Joseph Habineza yamamaye cyane ubwo yayoboraga Minisiteri y’umuco na Siporo, inshingano zatumye urubyiruko rumwiyumvamo ndetse rutangira kumutazira “Joe” , kuri ubu uyu mugabo yahawe inshingano nshya muri Sosiyete ya Radiant.

Sponsored Ad

Kuri uyu wa Gatanu tariki 10 Gicurasi 2019, mu butumwa yanyujije kuri Instagram , Amb. Habineza Joseph yahishuye ko yamaze kugirwa umuyobozi mukuru wa Radiant.

Yagize ati“Imana ihabwe icyubahiro. Ndishimye kandi nyuzwe no kuba Umuyobozi Mukuru wa mbere w’ikigo cy’ubwishingizi cyanditswe mu Rwanda. Ubwishingizi buciriritse kandi ku Banyarwanda bose, Turadadiye. Ibyiza biri imbere.”

Joseph Habineza w’imyaka 55 yagiye ahabwa inshingano zitandukanye mu bigo bitandukanye ndetse no muri Goverinoma y’u Rwanda.

21 Ukuboza 1989-1991: Analyst Programmer muri Bralirwa

1991-1994: Ukuriye ishami rishinzwe ikoranabuhanga muri Bralirwa

Mutarama 1994: Vice President wa FRVB

Gicurasi 1994-1998: Yakoreraga Heineken i Kinshasa

Nzeli 1998- Nzeli 2004: Umuyobozi ushinzwe ikoranabuhanga muri Heineken muri Nigeria

Nzeli 2004- Gashyantare 2011- Minisitiri wa Siporo n’Umuco

Kanama 2011-Nyakanga 2014- Ambasaderi w’u Rwanda muri Nigeria

Nyakanga 2014: Minisitiri wa Siporo n’Umuco