Dr Asiimwe yakebuye ababyeyi bigana imvugo y’ umwana utaramenya kuvuga

Amakuru   Yanditswe na: Nsanzimana Ernest 6 November 2017 Yasuwe: 3957

Umuyobozi mukuru ushinzwe gahunda y’ imikurire y’ umwana ukiri muto yakebuye ababyeyi baganiriza abana babo bataramenya kuvuga bakajya basubiramo imvugo y’ uwo mwana, agaragaza ko bigira ingaruka ku mwana.

Ubu butumwa Dr Anita Asiimwe yabutanze kuri wa 6 Ugushyingo 2017 ubwo yatangizaga amahugurwa ku buryo bwo kuganiriza abana bakiri bato.

Ni kenshi usanga umubyeyi aganira n’ umwana we utaramenya kuvuga, ukumva ashimishijwe no gusubiramo imvugo y’ uwo mwana, Dr Asiimwe avuga ko ibi ababyeyi babikora bataziko ari bibi gusa ngo bakwiye kubireka.

Yagize ati “Hari igihe umubyeyi aganira n’ umwana w’ amezi atandatu akaba atazi ko kumubwira imvugo isanzwe y’ abantu bakuru bimufasha kumenya ururimi vuba. Usanga umubyeyi arimo gusubiramo imvugo y’ uwo mwana. Si uko adashaka ko umwana azamura ubumenyi bw’ umwana wawe ahubwo ni uko utazi ko ibyo urimo gukora ari amakosa.”

Uyu muyobozi yashimye ikiganiro cy’ abana itetero gitambuka kuri radio Rwanda avuga ko ari uburyo bwo kuganira n’ abana ukoresheje imvugo y’ abantu bakuru.

Umuyobozi wa RBA, Athur Asiimwe yavuze ko ikiganiro Itetero bagitangiye babona ari akantu gato nyamara ngo mu myaka ibiri kimaze ngo kiri muri gahunda za radiyo Rwanda zikunzwe cyane.

Yagize ati “Ikiganiro Itetero twagitangiye mu myaka ibiri ishize tubona ari akantu gato ari ubu ni imwe muri gahunda zikunzwe.”

Asiimwe yavuze ko bafite gahunda yo kwagura ikiganiro Itetero kikajya gitambuka no kuri Televiziyo Rwanda.

Ubuyobozi bwa Radiyo Rwanda bushishikariza abantu kumva ikiganiro Iterero kuko byabahesha amahirwe yo gutsindira ibihumbi 50 by’ amafaranga y’u Rwanda.

Ibihembo bya mbere byaratanzwe ibindi bihembo bizatangwa tariki 7 Ugushyingo 2017, saa 17h30. Umuyobozi wa Radiyo Rwanda Aldo Havugimana avuga ko irushanwa ITETEROQUIZ rigamije gushimira abakurikirana iki kiganiro aho uzajya ahamagara agasubiza neza ibibazo yabajijwe azajya ahembwa amafaranga agera ku bihumbi 50 y’amanyarwanda.

Ikiganiro Itetero gitegurwa na Radio Rwanda ku bufatanye na Unicef. Iki kiganiro gitambuka kuri radiyo buri wa kabili wa buri cyumweru saa kumi n’imwe n’igice z’umugoroba na buri wa gatandatu kuva saa yine n’igice za mu gitondo.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Perezida Kagame ategerejwe mu Bufaransa

Perezida wa Repubulika y’ u Rwanda Paul Kagame tariki 24 na 26 Gicurasi uyu...
16 May 2018 Yasuwe: 2071 0

Imodoka nini zabujijwe gukoresha umuhanda Kigali- Gicumbi-Gatuna

Polisi y’ u Rwanda yatangaje ko abatwara imodoka bakwirinda guca mu muhanda...
15 May 2018 Yasuwe: 1331 0

Mu masaha abarirwa ku ntoki impunzi zishaka gutaha ziratangira...

Leta y’ u Rwanda ifatanyije n’ ishami ry’ umuryango w’ abibumbye ryita ku...
14 May 2018 Yasuwe: 3508 0

Kizito Mihigo yasubiye imbere y’ urukiko

Mu gitondo cyo kuri uyu wa Mbere tariki 14 Gicurasi 2018 Kizito Mihigo, na...
14 May 2018 Yasuwe: 4295 0

Habyarimana yafunze abarenga 70 bicirwa muri gereza babeshya imiryango yabo...

Komisiyo y’ igihugu yo kurwanya Jenoside CNLG yagaragaraje ko ubutegetsi...
11 May 2018 Yasuwe: 2611 1

Minisitiri Gashumba yavuze uko abarimu bishe abanyeshuri b’ abatutsi...

Minisitiri w’ ubuzima Dr Diane Gashumba yavuze ko yiga abarimu babigishaga...
11 May 2018 Yasuwe: 2814 0