startimes
startimes

GASABO:Abana 2 bava inda imwe bishwe n’uburwayi butaramenyekana n’ababyeyi babo bajyanwa mu bitaro

Amakuru   Yanditswe na: Martin Munezero 27 June 2019 Yasuwe: 2147

Abana babiri b’abahungu bava inda imwe bo mu Kagari ka Kabuye mu Murenge wa Jabana, Akarere ka Gasabo, bishwe n’uburwayi butaramenyekana n’ababyeyi babo bajyanwa mu bitaro.


Sponsored Ad


Aba bana bapfuye mu gitondo cyo kuri uyu wa Kabiri tariki 25 Kamena 2019.

Umubyeyi witwa Uwimana Dorcas yabwiye ubuyobozi bwo muri uyu murenge wa Jabana ko aba bana be bafashwe n’iyo ndwara itaramenyekana ubwo bari baryamanye.

Gusa kimwe mu byateye inkeke abatuye muri aka gace ni uko nyuma y’aho aba bana bafashwe ndetse bagapfa, n’ababyeyi babo bombi bahise baremba.

Umunyamabanga Nshingwabikorwa w’Umurenge wa Jabana, Ndanga Patrice, yatangaje ko hatari hamenyekana icyishe abo bana.

Yagize ati “Amakuru dufite ni uko nyina wari utarapfa wari urimo kuvuga gahoro kuko yari agifite akuka ngo yagiye ku baturanyi bugicya avuga ko abana bafashwe nimugoroba bagaragara bazana urufuro mu kanwa noneho agarutse asanga bashizemo umwuka.”

Akomeza avugako uyu mubyeyi na we muri icyo gihe yari ameze nabi uretse ko yahise ajyanwa ku Kigo Nderabuzima cya Kabuye

Yongeyeho ko bahise bamenyesha umugabo we ibyabaye mu rugo rwe araza ariko na we ahita aremba ajyanwa kuri icyo Kigo Nderabuzima.

Avuga ko atahamya ko barozwe kuko batari bamenya icyishe aba bana anashimangira ko imirambo yabo yahise ijyanwa mu Bitaro bya Polisi bya Kacyiru kugira ngo hasuzumwe icyabishe.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Rwamagana:Impanuka y’imodoka ya Bralirwa yahitanye ubuzima bw’abantu

Mu Karere ka Rwamagana mu Murenge wa Mwulire ahitwa i Ntunga, habereye...
12 August 2020 Yasuwe: 4740 0

Rwanda:Ababereyemo leta imyenda bafatiwe ingamba nshya

Leta y’u Rwanda yafashe ingamba nshya zo kwishyuza abayibereyemo imyenda,...
7 August 2020 Yasuwe: 1818 0

Uwimbabazi Irène avuga ko yafashwe ku ngufu RIB ikavuga ko bitabaye

Uwitwa Uwimbabazi Irène wo mu karere ka Ruhango yatangaje ko bagizi ba nabi...
7 August 2020 Yasuwe: 2772 0

Abakora umwuga w’ubukomisiyoneri mu Rwanda bakuwe amata ku munwa

Uburyo bushya bwo guteza cyamunara hakoreshejwe uburyo bwa elegitoronike,...
6 August 2020 Yasuwe: 17052 0

Polisi y’u Rwanda yashyize hanze amabwiriza agenga abakora ingendo z’indege...

Umuvugizi wa Polisi y’Igihugu,CP John Bosco Kabera Yavuze ko ku bagenzi...
2 August 2020 Yasuwe: 11708 0

RIB yerekanye abakobwa 4 bakwirakwije ku mbuga nkoranyambaga amashusho yabo...

Kuri uyu wa Gatanu tariki ya 31 Nyakanga 2020 nibwo Urwego rw’igihugu...
31 July 2020 Yasuwe: 12420 0