Amatora y’ Abadepite: Abashaka kuba abakandida bigenga bikubye kane

Amakuru   Yanditswe na: Nsanzimana Ernest 10 July 2018 Yasuwe: 693

Mu gihe hasigaye iminsi ibarirwa muri 50 ngo mu Rwanda habe amatora y’ abadepite, komisiyo y’ amatora mu Rwanda yatangaje ko abantu 16 basabye kwiyamamaza nk’ abakandida bigenga muri aya matora.

Perezida wa Komisiyo y’ amatora Prof Kalisa Mbanda yavuze ko abakandida bigenga bafite amahirwe yo gutsindira imyanya mu nteko nubwo kugeza ubu nta mupite wigenga u Rwanda ruragira.

Ibi byatangarijwe mu kiganiro komisiyo y’ amatora yagiranye n’ abanyamakuru mu gihe hasigaye iminsi ibiri ngo itangire kwakira kandidatire z’ abifuza kuba abadepite.

Uwifuza kuba umukandida wigenga agomba kugaragaza abantu 600 bamusinyiye, ni ukuvuga abantu 12 muri buri karere. Kugira ngo ahamye intebe mu nteko y’ u Rwanda ni uko agomba kuba yagize amajwi 5%.

Perezida wa Komisiyo y’amatora, Prof Kalisa Mbanda uyu munsi yavuze ko bamaze kwakira abantu 16 bifuza kuzatanga kandidatire zabo nk’abakandida bigenga.
Ati “Barimo urubyiruko rwinshi, barimo abagabo benshi, umugore yaje ari umwe kugeza ubu.”

Prof Kalisa Mbanda uvuga ko igikorwa cyo gushaka imikono y’ababashyigikira cyatangiye tariki 13 Kamena ubu kiriho kigenda neza, avuga ko nubwo tariki ya 12 Nyakanga baba batarabona iriya mikono 600 yose, bemerewe kujyana kandidatire zabo bagakomeza gusinyisha bakazana ibyangombwa bitarenze ku wa 25 Nyakanga itariki ya nyuma yo kwakira kandidatire.

Mbanda kandi avuga ko ubu Komisiyo yiteguye kwakira dosiye z’abakandida bifuza kuziyamamaza ndetse akanagaragaza ingengabihe y’icyo gikorwa.

Ati “Tuzakira abakandida guhera ku ya 12 Nyakanga kugeza ku 25 Nyakanda 2018. Nyuma yo gusuzuma kandidatire, abujuje ibisabwa bazemererwa naho abatabyujuje bajye kubishaka ku buryo tuzasohora urutonde ndakuka ku ya 6 Kanama, kwiyamamaza bitangire kuri 13 Kanama 2018”.

NEC kandi yatangaje ko abakandida bigenga biyongereye muri ayo matora kuko ababisabye kugeza ubu ari 16 mu gihe mu matora y’abadepite aheruka bari bane gusa.

Abazatorwa ni abadepite rusange 53, umwe mu bafite ubumuga, abadepite 24 b’abagore bagize 30% ndetse na babiri bahagarariye urubyiruko, bose bakaba 80 bazajya mu Nteko Ishinga mategeko.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abarimu ba kaminuza ya Kibungo bamaze amezi 5 badahembwa baratabaza

Abarimu bigisha muri kaminuza ya Kibungo bari kurira ayo kwarika kubera ko...
20 February 2019 Yasuwe: 697 0

Amajyepfo:Abarimu bababajwe no gutinda k’umushahara w’ukwezi kwa Mutarama,...

Abarimu b’amashuri abanza n’ayisumbuye bo mu turere tumwe na tumwe two mu...
20 February 2019 Yasuwe: 537 1

Muhanga:Umugabo n’umugore we barakekwa kwica abana babo b’impanga...

Kuri iki Cyumweru umugabo w’imyaka 36 n’umugore we w’imyaka 32 bo mu murenge...
19 February 2019 Yasuwe: 2363 1

Nyarugenge: Abantu bubatse mu bishanga batangiye gusenyerwa

Ubuyobozi bw’akarere ka Nyarugenge bwabyukiye mu gikorwa cyo gusenyera...
18 February 2019 Yasuwe: 3178 1

Mukankusi umaze kubyarira abana batatu muri ruhurura yatangaje ubuzima...

Umubyeyi w’abana 3 witwa Mukankusi Nadine yatangaje ko aba bana bose yabyaye...
18 February 2019 Yasuwe: 4206 4

Perezida Kagame yahishuye ko intandaro y’ibibazo biri hagati y’umubano w’u...

Perezida wa Repubulika y’u Rwanda Paul Kagame yagaragaje ko ibibazo biri mu...
18 February 2019 Yasuwe: 4624 2