Ku mugoroba wo kuwa Gatanu tariki ya 11 Nzeri 2020, mu Karere ka Musanze, polisi yahanganye n’inkongi y’umriro yibasiye amacumbi y’abakozi b’uruganda rwa sima Prime Cement Ltd bashobora kuyihosha nubwo hataramenyekana ingano y’ibyangiritse.

Sponsored Ad

Amakuru yatangajwe n’inzego z’ibanze zo mu Kagari ka Birira mu Murenge wa Kimonyi mu Karere ka Musanze, avuga ko mu ruganda rushya rwa Sima “Prime Cement Ltd” ruherereye muri uwo murenge, ejo mu ma saa kumi z’igicamunsi, habaye inkongi y’umuriro yafashe inzu zabagamo amacumbi y’abatekinisiye.

Bivugwa ko icyateye iyo nkongi y’umuriro ngo byaba ari imiterere y’amashanyarazi (installation) itari imeze neza, hahiramo ibiryamirwa (matelas) n’ibindi bikoresho binyuranye byo mu nzu.

Polisi yahise itabara izimya iyo nkongi, hakaba hataramenyekana agaciro n’ingano y’ibyangiritse.