozi bw’Umurenge wa Kiziguro bwatangiye igikorwa cyo gukingira ihene 1479 zibarurwa muri uyu Murenge buvuga ko buri kuzikingira indwara ikunze kwibasira amwe mu matungo magufi yitwa Muryamo,zimwe zihita zitangira gupfa.

Mu mudugudu w’Akabagendo bahakingiye ihene 82 hashize icyumweru kimwe izigera kuri 49 zihita zifatwa n’uburwayi zanga kurisha izahakaga zitangira kuramburura nk’uko bamwe mu baturage bo muri uyu mudugudu babibwiye IGIHE.

Mukangarambe Dancilla wapfushije ihene imwe n’izayo ebyiri, yatangaje ko ikibazo cyatangiye nyuma yuko veterineri w’Umurenge ateye urukingo izo hene.

Yagize ati “Veterineri w’Umurenge yaraje arazikingira agatera urushinge mu nkoro, inkoro iratumba itumbana n’amaboko zikajya zicumbagira, turamuhamagara aragaruka azitera imiti ariko ntizoroherwa, nk’izanjye zo byaranze zanga kurya kugeza zipfuye.”

Mu Karere ka Gatsibo hakingiwe ihene zisaga ibihumbi 30 ariko izo mu murenge wa Kiziguro ntizorohewe n’uru rukingo rwahitanye nyinshi.


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Habonetse abarwayi 32 ba Coronavirus mu Rwanda hakira abandi...

Minisiteri y’Ubuzima mu Rwanda yatangaje ko kuri uyu wa Gatatu tariki ya 24...
24 June 2020 Yasuwe: 1525 0

Habonetse abarwayi 59 ba Coronavirus mu Rwanda,hakira 11

Uyu munsi tariki ya 22 Kamena 2020,ubaye uwa mbere ubonetseho abantu benshi...
22 June 2020 Yasuwe: 1702 0

Abasize ibikoresho byabo mu gishanga cya Gikondo bahawe iminsi 7 kuba...

Abahoze mu gace k’inganda ka Gikondo bategetswe gukuramo ibikoresho byabo...
19 June 2020 Yasuwe: 905 0

Abakoresha Mobile Money na Mobile Banking basabwe kwitwararika mu gukoresha...

Ikibazo cy’uburiganya bukorerwa abakoresha mobile money na mobile banking...
19 June 2020 Yasuwe: 1553 0

Umupasiteri wo mu Rwanda yatunguranye avuga uburyo yabaye inkone ya...

Amazina ye ni Pasiteri Jean de Dieu UWIRAGIYE akaba ari umpasiteri...
12 June 2020 Yasuwe: 3498 1

Habonetse abandi barwayi 18 ba Covid-19 barimo ab’i Rusizi n’abaturutse hanze...

Minisiteri y’Ubuzima yatangaje ko abantu 18 basanganywe Coronavirus mu...
11 June 2020 Yasuwe: 1260 0