Burera: Abana batanu barohamye mu Kiyaga babiri barapfa

Amakuru   Yanditswe na: Iyamuremye Janvier 5 August 2017 Yasuwe: 669

Ababyeyi barasabwa kuba maso bakarinda abana kurohama cyane muri ibi bihe by’ubushyuhe , aho abantu baturiye imigezi, inzuzi n’ibiyaga bakunda kubijyamo, cyane cyane urubyiruko rurimo n’abana , kandi benshi baba batazi koga cyangwa badafite ibindi bya ngombwa byifashishwa mu kurinda kurohama.

Iyi ni inama Polisi y’u Rwanda igira ababyeyi n’abandi bashinzwe kurera abana hirya no hino mu gihugu.

Nk’uko byagiye bigaragara, cyane cyane muri iki gihe cy’ibiruhuko, abana bakomeje kwishora mu migezi n’ibiyaga bikabaviramo gutakaza ubuzima nyuma yo kurohama kuko abashinzwe kubarera baba bahugiye mu mirimo itandukanye.

Urugero ni urwo mu karere ka Burera aho muri iki cyumweru ku itariki ya 29 Nyakanga abana batanubarohamye mu Kiyaga cya Burera bikabaviramo babiri muri bo urupfu; ibyo bikaba byarabereye mu kagari ka Nyamabuye, mu murenge wa Kagogo ubwo abana batanu barimo abo babiri bajyaga koga muri icyo Kiyaga.

Umuvugizi wa Polisi y’u Rwanda mu Ntara y’Amajyaruguru, Inspector of Police (IP) Innocent Gasasira yavuze ko batatu muri abo bana barohowe ari bazima; naho babiri bandi bakaba barakuwe mu mazi bashyizemo umwuka.

IP Gasasira yagize ati, "Uretse mu migezi n’inzuzi, hirya no hino uhasanga abana bidumbaguza mu bizenga by’amazi ku buryo hari abahasiga ubuzima. Hakwiye gufatwa ingamba zo kurinda abana ukurohama n’ibindi bibazo bashobora guhura na byo bitewe no kutabitaho."

Yongeye gusaba akomeje ababyeyi n’abandi bashinzwe abana kubahozaho ijisho kugira ngo babarinde ibyago byo kugwa mu byobo cyangwa kurohama mu bizenga by’amazi, imigezi, inzuzi n’ibiyaga.

Yibukije nimero ya telefone ya Polisi y’ubutabazi bwo mu mazi, ari yo 110. Ku baturiye ibiyaga n’andi mazi; yaba atemba cyangwa ari hamwe yabagiriye inama agira ati," Koga muri ayo mazi si bibi; ariko ni ngombwa ko ujyamo aba azi koga; kandi akaba afite ibikoresho bimurinda kurohama.

IP Gasasira yasabye buri wese ubonye umwana arimo akinira cyangwa yidumbaguza mu biyaga, inzuzi, imigezi n’ibidendezi kumubwira kuva muri ayo mazi.

Umuvugizi wa Polisi y’u Rwanda mu Ntara y’Amajyaruguru, Inspector of Police (IP) Innocent Gasasira
Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


  • chat_bubble Mubiligi Erick

    Imiryango yabuze abana babo yihangane kandi Imana ibakire Gusa birababaje kuba abana nkaba barohama mukiyaga, biragaragara ko ababyeyi babo bagize uburangare rwose. Ababyeyi tugomba kwegera babana bacu tukababuza kujya mubiyaga no mumazi atemba nko munzuzi no mumigezi minini kuko impanuka zaho rwose nta kajorite zigira kuko uretse n’abana n’abantu bakuru kirazira kwishora mumazi menshi nkaya utazi koga rwose ibi ntibizasubire.

    4 months ago

Inzindi nkuru

Leta y’ u Rwanda yagurijwe miliyoni 125$ zo kugeza amashyanyarazi ku...

Kuri uyu wa mbere, u Rwanda rwasinyanye amasezerano na banki y’Isi...
4 December 2017 Yasuwe: 429 2

Umubyeyi yabuze umwana we w’imyaka 3 nyuma yo kumusiga aryamye mu Cyumba cye...

Umubyeyi witwa Kristy Woods ukomoka mu gihugu cya Leta zunze Ubumwe...
30 November 2017 Yasuwe: 961 0

U Rwanda mu bihugu byafashe mu mugongo Misiri nyuma y’ igitero cyishe...

Guverinoma y’u Rwanda yihanganishije Igihugu cya Misiri n’abaturage bacyo...
25 November 2017 Yasuwe: 484 0

Gasabo: Uruhinja rwatoraguwe mu mugezi rwapfuye birakekwa ko rwatawe n’...

Mu gitondo cyo kuri uyu wa Gatanu tariki 17 Ukwakira 2017 abaturage bo mu...
17 November 2017 Yasuwe: 552 0

Mbigenze nte ? Umugore wanjye yahukanye kuko nta kibasha gutera...

Umusomyi w’ UMURYANGO yatwandikiye agira ngo umugire inama y’icyo yakora...
15 November 2017 Yasuwe: 1034 2

Nyarugenge: Abantu 3 bakurikiranyweho ubwambuzi bw’asaga Miliyoni...

Polisi y’u Rwanda mu karere ka Nyarugenge ifunze abagabo batatu bakekwaho...
13 November 2017 Yasuwe: 1628 0