Umubyeyi ikinya cyamuremaje ingingo ahawe miliyoni 48 ziribwa na mukeba we

Amakuru   Yanditswe na: Nsanzimana Ernest 26 June 2018 Yasuwe: 3442

Ikinya

Gasabo -, Tuyisenge Christine , umugore wa Munyeshyaka Jean Damascene ukora muri Minisiteri y’ abakozi ba Leta n’ umurimo bamusanze mu nzu yarahocereye kubera inzara n’ agahinda nyamara Minisiteri y’ ubuzima yaratanze amafaranga ngo yitabweho nyuma yo guterwa ikinya kikamusigira ubumuga.

Umuryango wa Tuyisenge Christine uvuga ko wari warabujijwe gusura uyu mubyeyi wabaye paralyze bitewe n’ ikinya cyo kwa muganga.

Minisiteri y’ ubuzima ifatanyije n’ ibitaro bya CHUB bamuhaye impozamarira ingana na miliyoni 48, umugabo ayubakamo inzu ashakiramo undi mugore, Tuyisenge yicishwa inzara n’ agahinda kuva ubwo kugeza ubu hari hashize imyaka 8 abayeho atyo nk’ uko bivugwa n’ umuryango we.

Umwe muribo yagize ati “Ni inshoreke yaje kurongoreramo aho ngaho, bakajya bamwicisha inzara, ntibongeye kumuvuza, ntiyongeye kwitabwaho, yarongeye asubira inyuma yagiraga ibiro 90 ariko ubu ntarengeje ibiro 15”

Umunyamakuru wa TV1 wakurikiranye iyi nkuru yageze aho uyu mubyeyi Tuyisenge w’ abana babiri arwariye asanga atabasha kuvuga kubera inzara. Ku isaha ya saa cyenda ubwo uyu munyamakuru yageraga I Gasange mu murenge wa Nduba mu karere ka Gasabo yasanze uyu mubyeyi ntacyo arashyira ku munwa kuva bwacya kuko mukeba we yamuhaga ifunguro igihe ashakiye.

Tuyisenge mu ijwi ryumvikanamo intege nke yasabye uyu munyamakuru kumuha kuri Jus yari afite anasaba abo mu muryango we ko bamukura muri ubwo buzima bushaririye yari amazemo imyaka 8.

Fulgence Kamali, mu izina ry’ umuvugizi wa Minisiteri y’ ubuzima yavuze ko aya mafaranga miliyoni 48 yatanzwe n’ ibitaro bya CHUB bimaze kugira amasezerano n’ umuryango wa Munyeshyaka Jean Damascene ngo uzite kuri uyu murwayi.

Munyeshyaka yanze kugira icyo atangariza TV1 kuri iki kibazo ahubwo abwira uyu munyamakuru ko iyi nkuru nayitangaza bimugwa nabi.

Ati “Icyo ni ikibazo kiri personnel nujya kugitwara mu bitangazamakuru nyamuna ntusemere n’ igitangazamakuru”

Umuryango wa Christine Tuyisenge ufatanyije na polisi yo mu murenge wa Nduba wamuvanye muri urwo rugo bajya kumwitaho, ubu noneho ngo abasha kuvuga, mugihe mbere ururimi rwasaga n’ urwagobwe.

Uyu muryango uvuga ko ibyo Tuyisenge Christine yakorerwaga ari ‘Itoteza n’ iyica rubozo rigambiriwe’.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Gasana Janvier na John Rutayisire basimburanye kuyobora REB batawe muri...

Abahoze ari abayobozi ba REB aribo Gasana Janvier ndetse na John batawe...
22 March 2019 Yasuwe: 1471 1

Nyanza: Inzu abakobwa bo ku ishuli rya Nyanza Technical School bararagamo...

Inzu yararagamo abakobwa biga ku kigo cya Nyanza Technical School...
22 March 2019 Yasuwe: 1389 0

Wa mugabo warekuwe ku mbabazi za Perezida Kagame abisabiwe n’umwana we...

Umugabo witwa Ndayisenga Yassini waherukaga kumenyekana kubera ukuntu...
21 March 2019 Yasuwe: 7274 0

Abaturiye ikigo cya Gako baburiwe nyuma yo gutema abasirikare babiri...

Abaturage baturiye ikigo cya gisirikare cya Gako babwiwe n’umuyobozi...
21 March 2019 Yasuwe: 6406 0

Hashyizwe hanze urutonde rw’imijyi ihenze kuyibamo kurusha iyindi ku isi...

Umurwa mukuru Paris w’Ubufaransa ni wo mujyi wahize iyindi mu kugora abantu...
20 March 2019 Yasuwe: 5115 0

Rwamagana:Umusore w’imyaka 24 yishe mama we umubyara

Umusore w’imyaka 24 yatawe muri yombi n’inzego z’Ubugenzacyaha nyuma yo kwica...
20 March 2019 Yasuwe: 4435 0