Canada: Abanyarwanda babiri barashwe

Amakuru   Yanditswe na: Nsanzimana Ernest 6 February 2018 Yasuwe: 4059

Umusore n’ inkumi bombi b’ Abanyarwanda bari mu bantu batatu barimo barasiwe mu mirwano yahuje Abanya-Somalia babiri mu rukerera rwo ku Cyumweru mu Mujyi wa Edmonton muri Canada.

Aba banyarwanda barashwe ni umukobwa w’imyaka 23 y’amavuko witwa Maya Abdallah n’umusore witwa Alphonse Kuku mu gihe uwa gatatu ari umusore ukomoka muri Ghana.

Inkomoko y’uku kuraswa yaturutse ku bushyamirane bwahuje abasore babiri bo muri Somalia baba muri uyu Mujyi wa Edmonton bari bitabiriye ibikorwa byo gukusanya inkunga zo gufasha, byari byateguwe n’Umunyarwandakazi uhaba.

Maya warashwe amasasu mu maguru yombi, yabwiye IGIHE ko byabaye ahagana saa kumi z’ijoro, biturutse ku basore bo muri Somalia binjiye aho icyo gikorwa cyabereye mu nzu mberabyombi nta butumire bahawe.

Ati “Hari abantu benshi muri ibyo birori. Ntabwo twari mu kabari ahubwo ni mu cyumba mberabyombi, abo Banyasomalia binjiye batatumiwe hanyuma baza gushwana bararwana bigeze aho bararasa. Mu kurasa rero batatu barakomeretse harimo njye n’abandi basore babiri."

Abari muri icyo gikorwa ngo ntibigeze bamenya icyo abo basore bapfuye ndetse nyuma yo kurasa bahise birukanka baracika.

Ubu Maya w’imyaka 23 arwariye mu rugo iwabo nyuma yo kujyanwa kwa muganga agakurwamo ayo masasu.

Umubyeyi we witwa Chantal Hitayezu, yavuze ko aho icyo gikorwa cyabereye atari mu kabari ahubwo ari ahantu hasanzwe habera ibikorwa bihuza abantu.

Hitayezu yakomeje avuga ko abari bitabiriye icyo gikorwa bari urubyiruko gusa, batungurwa no kubona abo basore binjiye. Ni igikorwa cyari cyateguwe n’Umunyarwandakazi ariko cyitabirwa n’urubyiruko rw’impande zose.

Amakuru avuga ko nyuma y’uko kurasa kwabayeho, Polisi yageze aho byabereye itangira gukora iperereza ariko abo basore babiri bari bamaze kwiruka ku buryo batarafatwa n’ubu.

Abatuye muri aka gace batangaza ko hari urubyiruko ruturuka muri Somalia rukunze kurangwa n’imico mibi igira ingaruka ku bantu benshi.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Six Kennedy

    Njye numiwe pe,amaherezo ni ukugaruka mu rwatubyaye da,gs Uwiteka abaregere pe.

    February 2018

Inzindi nkuru

Umwarimu wa IPRC Gishari yatawe muri yombi azira gusinziriza umuhungu...

Umwarimu wigisha mu ishuri rikuru ry’ubumenyingiro rya IPRC Gishari...
15 January 2019 Yasuwe: 2631 3

Uko isi yiriwe kuwa 14 Mutarama 2019:Perezida Kagame yakiriye Perezida...

Perezida Teodoro Obiang Nguema wa Guinea Equatoriale yabaye perezida wa...
14 January 2019 Yasuwe: 842 0

Huye:Ababyeyi bajyanye abana ku ishuli basanga imyanya yaruzuye kandi ariho...

Ikibazo cy’ibigo by’amashuli gikomeje kuba ingorabahizi kuko REB yagiye...
14 January 2019 Yasuwe: 1561 1

Obiang Nguema yabaye perezida wa mbere usuye u Rwanda muri 2019

Perezida wa repubulika Paul Kagame arakira Perezida wa Guinée Equatoriale,...
14 January 2019 Yasuwe: 765 1

Perezida Kagame yasabye abayobozi guterwa isoni n’abantu barwaye...

Peredida wa Repubulika y’u Rwanda yasabye abayobozi batandukanye bari mu...
13 January 2019 Yasuwe: 547 0

Perezida Paul Kagame,madamu we n’abandi bayobozi basaga 700 bitabiriye...

Perezida wa Repubulika Paul Kagame na Madamu we Jeannette bari kumwe...
13 January 2019 Yasuwe: 1424 0