dnd

Bugesera:Hafashwe bamwe mu bagize itsinda ry’abantu bategaga abaturage bakabambura

Amakuru   Yanditswe na: Martin Munezero 24 November 2019 Yasuwe: 1572

Polisi y’u Rwanda ni kenshi iburira abantu bigira abambuzi ku ngufu ko itazihanganira ibyo bikorwa by’ubugizi bwa nabi.



Polisi y’u Rwanda ikorera mu karere ka Bugesera mu murenge wa Nyamata iravuga ko kuri uyu wa Kane tariki ya 21 Ugushyingo yafashe bamwe mu bagize itsinda ry’abasore n’inkumi bategaga abaturage nijoro rikabambura ibyabo. Abafashwe ni uwitwa Mwiseneza Eric ufite imyaka 21, Ndahiro Clement w’imyaka 23, Uwera Claudine afite imyaka 24 na Umurerwa Leoncie ufite imyaka 20.

Umuvugizi wa Polisi y’u Rwanda mu ntara y’Iburasirazuba Chief Inspector of Police (CIP) Hamdun Twizeyimana avuga ko abaturage bari bamaze iminsi bavuga ko mu mujyi wa Nyamata hari ahantu hihisha urubyiruko rukabambura. Polisi ikimara kumenya ayo makuru ngo yahise itegura igikorwa cyo gufata abo bantu.

Yagize ati: ”Hari abaturage bo mu mujyi wa Nyamata mu minsi ishize batugejejeho ikibazo ko hari abantu babatega bakabambura mu masaha ya nimugoroba hatangiye kwijima(mu kabwibwi). Twahise dutegura igikorwa cyo gufata abo bantu nibwo abapolisi bahise bajya aho hantu mu ijoro rimwe bahafatira bariya basore n’abakobwa bane.”

CIP Twizeyimana avuga ko abafashwe bakimara gufatwa biyemereye ko basanzwe bategera abantu aho mu mujyi wa Nyamata, ibyo bamaze kwiba bakajya kubigurisha. Bavuga ko bakunze kwambura abagore n’abakobwa aho babashikuza amasakoshi yabo, kwambura amatelefoni abantu baje bayavugiraho cyangwa bayacanye barimo kumurika. Uru rubyiruko kandi ngo ntirwatinyaga no gutega abagabo n’abasore rukabakuramo amakote n’inkweto bakajya kubigurisha.

Hakizimana Joseph w’imyaka 40 avuga ko tariki ya 11 uku kwezi yanyuze aho hantu mu mujyi wa Nyamata bamwambura telefoni ebyiri yari afite zifite agaciro k’amafaranga y’u Rwanda ibihumbi 80 buri imwe. Ni mugihe uwitwa Ntwari Abdallah w’imyaka 43 we ngo baherutse kumutega bakamwambura telefoni ebyiri, imiguru ibiri y’inkweto yari avuye kugura ndetse n’ingofero yari yambaye.

Umuvugizi wa Polisi y’u Rwanda mu Ntara y’Iburasirazuba yashimiye abaturage batanze amakuru bariya bantu bagafatwa, ariko yakanguriye abaturage gukaza amarondo mu rwego rwo kwicungira umutekano.

Yagize ati: ”Turashimira abaturage batugejejeho amakuru tukabasha gufata bariya banyabyaha, turakangurira abaturage kugira uruhare mu kwicungira umutekano binyuze mu marondo ya nijoro. Bakamenya ahantu hakunze kuvugwa ibikorwa bibi nko kuhanywera ibiyobyabwenge ndetse no kuhategera abantu bakabambura bakaba ariho bibanda.”

Abafashwe Polisi yahise ibashyikiriza urwego rw’igihugu rushinzwe ubugenzacyaha (RIB) kuri sitasiyo ya Nyamata kugira ngo bakorerwe dosiye. Ni mugihe hakirimo gushakishwa abandi bakoranaga n’uru rubyiruko rwamaze gufatwa.

Itegeko nº68/2018 ryo ku wa 30/08/2018 riteganya ibyaha n’ibihano muri rusange ingingo ya 166 ivuga ko umuntu wese uhamijwe n’urukiko icyaha cyo kwiba, ahanishwa igifungo kitari munsi y’umwaka umwe (1) ariko kitarenze imyaka ibiri (2) ,ihazabu y’amafaranga y’u Rwanda atari munsi ya miliyoni imwe (1.000.000 FRW) ariko atarenze miliyoni ebyiri (2.000.000 FRW), imirimo y’inyungu rusange mu gihe cy’amezi atandatu (6) cyangwa kimwe gusa muri ibyo bihano.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble

    bazahindure.itegeko bage.babaha itanu.kubera impamvu 2 icyambere nuko abo ushatse guhangana nabo bashobora no kukwica. icyakabiri nuko amafaranga avuga, acibwa abajura ntayo baba bafite cyangwa barigeze batunga ibyiza nukongera igihe bafungwa amafaranga yo ntayo,bagira nibyo bibye ntibirara,

    2 weeks ago
  • chat_bubble

    bazahindure.itegeko bage.babaha itanu.kubera impamvu 2 icyambere nuko abo ushatse guhangana nabo bashobora no kukwica. icyakabiri nuko amafaranga avuga, acibwa abajura ntayo baba bafite cyangwa barigeze batunga ibyiza nukongera igihe bafungwa amafaranga yo ntayo,bagira nibyo bibye ntibirara,

    2 weeks ago

Inzindi nkuru

Abanyarwanda 2 bakubitiwe muri Uganda bajugunywa ku mupaka ari...

Kuri uyu wa 12 Ukuboza 2019 Guverineri w’intara y’Amajyaruguru abinyujije...
12 December 2019 Yasuwe: 3390 3

Nyagatare:Gitifu arashinjwa kwiba ihene

Umunyamabanga Nshingwabikorwa w’Akagari ka Nyarukamba mu Murenge wa Gatunda...
12 December 2019 Yasuwe: 2707 0

U Rwanda rwavanyeho imisoro ku bicuruzwa by’isuku y’abagore n’abakobwa bari mu...

U Rwanda rwavanyeho imisoro ku nyongeragaciro (TVA) ku bicuruzwa by’isuku...
11 December 2019 Yasuwe: 3324 1

Hafashwe uwari ufite ibicuruzwa bitemewe mu Rwanda birimo n’amavuta ya...

Polisi y’u Rwanda ikorera mu karere ka Nyamasheke mu murenge wa Ruharambuga...
11 December 2019 Yasuwe: 1880 0

BNR yaburiye abinjira muri konti zabo za banki bakoresheje Wi-fi

Banki Nkuru y’Igihugu (BNR), irahamagarira abantu bose guhagarika kwinjira...
11 December 2019 Yasuwe: 7480 0

Gicumbi: Ba Gitifu basinyiye kurangiza vuba ikibazo cy’ubwiherero...

Abanyamabanga Nshingwabikorwa b’imirenge n’utugari mu karere ka Gicumbi...
11 December 2019 Yasuwe: 986 2