Bugesera: Abageni bakerewe iminota 20 basanga padiri yigendeye

Amakuru   Yanditswe na: Alphonse Bikorimana 10 November 2018 Yasuwe: 5963

Umusore n’ umukobwa bo mu murenge wa Kamabuye mu karere Bugesera bafite gahunda yo gusezerana kuri uyu wa Gatandatu tariki 10 Ugushyingo 2018 bageze kuri centrale basanga padiri yagiye, bamwe mu babibonye banenze padiri , abandi bavuga ko biraba isomo ku bafite umuco wo gukererwa.

Nsengiyumva Jean Damascene na Mukamurera Donatille bagombaga gusereranira kuri centrale Kamabuye saa saba 13h:00, bageze kuri iyi centrale saa saba na makumyabiri (13h:20) basanga padiri Elvin Musemakweri wari kubageseranya yigendeye.

Umugore wo muri ADEPR wari watashye ubu bukwe yabwiye UMURYANGO ko padiri yagombaga kubihanganira.

Yagize ati “Ibi bintu biteye isoni padiri bamubwire yisubireho kuko nawe ashobora kugira impamvu”.

Umwe mu bagabo bari batashye ubukwe watubwiye ko asengera kuri iyi Centrale yavuze ko ibyo Padiri Mukuru wa Paruwasi ya Ruhuha Musemakweri yakoze biratuma abantu bagira indangagaciro yo kubahiriza igihe.

Ati “Abaturage baha ni uko batabimenyereye ibi ni ibisanzwe. Uyu mupadiri azabashyira ku murongo”

Nyuma y’ igihe gito aba bageni baheze mu gihirahiro, kuri iyi centrale hageze intumwa padiri yari yohereje ngo ibwire aba bageni bamusange kuri paruwasi ariho abasezeranyiriza.

Bamwe mu bageze mbere kuri iyi centrale batubwiye ko kimwe mu byatumye padiri afata icyemezo cyo kwigendera ariko iyi centrale yatinze gukingurwa. Gusa amakuru Umuryango wamenye ni uko imodoka padiri mukuru Musemakweri yari yajemo yari ifite izindi nshingano iribukoreshwe za cyenda.

Kuva kuri iyi centrale ujya kuri paruwasi harimo urugendo rw’ iminota irenga 30 ku modoka. Ibi byatumye abageni n’ abandi bantu nka bane mu bari babaherekeje aribo gusa bajya kuri paruwasi aho umuhango wo gusezerana wimuriwe abandi bajya ahagomba kubera umuhango wo kwiyakira.

Kuri centrale aba bageni bari bafite korari igomba kubaririmbira nayo byarangiye bitabaye kuko abaririmbyi batabashije guhita babona imodoka ibajyana kuri paruwasi.


Author : Alphonse Bikorimana

Ibitecyerezo

  • Log in

    Amategeko n'amabwiriza birkurikizwa


  • chat_bubble gakuba

    Kuki batabikora, nkabandi ngo batange, amafaranga ya coution nibatinda bayahombe, aho kugirango abakwe bahere, kugasozi

    5 months ago
  • chat_bubble gasigwa ernest

    uwo mupadiri yakoze ibikuiye kuko bizatuma batazongera gukerererwa.

    5 months ago
  • chat_bubble mazina

    Ibyo Padiri yakoze nibyo.Twebwe Abanyafurika,tujye tumera nk’Abazungu kuko "bubahiriza igihe".Iyo wishe Gahunda y’undi muntu,bituma nawe yica Gahunda ze.Gusa tujye tumenya ko biriya byo "Gusezerana" mu nsengero atari ngombwa.Icyo imana idusaba gusa ni "Igikumwe".Nukuvuga kwiyandikisha nk’umugore n’umugabo.Mwibuke ko Maliya na Yozefu bagiye "kwiyandikisha" I Bethlehem nkuko tubisoma muli Luka 2:5.Gusezerana imbere ya Padiri cyangwa Pastor,ntitukavuge ngo ni "imbere y’imana".Imana ntabwo iba mu nsengero z’abantu (Ibyakozwe 17:24).Abantu bonyine Imana yasezeranyije,ni Adamu na Eva gusa kandi ntabwo bali mu Rusengero.Ibisigaye ni IMIHANGO y’abantu.Urugero,muli ISRAEL ya kera,nta hantu tubona Abakristu bagiye gusezerana mu rusengero.Ndetse na Maliya na Yozefu ntabwo bagiyeyo.Ikibabaje cyane nuko abanyamadini baba bishakira ifaranga.
    Barihisha ubukwe,abapfuye,ndetse basigaye barihisha na toilets zabo.Aya ni amahano.Niyo mpamvu Bible ibita "abakozi b’inda zabo",mu gihe bo biyita "abakozi b’imana" (Abaroma 16:18).

    5 months ago

Inzindi nkuru

NYAMIRAMBO:Abakobwa 2 babana bahuje ibitsina barwaniye mu kabari rubura...

Mu Rwanda byatangiye kubona abantu bahuje ibitsina bemeza ko babana ari...
23 April 2019 Yasuwe: 3262 0

Perezida Kagame yatembereje Sheikh Tamim Bin Hamad Al Thani wa Qatar muri...

Nyakubahwa Perezida wa Repubulika y’u Rwanda,Paul Kagame yagiye gutembereza...
22 April 2019 Yasuwe: 4459 0

Ubufaransa bwatangarije abaturage babwo ahantu 3 bagomba kwirinda gusura mu...

Igihugu cy’Ubufaransa cyabwiye abaturage babwo ko abateganya gusura u Rwanda...
22 April 2019 Yasuwe: 9380 0

Amafoto y’umunsi: Perezida Kagame yakiriye mu buryo budasanzwe umuyobozi...

Ku munsi w’ejo taliki ya 21 Mata 2019 nibwo Nyakubahwa perezida wa...
22 April 2019 Yasuwe: 8495 0

RUHANGO:Umukecuru wahaswe imiti igabanya ubukana bwa SIDA atayirwaye ubu...

Nirere Venantie, ni umukecuru w’imyaka 83 y’amavuko kuko yavutse mu 1936....
20 April 2019 Yasuwe: 3030 0

Joy umufana wa Rayon Sports avuga kuri Kimenyi na Kevin bandagajwe...

Mukeshimana Joy, umukobwa uri mu bakunzi b’imena ba Rayon Sports, yanenze mu...
20 April 2019 Yasuwe: 6212 1