“Dufite abantu bafunze kuko babangamiye abana babo bababuza gushakana” Fidele Ndayisaba

Amakuru   Yanditswe na: Nsanzimana Ernest 16 April 2018 Yasuwe: 2559

Komisiyo y’ Igihugu y’ Ubumwe n’ ubwiyunge yagaragaje ko mu Rwanda ikintu cyose kijyanye n’ amacakubiri n’ ivangura kidakinishwa kugeza aho ababyeyi babujije abana babo gushakana kuko hari ibyo badahuje babihanirwa n’ amategeko.

Umunyambanga nshingwabikorwa wa komisiyo y’ igihugu y’ ubumwe n’ ubwiyunge Fidele Ndayisaba yabikomojeho ubwo yaganirizaga abanyamakuru kuri uyu wa 16 Mata 2018, anavuga ko magingo aya hari ababyeyi bafunzwe bazira kubangamira abana babo bababuza gushyingiranwa kuko hari ibyo badahuje.

Yagize ati “Abantu bakwiye kumenya ibyo bakinisha n’ ibyo badakinisha, hari abajya bakinisha ibintu ukumva ngo twebwe ntabwo twashyingira bariya bantu kuko hari ikintu tudahuje. Ahubwo mu mategeko ikibazo kiba gushyingira abantu kuko hari ibyo bahuje, murabizi muri siyansi abantu bahuje isano iyo babyaranye biba ibibazo….Dufite abantu bafunze kuko babangamiye abana babo bababuza gushakana kuko badafite ibyo bahuje. Abantu bakwiye kumenya ko bidakinishwa”.

Ndayisaba yakomoje no ku muntu wavuga ko yimwe amahirwe kubera icyo aricyo, igitsina, ubwoko n’ ibindi.. ..atitonze ashobora guhanirwa icyaha cyo gukwirakwiza amacakubiri mu gihe yabyitwaje akavuga ko yarenganyijwe kandi atariko bimeze.

Yagize ati “Umuntu wajya mu itangazamakuru akavuga ko boss wanjye yanyimye amahirwe kuko ndi uyu n’ uyu tukabibona mu kinyamakuru twaguhamagara tukakubaza ‘uravuga y’ uko wabangamiwe biduhe neza, niba utabihagazeho vugana na kiriya kinyamakuru ugaragaze ukuri, niba ubihagazeho garagaraza ibimenyetso wa wundi tumutungire agatoki RIB yatangiye gukora ntabwo bikiri polisi”.

Ivangura no gukurura amacakubiri bihanishwa igihano kirenze imyaka itanu ariko ntikirenge irindwi. Ku cyaha cy’ ingengabitekerezo ya Jenoside ni hagati y’ imyaka itanu n’ icyenda.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Mukabalisa yongeye kuba Perezida w’ Umutwe wa Abadepite

Mukabalisa Donatille wari usanzwe ayobora Inteko Ishinga Amategeko, Umutwe...
19 September 2018 Yasuwe: 896 0

Perezida Kagame yakiriye indahiro z’abagize Inteko ishinga Amategeko(...

Abadepite 80 baherutse gutorerwa kwinjira mu Nteko Ishinga Amategeko y’u...
19 September 2018 Yasuwe: 981 0

Uturere 2 twa Kigali tumaze gukurwamo imibiri ibihumbi 18 abasenyewe amazu...

Mu mezi atatu ashize ibyobo byatawemo abishwe muri Jenoside yakorewe...
18 September 2018 Yasuwe: 1149 0

Uwahoze muri polisi y’ u Rwanda, urugo rwe rwatahuwemo imbunda n’...

Kabarisa Evariste wahoze ari umupolisi urugo rwe ruherereye mu kagari...
18 September 2018 Yasuwe: 4522 0

Umunyarwandakazi waharaniye inyungu z’ abarokotse Jenoside yitabye...

Umunyarwandakazi Mukankusi Christine wagize uruhare mu bikorwa bya diaspora...
18 September 2018 Yasuwe: 1511 0

Rusizi-Muganza:Abaturage bashyingura ababo ku mbuga

Abaturage bo mu murenge wa Muganza w’akarere ka Rusizi bavuga ko hari ubwo...
17 September 2018 Yasuwe: 682 0