Amajyepfo: Abasigajwe inyuma n’amateka ngo baracyahezwa

Amakuru   Yanditswe na: Nsanzimana Ernest 18 July 2018 Yasuwe: 346

Mu gihe bamwe mu baturage bo mu cyiciro cy’abitwa ko bahoze barasigajwe inyuma n’amateka bavuga ko hari aho bagihezwa ndetse no kunenwa bya hato na hato kandi ngo n’ubufasha bagenerwa na leta hamwe na hamwe ntibubagereho nkuko bikwiye.

Ubuyobozi bw’intara y’amajyepfo bwo buravuga ko iki cyiciro gihabwa ubufasha nk’abandi batishoboye ariko bagiye gushyira imbaraga mu kurushaho kubigisha kuzamura imyumvire yabo.

Mu bice by’uturere dutandukanye tw’amajyepfo, henshi uhasanga ahubakiwe iyi miryango y’abasigajwe inyuma n’amateka kenshi baba barubakiwe mu nzu z’imidugugu ubwo bavanwaga muri nyakatsi. Gusa ukunze gusanga izi nzu zarangiritse byihuse ba nyirazo bakavuga ko batujwe ahantu habi nk’ahahanamye cyangwa hatajyanye n’umudugudu, bamwe bavuga ko ari nko kubahisha.

Abo TV1 na Radio1 byasuye mu bihe bitandukanye mu turere nka Huye na Gisagara, binubira aho batujwe bavuga ko babona kuhabatuza ari nko kubahisha.

Usibye gutuzwa bavuga ko bidakorwa neza n’ubufasha bagenerwa bavuga ko butabageraho neza ndetse hari n’abavuga ko bagihezwa cyangwa bakanenwa n’abaturanyi bagenzi babo.

Mu karere ka Nyaruguru hari abavuga ko abaturanyi babo badashobora gusangirira hamwe n’iyo bagize ibirori, kuko ngo babahera mu byo kunywesha byabo bitandukanye n’ibyo abandi bari kunyweramo, ibi bakabifata nko kubanena.

Ibi byose ariko umuyobozi w’intara y’amajyepfo Mureshyankwano Marie Rose, avuga ko iki cyiciro kigenerwa ubufasha koko nk’abatishoboye, gusa ngo intara igiye gushyira imbaraga mu kubigisha kuzamura imyumvire ngo inashobora kuba ariyo ituma bakomeza kumva ko bahejwe kandi ari abo mu kiciro cyo gufashwa.

Ubuyobozi bw’intara buvuga ko kuzamura imyumvire aribyo bizatuma aba biyumva ko batahejwe cyangwa se hari ubaheza. Ni mu gihe bamwe mu baturage, basanga hakwiye ko gahunda yo kububakira ukwabo mu midugudu yihariye byavaho, bagaturana n’abandi.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abafite ubumuga bukomatanyije bwo kutumva no kutavuga barifuza kwitabwaho...

Umuryango wa ROPDB urasaba leta n’indi miryango ishinzwe kwita ku...
12 December 2018 Yasuwe: 304 0

Inyeshyamba zarasiwe I Rubavu zashyinguwe

Inyeshyamba bikekwa ko ari iza FDLR zagabye igitero mu murenge wa...
11 December 2018 Yasuwe: 5196 0

‘Kuba umugabo hari icyo bisobanuye umugore ntabwo ari mushiki wawe’ Me...

Evode Uwizeyimana , Umunyamabanga wa Leta ushinzwe itegeko Nshinga n’andi...
10 December 2018 Yasuwe: 2842 0

Abarezi basobanuriwe uko Jenoside yahagaritswe ngo bigiye kubafasha mu kazi...

Abarimu n’ abayobozi bo mu Rwunge rw’ Amashuri rwitiriwe Mutagatifu Pawulo...
30 November 2018 Yasuwe: 381 0

Muhanga: Umugabo utazi gutera akabariro yagereranijwe n’ ikimasa bukeye...

Inyigo yakorewe mu karere ka Muhanga igamije kumenya igitera amakimbirane...
30 November 2018 Yasuwe: 5209 2

Abanyarwandakazi 2 bajujubya umukecuru w’ I Muhanga bashaka kumusenga nk’...

Nyirabidahirika Rissa utuye mu Mujyi wa Muhanga, arashinja abakobwa babiri...
29 November 2018 Yasuwe: 3466 1