startimes

Amafoto y’umunsi: Perezida Kagame yakiriye mu buryo budasanzwe umuyobozi ukomeye wo muri Qatar amutwara mu modoka ye

Amakuru   Yanditswe na: Dusingizimana Remy 22 April 2019 Yasuwe: 9007

Ku munsi w’ejo taliki ya 21 Mata 2019 nibwo Nyakubahwa perezida wa Repubulika yakiriye umushyitsi ukomeye nyakubahwa Emir wa Qatar Sheikh Tamim bin Hamad Al Thani waje mu ruzinduko rw’iminsi itatu mu Rwanda.



Ntibisanzwe ko Nyakubahwa Perezida wa Repubulika yitwarira umuntu mu modoka ye,ariko ku munsi w’ejo niwe ubwe witwariye mu modoka Sheikh Tamim bin Hamad Al Thani.

Uretse kumutwara mu modoka ye we ubwe Perezida Kagame yagaragaye ari hanze y’inyubako ya Kigali Convention Center mu masaha y’ijoro aganiriza uyu Emir wa Qatar, Sheikh Tamim bin Hamad Al Thani, bitegeye umujyi wari utamirijwe n’amatara y’ijoro.

Inyubako ya Kigali Convention Center yacanywe mu ibara rya mauve nk’ikimenyetso cyo guha ikaze uyu muyobozi w’ikirenga usanzwe ari nyiri ikipe ya PSG.

Perezida Kagame akimara kwakira nyakubahwa Emir wa Qatar, Sheikh Tamim bin Hamad Al Thani,ku Kibuga cy’Indege i Kanombe kuri iki Cyumweru, aba bayobozi bombi bakurikiranye umuhango w’isinywa ry’amasezerano agamije iterambere ku mpande zombi.

Amasezerano yasinywe ni ane arimo ajyanye n’imikoranire mu rwego rw’umuco, muri siporo, mu bukerarugendo n’ibikorwa by’ubucuruzi ndetse n’ibijyanye n’ingendo zo mu kirere.

Nyuma y’isinywa ry’aya masezerano, Perezida Kagame yasangiye ifunguro na mugenzi we Emir wa Qatar, Sheikh Tamim bin Hamad Al Thani, mu muhango wabereye muri Kigali Convention Centre.

Ahagana saa kumi n’imwe zo ku gicamunsi cyo ku Cyumweru taliki ya 21 Mata 2019, nibwo Umuyobozi w’Ikirenga wa Qatar, Igikomangoma Sheikh Tamim bin Hamad Al Thani, yasesekaye i Kigali mu ruzinduko rw’iminsi itatu yakirwa na Perezida Kagame hamwe n’abandi bayobozi bakuru b’igihugu ku kibuga cy’indege i Kanombe.







Amafoto: Village Urugwiro

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Habonetse abarwayi 32 ba Coronavirus mu Rwanda hakira abandi...

Minisiteri y’Ubuzima mu Rwanda yatangaje ko kuri uyu wa Gatatu tariki ya 24...
24 June 2020 Yasuwe: 1525 0

Habonetse abarwayi 59 ba Coronavirus mu Rwanda,hakira 11

Uyu munsi tariki ya 22 Kamena 2020,ubaye uwa mbere ubonetseho abantu benshi...
22 June 2020 Yasuwe: 1702 0

Abasize ibikoresho byabo mu gishanga cya Gikondo bahawe iminsi 7 kuba...

Abahoze mu gace k’inganda ka Gikondo bategetswe gukuramo ibikoresho byabo...
19 June 2020 Yasuwe: 906 0

Abakoresha Mobile Money na Mobile Banking basabwe kwitwararika mu gukoresha...

Ikibazo cy’uburiganya bukorerwa abakoresha mobile money na mobile banking...
19 June 2020 Yasuwe: 1555 0

Umupasiteri wo mu Rwanda yatunguranye avuga uburyo yabaye inkone ya...

Amazina ye ni Pasiteri Jean de Dieu UWIRAGIYE akaba ari umpasiteri...
12 June 2020 Yasuwe: 3504 1

Habonetse abandi barwayi 18 ba Covid-19 barimo ab’i Rusizi n’abaturutse hanze...

Minisiteri y’Ubuzima yatangaje ko abantu 18 basanganywe Coronavirus mu...
11 June 2020 Yasuwe: 1263 0