Burera:Uruganda rutunganya amata rweguriwe Umunya-Zimbabwe

Amakuru   Yanditswe na: Martin Munezero 16 January 2020 Yasuwe: 823

Guverinoma y’u Rwanda yamaze kwegurira abikorera uruganda rwa Burera Diary Limited, rutunganya umusaruro ukomoka ku mata.



Uru ruganda rwubatse muri Centre ya Kidaho, mu murenge wa Cyanika ho mu karere ka Burera rwuzuye mu 2015 ariko rugatangira rukora biguru ntege ndetse mu 2018 rugahagara gukora rweguriwe rwiyemezamirimo w’umunya-Zimbabwe ufite ikigo cyitwa African Solutions Company.

Ni umuhango wabereye kuri uru ruganda kuri uyu wa Kabiri tariki 14 Mutarama 2020. Leta yeguriye urwo ruganda abikorera, igurisha imigabane yayo yose ingana na 98,3% yari ifite muri urwo ruganda.

Aborozi batuye muri aka karere ka Burera bakunze gushyira mu majwi uru ruganda barushinja gutanga umusaruro utujuje ubuziranenge ndetse n’abari bahawe kurucunga ntibumvikane neza ku mikorere yarwo. Ibi byanatumye mu 2018 Leta y’u Rwanda irushyira ku isoko irwegurira ba rwiyemezamirimo.



Ruvimbo Chikwava uhagarariye ikompanyi yatsindiye uru ruganda yavuze ko bafite gahunda yo gushora miliyari imwe na miliyoni 600 z’Amafaranga y’u Rwanda mu bikorwa by’urwo ruganda. Barateganya no gutunganya litiro 10,000 by’ umusaruro w’amata azajya akusanyirizwa mu makusanyirizo 6 yo mu Karere ka Burera.

Mu byo azatunganya harimo ikivuguto, Yoghurt, Fromage, Ice Cream n’ibindi. Biteganyijwe ko ruzatangira gukora muri Gashyantare 2020, kandi ko mu minsi ya vuba ibizakorwa n’uruganda bizaba biri ku isoko.

Iki kigo cy’umushoramari wo muri Zimbabwe, Ruvimbo Chikwava, cyari gisanzwe gikorera mu Rwanda, aho gitunganya ibiryo by’amatungo.



Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

U Rwanda rwahawe amafaranga Miliyari 11 zo guhangana n’icyorezo cya...

Banki y’Isi ibinyujije mu Kigega Mpuzamahanga Gitsura Amajyambere (IDA),...
8 April 2020 Yasuwe: 1248 0

#Kwibuka26:Police y’u Rwanda yijeje Abaturarwanda umutekano usesuye

Kuva tariki ya 07 Mata abaturarwanda, inshuti z’u Rwanda ndetse n’Isi yose...
8 April 2020 Yasuwe: 344 0

Gasabo:Bamwe mu bari bafungiwe muri Kasho bafunguwe kubera Coronavirus

Ubushinjacyaha ku rwego rw’ibanze n’urwisumbuye mu karere ka Gasabo bwarekuye...
7 April 2020 Yasuwe: 1691 0

Apotre Mukabadege Liliane yatawe muri yombi na Polisi y’u Rwanda

Umushumba w’itorero Umusozi w’ibyiringiro Apôtre Mukabadege Liliane yatawe...
6 April 2020 Yasuwe: 3122 1

Nyarugenge:Abantu 2 bagaragaye mu mashusho bakubita ukekwaho kwiba Telefone...

Kuwa Gatatu tariki 1 Mata 2020 nibwo ku mbuga nkoranyambaga hasakajwe...
4 April 2020 Yasuwe: 3092 0

Abakorera Siporo hanze y’ingo zabo bagiriwe inama na Polisi

Polisi y’u Rwanda iributsa abaturarwanda ko nta muntu wemerewe gusohoka mu...
3 April 2020 Yasuwe: 1865 0