Bugesera: Polisi yarashe wa mugabo wafataga abagore ku ngufu yihimura ku wamuteye SIDA

Amakuru   Yanditswe na: Dusingizimana Remy 16 July 2019 Yasuwe: 5979

Umugabo uzwi nka Eric wabaga mu ishyamba rya Gako washinjwaga na bamwe mu bagore bo mu murenge wa Rilima mu karere ka Bugesera ko abafata ku ngufu, yaraye arashwe n’abashinzwe umutekano ubwo bamutaga muri yombi agasimbuka imodoka.

Umwe mu bagore wafashwe ku ngufu na Eric yabwiye Radio Flash mu minsi ishize ko we na bagenzi be bane bari bagiye gutashya inkwi mu ishyamba rya Gako afatamo umwe amusambanya ku gahato akoresheje intoki ze.

Uwo mugore ati “Twarirutse, njyewe igiti kiramfata. Yankoresheje intoki akajya ambwira ngo n’ amara yayakuramo. Amaze kumvaho ahita afata n’ undi mwana hirya”.

Umuvugizi wa Police mu Ntara y’Uburasirazuba CIP Hamdun Twizeyimana yabwiye Umuseke ko uriya mugabo yafashwe na Police ku Cyumweru taliki 13, Nyakanga, 2019 imushyikiriza RIB,ari mu modoka yayo arasimbuka ashaka gutoroka baramurasa arapfa.

Yagize ati “ati: “ Bageze mu nzira uriya Eric asimbuka imodoka ashaka gucika baramurasa arapfa.”

Abaturage bo mu Bugesera bavuga ko Eric yigeze gufungwa azira gufata ku ngufu umugore, arekuwe arabikomeza.

Aba baturage kandi bavuze ko ngo agenda avuga ko yazanywe n’ igitsina gore ngo cyamuteye SIDA ndetse azahangana nacyo.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble mazina

    Iyo ni imwe mu ngaruka zo gusambana.Ubusambanyi bukorwa na millions and millions z’abantu,butera ibibazo byinshi bikomeye: Gufungwa,kwica cyangwa kwicwa,kwiyahura,gukuramo inda,guhotora cyangwa kujugunya umwana wabyaye,gusenya ingo ku bashakanye,etc… Nkuko Yesaya 48 umurongo wa 18 havuga,turamutse twumviye Imana nibwo twagira amahoro gusa.Ibibazo byinshi isi ifite biterwa nuko abantu batuye isi hafi ya bose basuzugura Imana.Niyo mpamvu nayo yashyizeho umunsi w’imperuka,kugirango izabakure mu isi izaba paradizo dutegereje ivugwa muli petero wa 2,igice cya 3,umurongo wa 13.Mwibuke ko ku gihe cya Nowa Imana nabwo yarimbuye abantu bose bali batuye isi,hakarokoka gusa abantu 8 bumviraga Imana.Ni Yesu ubwe wahamije iyo nkuru,hanyuma avuga ko ariko bizagenda nagaruka ku munsi w’imperuka. It is a matter of time.

    1 month ago
  • chat_bubble rango

    Byari biteyevisoni rwose. Kuki byarinze kujya mu binyamakuru?

    1 month ago

Inzindi nkuru

Perezida Kagame na Museveni basinye amasezerano y’ubufatanye n’umutekano

Perezida Paul Kagame, Yoweri Kaguta Museveni wa Uganda, João Lourenço wa...
21 August 2019 Yasuwe: 933 0

Kicukiro: Polisi yaraye irashe abasore babiri barimo umwe washatse...

Polisi yaraye irashe abasore babiri mu karere ka Kicukiro barimo umwe wari...
21 August 2019 Yasuwe: 3051 0

GASABO:Abaturage bababajwe n’urupfu rwagashinyaguro Nahimana yishwe aho...

Abaturage bo mu Mudugudu wa Rukingu, Akagari ka Kagugu, Umurenge wa...
21 August 2019 Yasuwe: 4701 0

Kigali: Umugore yatangaje uko yacuze umugambi wo kwica umugabo we...

Umugore witwa Shanita yemereye yemereye itangazamakuru ko ariwe wishe...
20 August 2019 Yasuwe: 8555 3

RDB yatangaje akayabo imaze kunguka kubera gufatanya n’ikipe ya...

Ubuyobozi bwa RDB buratangaza ko nyuma y’umwaka ushize u Rwanda rusinyanye...
20 August 2019 Yasuwe: 1506 1

Abantu benshi bo mu Rwanda no muri Congo bakora ubucuruzi bwambukiranya...

Igihugu cy’u Rwanda na Repubulika iharanira Demokarasi ya Congo biri...
20 August 2019 Yasuwe: 433 0