startimes

Amb.Nduhungirehe yatangaje ikosa rikomeye uwari Ambasaderi w’Ubudage mu Rwanda aherutse gukora bigatuma basaba ko ahindurwa

Amakuru   Yanditswe na: Dusingizimana Remy 11 April 2019 Yasuwe: 5793

Umunyamabanga wa Leta muri Minisiteri y’Ububanyi n’Amahanga, Amb. Olivier Nduhungirehe yatangaje ko impamvu nyamukuru yatumye u Rwanda rwirukana uwari Ambasaderi w’Ubudage mu Rwanda, Dr Peter Woeste,ari uko yavuze nabi u Rwanda anatuka Perezida Kagame.



Amb.Nduhungirehe yabwiye ibiro ntaramakuru by’Abadage (Deutsche Presse-Agentur,DPA) ko Amb. Woeste wari uhagarariye Ubudage guhera mu Ukwakira 2016 yavuze amagambo mabi ku Rwanda ndetse no kuri perezida Paul Kagame.

Yagize ati “Woeste yavuze amagambo mabi ku gihugu cyacu ndetse no kuri perezida ubwe.”

Ambasaderi Dr Peter Woeste, yasubijwe iwabo mu mpera za Werurwe 2019,u Rwanda rusaba Ubudage ko bwakohereza undi wo kuruhagararira.
Mu minsi ishize, Amb. Nduhungirehe Olivier, yatangaje ko uyu mu Ambasaderi w’Ubudage mu Rwanda atirukanywe ahubwo yasabiwe gusimburwa kubera iri kosa rikomeye yakoze.

Dr. Peter Woeste wavukiye mu Mujyi wa Werdohl mu Budage kuwa 21 Werurwe 1958, ni umugabo wubatse ufite abana batatu.

Yize muri Kaminuza ya Marburg mu Budage, iya Lausanne mu Busuwisi arangiza ari Umunyamategeko w’umwuga bimuha uburenganzira bwo kuba yakora mu Budage nk’umucamanza.

Usibye kuba Umunyamategeko, mbere yo kwinjira mu bijyanye na dipolomasi yakoze nk’umunyamakuru. Yabaye Ambasaderi w’u Budage muri Malawi aho yavuye azanwa mu Rwanda.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble inchi maskini poleni

    ariko mujye mutubariza abazungu; buriya iriya mvugo yakoresheje ikoreshejwe iwabo uvuga Umukuru w’Igihugu cyabo bakwihorera?
    ubwo wakwihandagaza uri ambasaderi muri USA ugatuka Trump ukanaca amazi politiki ye ugashyikira alkaida?

    April 2019
  • chat_bubble Emmanuel

    Kuvuga nabi u Rwanda no gutuka Perezida Paul Kagame Nifuzaga ko Mwabisobanura neza, bwana Amb Nduhungirehe!? Kuko si inshingano za Ambasaderi kuvuga neza igihugu arimo, ndetse gutuka umukuru W’igihugu ,hari benshi babyitiranya no kumunenga. Benshi nti bari busobanukirwe n’ibyo Amb w’ubudage yazize.

    April 2019

Inzindi nkuru

Habonetse abarwayi 32 ba Coronavirus mu Rwanda hakira abandi...

Minisiteri y’Ubuzima mu Rwanda yatangaje ko kuri uyu wa Gatatu tariki ya 24...
24 June 2020 Yasuwe: 1525 0

Habonetse abarwayi 59 ba Coronavirus mu Rwanda,hakira 11

Uyu munsi tariki ya 22 Kamena 2020,ubaye uwa mbere ubonetseho abantu benshi...
22 June 2020 Yasuwe: 1702 0

Abasize ibikoresho byabo mu gishanga cya Gikondo bahawe iminsi 7 kuba...

Abahoze mu gace k’inganda ka Gikondo bategetswe gukuramo ibikoresho byabo...
19 June 2020 Yasuwe: 906 0

Abakoresha Mobile Money na Mobile Banking basabwe kwitwararika mu gukoresha...

Ikibazo cy’uburiganya bukorerwa abakoresha mobile money na mobile banking...
19 June 2020 Yasuwe: 1555 0

Umupasiteri wo mu Rwanda yatunguranye avuga uburyo yabaye inkone ya...

Amazina ye ni Pasiteri Jean de Dieu UWIRAGIYE akaba ari umpasiteri...
12 June 2020 Yasuwe: 3504 1

Habonetse abandi barwayi 18 ba Covid-19 barimo ab’i Rusizi n’abaturutse hanze...

Minisiteri y’Ubuzima yatangaje ko abantu 18 basanganywe Coronavirus mu...
11 June 2020 Yasuwe: 1263 0