Bugesera:Umugabo yahawe inzaratsi n’umugore we kugira ngo amukundwakaze

Amakuru   Yanditswe na: Iyamuremye Janvier 6 July 2017 Yasuwe: 1638

Umugore wo mu karere ka Bugesera akurikiranyweho guha inzaratsi umugabo we, ngo yakoze ibi byose agamije kugirango umugabo akomeze amukunde nk’uko byemezwa na bamwe mu baturanyi b’uyu muryango.

Uyu mugabo umarenye uburwayi butarasobanuka atuye mu Murenge wa Gashora mu Kagari ka Biryogo i Bugesera.Ngo iyo ndwara ituma ajya ku musarane buri kanya, bikekwa ko byavuye ku nzaratsi yahawe n’umugore we ashaka ko amukundwakaza zikaza kumuviramo uburwayi bukomeye.

Inkuru ya TV1 ikomeza ivuga ko uyu mugore yabonye umugabo akomerewe ahitamo kumufungirana mu nzu, aho yaje kuvanwa n’inzego z’umutekeno zikamugeza kwa muganga, ari naho yaje kuvanwa n’umuryango we ujya kumuvuriza i Muhanga.

Umwe yagize ati “Simbihagazeho ariko ngo yamaze igihe aryamye, afungiranye n’ingufuri. Twumva ngo yacishije inzaratsi.”

Undi yagize ati “Ntitwabibonye azimuha, ariko impamvu abantu babihamya ni uko yamuhishe.”

Abandi baturage baganiriye n’iki gitangazamakuru bavuze ko kuba uyu mugore yarafungiranye umugabo we bitahuzwa n’ibivugwa ko yamuhaye inzaratsi. Ngo ubusanzwe iyo umuntu yarozwe ashyirwa ahantu hawenyine kugirango uwamuroze adakomeza kumwongera ubundi.

Umugore ushinjwa kwirogera umugabo yahakanye ibivugwa anemeza ko atigeze aha inzaratsi umugabo we kuko bari babanye neza. Yakomeje avuga ko hari bamwe mu bagore acyeka bashaka kumuteranya n’umugabo we ngo bamutware.

Yagize ati “Njyewe ndasenga sinshobora kujya gushakira umugabo inzaratsi. Hari abantu babanye mbere (bagiranye ubushuti), baba bumva ko kuko ntasezeranye nawe ejo yabashaka ndetse nawe umubajije, twabanye atanshaka arinjye ushaka umugabo ngo nkunde nubake.”

Yongeye ati “Abavuga ko ntavuje, barabeshya. Naravuje , abajyanama baje kumusuzuma Malariya barayibura, nibwo naje kumujyama ku muvuzi gakondo, mugejejeyo mu rukerera bamuhaye umuti basanga bwamurenze. Yiriweyo ameze nabi acisha hasi no hejuru. Iyo umuntu arwaje amarozi, ntiyerekana umurwayi.”

Uyu mugore yavuze ko umuryango w’umugabo usigaye umwishisha ndetse ko ubwo umugabo we yari ku kigo nderabuzima cya Gashora atemerewe kumurwaza ahubwo ko nyuma yahise ajyanwa I Muhanga.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Mbigenze nte ? Umugore wanjye yahukanye kuko nta kibasha gutera...

Umusomyi w’ UMURYANGO yatwandikiye agira ngo umugire inama y’icyo yakora...
15 November 2017 Yasuwe: 797 2

Nyarugenge: Abantu 3 bakurikiranyweho ubwambuzi bw’asaga Miliyoni...

Polisi y’u Rwanda mu karere ka Nyarugenge ifunze abagabo batatu bakekwaho...
13 November 2017 Yasuwe: 1516 0

Musanze: Umubyeyi w’ abana bane yakuyemo inda abeshya abaganga ko yagiye mu...

Umubyeyi Twahaye izina rya Mukanama wo mu murenge wa Muko mu karere ka...
13 November 2017 Yasuwe: 2369 0

Bishop Rugagi yashyize hanze amabanga ya Bahati uherutse ku mushinja...

Umupasiteri umaze kwamamara mu Rwanda no hanze yarwo biturutse ku...
11 November 2017 Yasuwe: 3117 0

Imyitozo y’Ingabo z’u Rwanda ubwo zagaragarizaga Perezida Kagame ubuhanga...

Perezida wa Repubulika y’u Rwanda Paul Kagame, kuri uyu wa Gatanu yitabiriye...
11 November 2017 Yasuwe: 4730 0

Bishop Rugagi yatamaje umusaza wamwiyitiriye

Umushumba mukuru w’ itorero Redeemed gospel church Bishop Innocent Rugagi...
11 November 2017 Yasuwe: 2989 0