addresiya
startimes

Ange Kagame yise Mama we umugore udasanzwe[AMAFOTO]

Amakuru   Yanditswe na: Martin Munezero 10 August 2019 Yasuwe: 6687

Kuri uyu wa Gatandatu tariki 10 Kanama 2019, ni umunsi udasanzwe mu buzima bwa Madamu Jeannette Kagame Umufasha w’Umukuru w’Igihugu cy’u Rwanda, Paul Kagame. Uyu ni wo munsi yizihizaho isabukuru y’amavuko ye aho uyu mwaka yujuje imyaka 57 ishize abonye izuba.



Mu butumwa yacishije kurubuga rwa Twitter , Ange Ingabire Kagame , umukobwa wa Perezida w’ u Rwanda Paul Kagame yifurije nyina Jeannette Kagame isabukuru nziza avuga ko ari umuntu mwiza cyane mu Isi.

Ange Kagame uherutse gushyingiranwa na Bertrand Ndengeyingoma ,mu butumwa buri mu rurimi rw’Icyongereza yanyujije ku rukuta rwa Twitter yagize ati “Umunsi mwiza w’ amavuko ku muntu mwiza kurusha abandi ku isi. Ndagukunda mugore udasanzwe/ mubyeyi uruta abandi.”


Jeannette Nyiramongi [Jeannette Kagame] yavutse tariki ya 10 Kanama 1962 nyuma y’igihe gito cyane u Rwanda ruhawe ubwigenge. Kubera amateka mabi yaranze u Rwanda ashingiye ahanini ku ivangura moko, Jeannette Kagame n’umuryango we babaye mu buhungiro ari naho yize amashuri ye mu bihugu nk’u Burundi na Kenya.

Tariki ya 10 Kamena 1989, Jeanette Nyiramongi wari warahungiye i Nairobi muri Kenya we n’umuryango we yashakanye na Paul Kagame ari nabwo yafashe izina ry’umugabo we, kuva ubwo yitwa Jeannette Kagame. Bakoreye ubukwe mu gihugu cya Uganda. Kagame yari yarasabye abo mu muryango we kumurangira umugore ukwiriye, baza kumurangira Jeannette maze ajya kumusura muri Kenya, nawe amusaba kuzamusura muri Uganda

. Jeanette yakunze cyane gahunda ya RPF yo gushaka uko impunzi zazatahuka zigasubira mu Rwanda, bakomeza umubano wabo igihe kiragera bararushinga. Ubu bafitanye abana bane, abahungu batatu n’umukobwa umwe. Imfura yabo ni Yvan Cyomoro Kagame, ubuheta ni Ange Ingabire Kagame, hagakurikiraho Ian Kagame n’umuhererezi Brian Kagame.

Kuva tariki ya 24 Werurwe 2000, nibwo Jeannette Kagame yinjiye mu mateka y’u Rwanda n’isi muri rusange nka ‘First lady’ cyangwa se ‘Première Dame’, nyuma y’uko umugabo we Perezida Paul Kagame abaye Perezida wa Gatandatu w’u Rwanda.

Mu mwaka wa 2002 yashinze umuryango udaharanira inyungu wa Imbuto Foundation, anabereye umuyobozi kugeza ubu, uyu ukaba ari umuryango wagize uruhare runini mu gushyira imbaraga mu buzima n’uburezi bw’abana b’abanyarwanda by’umwihariko abana b’abakobwa batishoboye.

Tariki ya 10 Kamena 1989, mu gihugu cya Uganda ni bwo Perezida Paul Kagame n’umufasha we Jeannette Kagame bambikaniye impeta basezerana kubana mu rukundo n’ubwuzuzanye nk’umugabo n’umugore.

Mu 2010, Madame Jeannette Kagame yabonye impamyabumenyi y’icyubahiro y’ikirenga muri Kaminuza ya gikiristu ya Oklahoma kubera uruhare yagize mu kurwanya agakoko gatera SIDA no kurwanya ubukene, muri uwo mwaka ahita anashingwa guhagararira ibikorwa by’imirire ku bana muri gahunda y’ibiribwa (PAM cyangwa WFP) mu muryango mpuzamahanga w’ibihugu ku isi (ONU).

Jeannette Kagame akunze kurangwa n’urugwiro, ashyigikira uburezi bw’abana anita ku bapfakazi batishoboye

Jeannette Kagame afite impamyabumenyi mu bigendanye n’ubukungu n’icungamutungo, akaba yaragiye atanga ibitekerezo n’ibiganiro mbwirwaruhame byaba ibyo ku rwego rw’igihugu cyangwa se mpuzamahanga mu ngeri zitandukanye harimo ibijyanye n’Imiyoborere myiza, Ubukungu, ubuzima, imibereho myiza y’umwana n’umugore ndetse n’umuryango muri rusange.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Abantu 10 bakize Coronavirus mu Rwanda kuri uyu wa Mbere mu gihe umwe...

Minisiteri y’Ubuzima mu Rwanda yatangaje ko uyu munsi habonetse umuntu umwe...
11 May 2020 Yasuwe: 1633 0

Rwanda:Ibihano bihanishwa uwagejeje saa mbili z’ijoro ari mu...

Nyuma yuko guhera kuri uyu wa Mbere taliki ya 04 Gicurasi amategeko ya...
7 May 2020 Yasuwe: 7869 0

Musanze:Imiryango 28 icumbikiwe mu kigo cy’ishuri kubera imvura

Imvura yaguye mu ijoro ryo ku wa gatanu kugeza kuwa Gatandatu mu Ntara...
3 May 2020 Yasuwe: 1229 0

Reba uko gahunda yo gutwara abagenzi iteye mu ntara zose z’u Rwanda no mu...

Minisitiri w’Ubutegetsi bw’Igihugu, Prof Shyaka Anastase, yasobanuye ko...
2 May 2020 Yasuwe: 21599 3

Habayeho impinduka nyinshi kuri gahunda yari isanzweho ya Guma mu Rugo na...

Itangazo ry’ibyemezo by’Inama y’Abaminisitiri idasanzwe yateranye tariki 30...
1 May 2020 Yasuwe: 7225 0

Rwanda:Hagiye gukoreshwa ikoranabuhanga mu gusaba uruhushya rwo gusohoka mu...

Nkuko Itangazo rya Polisi y’u Rwanda yashize ku rukuta rwayo rwa Twitter...
26 April 2020 Yasuwe: 2728 3