Burera:Umwana wiga mu mwaka wa mbere w’amashuli Yisumbuye yafatiwe ku ngufu aho barara n’abandi banyeshuli

Amakuru   Yanditswe na: Martin Munezero 30 January 2019 Yasuwe: 4746

Amakuru avuga ko byabaye ku cyumweru tariki 27 Mutarama nijoro ubwo umwana w’umukobwa w’imyaka 12 wiga ku kigo cy’amashuri cya APAPEDUC Bungwe yafashwe ku ngufu asambanywa ari mu cyumba aho n’abandi barara. Gusambanya umwana ubu bihanishwa igifungo cy’imyaka 25 ku wo bihamye.

Hari amakuru yemeza ko uyu mwana wiga mu mwaka wa mbere w’amashuri yisumbuye yasambanyijwe ahagana saa saba z’ijoro aryamye muri ‘dortoire’ bigakorwa n’abantu b’igitsina gabo babiri.

Iri shuri riherereye mu mudugudu wa Rweru, Akagali Bungwe, Umurenge wa Bungwe ngo ntabwo rizitiye. Ndetse ni kimwe mu byo ubuyobozi bw’iri shuli bahise babwa gukemura mu nama n’abayobozi b’inzego z’ibanze yahise iba.

Jean de la Paix Manirakiza Umunyamabanga Nshingwabikorwa w’Umurenge wa Bungwe yabwiye Umuseke ikinyamakuru dukesha iyi nkuru ko ngo umwana yababwiye ko yafashwe masaha ya saa saba z’ijoro ubwo yari aryamye n’abandi.

Kugeza ubu ngo babiri bakekwaho iki gikorwa kibi barafashwe bafungirwa kuri station ya Police ya Bungwe.

Umuyobozi w’Ikigo cya APAPEDUC Bungwe Arsène Dukundigena yabwiye itangazamakuru ko abafunzwe bakekwaho gukora kiriya cyaha ari abazamu babiri bamaze imyaka itanu bakora kuri kiriya kigo.

Dukundigena avuga ko kumenya uko binjiye muri dortoire bagasambanya uriya mwana bikiri mu iperereza bityo ko ntacyo yabitangazaho birenze.

Ku rundi ruhande ariko, avuga ko umwana wahohotewe ngo atigeze atabaza nubwo yari kumwe na bagenzi be baryamye.

Ngo yari asanzwe ari umunyeshuri w’imico myiza, nta myitwarire mibi bari bamuziho.

Uyu muyobozi avuga ko ikigo ayobora kidafite uruzitiro rukomeye kuko ngo kizitiwe na senyenge gusa.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Perezida Kagame yafashe mu mugongo Minisitiri w’Intebe wa Ethiopia

Perezida wa Repubulika y’u Rwanda Paul Kagame, yatambukije ubutumwa bufata...
18 June 2019 Yasuwe: 1845 1

Nyamirambo: Umugabo wari uvuye gukina ikiryabarezi yagonzwe n’imodoka...

Umugabo uzwi ku izina rya Cyondo yaraye agonzwe n’imodoka mu masaha ya saa...
18 June 2019 Yasuwe: 3266 0

Ba banyeshuli b’abakobwa barwaye indwara y’’amayobera mu mavi batangiye...

Minisiteri y’Uburezi yatangaje ko iri gukurikiranira hafi ikibazo cy’indwara...
17 June 2019 Yasuwe: 2558 1

KAMONYI:Gerard yiyiciye umukobwa bari bagiye kurushinga yaramaze no gufata...

Mu masaha ya mugitondo cyo kuwa Gatandatu tariki 15 Kamena 2019, nibwo...
17 June 2019 Yasuwe: 5942 2

Madamu Jeanette Kagame yitabiriye marathon mpuzamahanga ya Kigali...

Kuri iki cyumweru, Madamu wa Perezida wa Repubulika Jeanette Kagame,...
16 June 2019 Yasuwe: 3518 0

Nambajimana wahoze ari padiri yakoze ubukwe n’umukunzi we bagendera mu...

Ku munsi w’ejo taliki ya 15 Kamena 2019,nibwo Nambajimana Donatien wahoze...
16 June 2019 Yasuwe: 9283 4