Byari ibirori ubwo Rwandair yerekezaga mu mujyi wa Tel Aviv bwa mbere [AMAFOTO]

Amakuru   Yanditswe na: Dusingizimana Remy 25 June 2019 Yasuwe: 2626

Abagenzi benshi bakoze urugendo rwa mbere rwo kwerekeza mu mujyi wa Tel Aviv mu ndege ya RwandAir,bishimiye ko bagiye kujya boroherwa no kujya muri iki gihugu cyane ko ngo bahagararaga amasaha 6 muri Ethiopia.

Sosiyete y’ u Rwanda ikora ingendo zo mu kirere,Rwandair, mu ijoro ryo kuri uyu wa Mbere taliki ya 24 Kamena 2019,nibwo yatangije ingendo zerekeza mu mujyi wa Tel Aviv muri Israel.

Benshi mu bakoze uru rugendo muri Rwandair bavuze ko bishimishije kuko ngo bari bamenyereye kugera muri Ethiopia bagategereza indi ndege amasaha 6 ariko ngo aya masaha bagiye kujya bayakoresha mu rugendo rwose badahagaze.

Betty Mahugu, umushakashatsi umaze imyaka myinshi ajya Tel Aviv yavuze ko amasaha byamufataga agiye kugabanuka.

Yagize Njya muri Israel kuva mu 1995 byadusabaga amasaha menshi kugerayo kubera kugenda duhagaragara mu nzira. Kuba tugiye gukoresha igihe gito biraza kuba ari ibintu byiza cyane”.

Umuyobozi wa RwandAir Yvonne Makolo yabwiye abanyamakuru ko iki cyerekezo gishya Kigali – Tel Aviv kizafasha mu kunoza umubano w’ ibihugu byombi no kwagura ubukerarugendo.

Yongeyeho ati “Tugiye kugira abanya Israel benshi basura u Rwanda n’ Abanyarwanda benshi basura Israel ni ikintu gikomeye kuri ibi bihugu bibiri”.

Benshi mu Banyarwanda b’Abakiristu bavuze ko bishimiye iyi ntambwe RwandAir yateye yo kwerekeza mu mujyi wa Tel Aviv kuko ngo bizajya bibafasha gukora urugendo rutagatifu muri iki gihugu bitabagoye cyane ko aberekezagayo bakundaga guhagarara mu nzira bategereje indege muri Ethiopia.




Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Major Mudathiru na bagenzi be baregwaga kuba mu mutwe wa P5 bemeye bimwe...

Major Mudathiru uregwa kuba umwe mu bayobozi b’inyeshyamba zo mu Mutwe wa...
18 October 2019 Yasuwe: 1160 0

RURA yatangaje impinduka zikomeye zigiye gukorwa mu gutwara abantu n’ibintu...

Ubuyobozi bw’Urwego rw’Igihugu rushinzwe kugenzura imirimo ifitiye igihugu...
18 October 2019 Yasuwe: 1857 0

Nyabihu : Umugabo arakekwaho kwica umugore we bari bamaranye ibyumweru 3...

Umugabo witwa TURIMUBYIZA Jean Nepo w’imyaka 21 y’amavuko ukomoka mu murenge...
17 October 2019 Yasuwe: 6830 0

Uburengerazuba n’Amajyepfo hashobora kugwa imvura idasanzwe mu mpera z’iki...

Ikigo cy’igihugu gishinzwe iteganyagihe cyongeye gutangaza ko imvura...
17 October 2019 Yasuwe: 2088 0

Perezida Kagame yibukije abinjiye muri Sena ko ubuyobozi ari amahirwe...

Nyakubahwa perezida wa Repubulika Paul Kagame yabwiye abinjiye mu mutwe...
17 October 2019 Yasuwe: 1605 0

Dr Iyamuremye Augustin niwe watorewe kuyobora Sena

Dr. Iyamuremye Augustin niwe watorewe kuyobora Sena y’u Rwanda muri manda...
17 October 2019 Yasuwe: 2935 2