startimes
startimes

GASABO:Abaturage bababajwe n’urupfu rwagashinyaguro Nahimana yishwe aho yanogowemo amaso

Amakuru   Yanditswe na: Martin Munezero 21 August 2019 Yasuwe: 9204

Abaturage bo mu Mudugudu wa Rukingu, Akagari ka Kagugu, Umurenge wa Kinyinya ho mu karere ka Gasabo, mu Mujyi wa Kigali, bavuga ko bababajwe n’urupfu rwa Nahimana Callixte wishwe anogowemo amaso.


Sponsored Ad


Mu gitondo cyo ku wa Mbere tariki ya 19 Kanama 2019, nibwo hamenyekanye urupfu rwa Nahimana ariko imyirondoro ye ntiyamenyakana neza, aho akomoka n’ibindi birebana na we nyuma yo gusanga umurambo we mu mudoka ya CARINA, afungishije ibitambaro mu maso, yakomerekejwe mu mugongo ndetse anafite ibindi bikomere ku mubiri.

Abaturage bavuga ko ubu bwicanyi ari ndengakamere, uyu ati “Ikigaragara ntabwo ari uwo muri iyi karitsiye, abantu bose twababajije iriya modoka dusanga nta n’umwe uyizi, bigaragara ko bamukuye kure ko nta n’amaraso agaragara muri aka gace, ikigaragara bamwiciye kure, ni agahinda gakomeye kuko ubwicanyi nk’ubu ntabwo bwari buherutse muri uyu mudugudu wacu”.

Undi na we ati “Harimo umuntu w’umusore aryamyemo yambaye itiriningi ariko ibice bye byo hasi biriho amaraso, ibyo aribyo byose dushobora kuba dufite abagizi ba nabi binjirira karitiye bakaza kuyigenzura kugira ngo bamenye aho baza gukorera ayo marorerwa, …”. Uyu yakomeje avuga ko nk’abaturage bakwiye kurushaho kwicungira umutekano bakaza amarondo.

Mu gihe aba baturage bavuga ko bishoboka ko uyu muntu yiciwe ahandi, banizeye ko inzego z’umutekano zirabafasha kumenya uburyo ubu bwicanyi ndengakamere bwakozwemo.

Umuvugizi w’Urwego rw’igihugu rw’Ubugenzacyaha,RIB, Modeste Mbabazi aganira na Flash Tv, yagize ati “Uko yari ameze n’aho yari ari, ibimenyetso bigaragaza ko yaba yishwe”. Yakomeje avuga ko hafashwe ibimenyetso bityo hakaba hagiye gukorwa iperereza ngo hamenyekana impamvu yaba yishwe n’ababyihishe inyuma.

Umurambo wa nyakwigendera wajyanwe mu bitaro gukorerwa isuzuma.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Uwimbabazi Irène avuga ko yafashwe ku ngufu RIB ikavuga ko bitabaye

Uwitwa Uwimbabazi Irène wo mu karere ka Ruhango yatangaje ko bagizi ba nabi...
7 August 2020 Yasuwe: 2515 0

Abakora umwuga w’ubukomisiyoneri mu Rwanda bakuwe amata ku munwa

Uburyo bushya bwo guteza cyamunara hakoreshejwe uburyo bwa elegitoronike,...
6 August 2020 Yasuwe: 16663 0

Polisi y’u Rwanda yashyize hanze amabwiriza agenga abakora ingendo z’indege...

Umuvugizi wa Polisi y’Igihugu,CP John Bosco Kabera Yavuze ko ku bagenzi...
2 August 2020 Yasuwe: 11657 0

RIB yerekanye abakobwa 4 bakwirakwije ku mbuga nkoranyambaga amashusho yabo...

Kuri uyu wa Gatanu tariki ya 31 Nyakanga 2020 nibwo Urwego rw’igihugu...
31 July 2020 Yasuwe: 12349 0

Umunyarwanda warangije amasomo y’ikoranabuhanga n’itumanaho muri kaminuza...

Umunyarwanda warangije amasomo y’ikoranabuhanga n’itumanaho muri kaminuza,...
31 July 2020 Yasuwe: 9498 4

Rusizi:Umugabo ufite urugo bamufatiye mu rugo rw’abaturanyi asambanya...

Umuyobozi w’Umudugudu wa Rurenga 1 mu karere ka Rusizi, Nzeyimana Jean...
19 July 2020 Yasuwe: 15813 3