Canada ntigishyigiye umukandadida Michaelle Jean, amahirwe kuri Mushiwabo

Amakuru   Yanditswe na: Nsanzimana Ernest 10 October 2018 Yasuwe: 1063

Igihugu cya Canada Michaelle avukamo cyamaze gutangaza ko kitagishyigikiye umuturage wacyo Michaelle Jean uhuriye na Minisitiri w’ ububanyi n’ amahanga w’ u Rwanda Louise Mushikiwabo ku kwiyamamariza kuyobora ubunyamabanga bwa Francophonie.

Canada yatangaje ibi mu gihe habura amasaha make ngo amatora y’Umunyamabanga Mukuru w’Umuryango w’Ibihugu bikoresha Ururimi rw’Igifaransa abere mu nama y’Abakuru b’ibihugu muri Armenia.

Ibihugu birenga 80 na za Guverinoma bigomba guhitamo umuyobozi mushya hagati ya Mushikiwabo Louise uhagarariye Afurika na Michaëlle Jean usanzwe ayobora uyu muryango kuva mu 2014.

Mu bagaragaje ko bashyigiye Mushikiwabo barimo Ubufaransa, Umuryango wa Afurika yunze Ubumwe ufite ibihugu byinshi bikoresha Igifaransa na Repubulika iharanira Demukarasi ya Kongo.

Minisitiri w’Intebe wa Canada kuri uyu wa Kabiri nibwo yerekeje muri Armenia ahazabera iyi nama.

Michaelle Jean ngo ntiyabashije kunoza ibijyanye n’imicungire y’umutungo(amafaranga) w’uyu muryango. Ibi nibyo bituma Canada ivuga ko itamushyikigikiye nk’umukandida uhafite inkomoko.

Umuvugizi we Bertin Leblanc yatangarije CBC News ati “Jean azakomeza kurwanirira akazi. Yifuza ko yazagenzurirwa ku mirimo ye n’umusaruro.”

Michaelle Jean yakunze kunengwa uburyo akoresha amafaranga nk’Umuyobozi wa OIF. Mu ntangiriro z’uyu mwaka ikinyamakuru cyitwa Quebecor cyanditse inkuru zivuga ko hafi igice cya miliyoni y’amadolari yagendeye mu kuvugurura inzu uyu mugore yari atuyemo i Paris.

Jean mu kwiregura kwe yavuze ko ayo makuru ari ibihimbano. Gusa umwe mu badepite ba Canada yavuze ko ibi ari igisebo ku gihugu. François Legault nawe yanenze uburyo uyu mugore akoresha umutungo.


Louise Mushikiwabo afite amahirwe yo gutorerwa kuyobora ubunyamabanga bwa OIF

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ikigo cyafashaga abana batishoboye cyubatse mu gishanga nacyo cyatangiye...

Kimwe n’izindi nyubako ndetse n’ibikorwa biherereye mu bishanga hirya no hino...
21 February 2019 Yasuwe: 1945 0

Amanota y’abakoze ibizamini bisoza amashuri yisumbuye yerekana ko abahungu...

Amanota y’abakoze ibizamini bisoza amashuri yisumbuye mu mwaka wa 2018...
21 February 2019 Yasuwe: 4145 0

MINEDUC igiye gushyira hanze amanota y’abanyeshuli barangije amashuli...

MINEDUC yatangaje ko mu gitondo cyo kuri uyu wa 21 Gashyantare 2019, aribwo...
20 February 2019 Yasuwe: 730 1

Abarimu ba kaminuza ya Kibungo bamaze amezi 5 badahembwa baratabaza

Abarimu bigisha muri kaminuza ya Kibungo bari kurira ayo kwarika kubera ko...
20 February 2019 Yasuwe: 960 0

Amajyepfo:Abarimu bababajwe no gutinda k’umushahara w’ukwezi kwa Mutarama,...

Abarimu b’amashuri abanza n’ayisumbuye bo mu turere tumwe na tumwe two mu...
20 February 2019 Yasuwe: 677 1

Muhanga:Umugabo n’umugore we barakekwa kwica abana babo b’impanga...

Kuri iki Cyumweru umugabo w’imyaka 36 n’umugore we w’imyaka 32 bo mu murenge...
19 February 2019 Yasuwe: 2663 2