Gasana Janvier na John Rutayisire basimburanye kuyobora REB batawe muri yombi

Amakuru   Yanditswe na: Dusingizimana Remy 22 March 2019 Yasuwe: 1797

Abahoze ari abayobozi ba REB aribo Gasana Janvier ndetse na John batawe muri yombi n’ubushinjacyaha bw’u Rwanda mu ijoro ryakeye taliki ya 21 Werurwe 2019 kubera ibyaha kunyereza umutungo wa Leta bakekwaho.

John Rutayisire wayoboye bwa mbere ikigo cy’igihugu gishinzwe uburezi,REB ubwo cyashingwaga mu 2011 na Gasana Janvier wamusimbuye muri Gashyantare 2015,batawe muri yombi bakekwaho kunyereza umutungo wa Leta wari ugenewe guteza imbere uburezi.

Aba bagabo bararegwa kunyereza miliyoni 249 Frw yo muri gahunda ya One Laptop per child.

Ku gihe cy’ubuyobozi bwa Rutayisire wari wungirijwe na Gasana ndetse no ku gihe cya Gasana wamusimbuye hafi buri mwaka iki kigo kitabaga Komisiyo y’imicungire y’umutungo wa Leta mu Nteko (PAC) kubera imikoreshereze mibi yawo.

Bimwe mu bibazo byibukwa cyane REB yabajijwe muri PAC ni nk’aho yakodeshaga inzu ya miliyoni 16 buri kwezi i Gahanga,miliyoni 370 zaburiwe irengero muri 2015 yoherejwe muri Nigeria kwishyurira abanyeshuri 14 bahigaga.

REB kandi ku gihe cy’aba bayobozi PAC yayibajije uko yabuze mu mu bubiko bwayo mudasobwa zisaga ibihumbi 4 298, nyuma igatumiza izindi 42 978.

REB kandi yabajijwe na PAC amafaranga miliyari ebyiri na miliyoni 800 byavugwaga ko yagurije Kaminuza y’u Rwanda, inzira byanyuzemo ntiyumvikanaga n’ibisobanuro bahaye PAC ntabyo byayinyuze. Babajijwe n’ibijyanye na miliyoni 50 REB yavugaga ko bari bafitiye rwiyemezamirimo ariko ntaho bigaragara ko bamufitiye umwenda hamwe n’ibindi bibazo binyuranye byavuzwe kuri REB ku gihe cy’aba bayobozi.

Abagize PAC bavugaga ko bimwe muri ibi bibazo bikwiye gukurikiranwa mu nkiko kuko byahombeje Leta akayabo.

Source:Umuseke.rw

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble munyemana

    Ntabwo ari aba bonyine basahura Leta.Ababikora ni benshi cyane uhereye ku bakozi bo hasi ukageza kubohejuru cyane.RIB nihaguruke,ifatanyije na PAC hamwe na Auditor General.Abantu biba Leta bashaka gukira vuba.Ariko tujye twibuka ko UBUKIRE butatubuza kurwara,gusaza no gupfa.Niyo mpamvu niba dushaka Ubuzima bw’iteka muli Paradis,Yesu yadusabye "gushaka mbere na mbere ubwami bw’imana" nkuko Matayo 6:33 havuga,aho kwibera mu byisi gusa.Abantu bumvira iyo nama Yesu yasize aduhaye,azabazura ku Munsi w’Imperuka,abahe ubuzima bw’iteka nkuko yabyivugiye muli Yohana 6:40.Ntimukishinge bariya bavuga ngo iyo dupfuye tuba twitabye imana.Ntabwo bihuye n’ibyo Bible yigisha.Ikizere cyonyine cy’umuntu upfuye cyo kuzongera kubaho,nta kindi uretse umuzuko wo ku munsi w’imperuka ubikiwe abapfuye bumvira imana.

    2 months ago

Inzindi nkuru

Nyuma y’imyaka 22 Nsengiyumva yarabuze abo mu muryango we kuri ubu ari mu...

Nyuma y’imyaka 22 ashakisha abo mu muryango we yababuze, kuri ubu Eric...
19 June 2019 Yasuwe: 3399 0

Minisiteri y’Ubuzima yasobanuye ibya ya Ndwara idasanzwe yibasiye ibigo...

Indwara itazwi yari imaze iminsi ivugwa mu mashuri abiri yisumbuye...
19 June 2019 Yasuwe: 3601 0

Nyaruguru: Nyirabahutu witwaga “Umukecuru wa Perezida”yahitanywe n’...

Umukecuru witwa Nyirabahutu Daphrose ukomoka mu karere ka Nyaruguru wari...
19 June 2019 Yasuwe: 2292 0

Minisiteri y’Ubucuruzi n’Inganda mu Rwanda yashyize ahagaragara ingamba...

Nyuma y’uko bigaragaye ko hari abasigaye bakinira imikino y’amahirwe ahantu...
19 June 2019 Yasuwe: 1616 0

Kicukiro:Imashini itsindagira umuhanda yahubutse hejuru y’ikamyo yari...

Imodoka itsindagira umuhanda yari itwawe n’ikamyo ifite plaque ya RAC 985...
19 June 2019 Yasuwe: 3142 0

Abanyarwanda batuye mu Bubiligi bakiranye ubwuzu Perezida Kagame...

Abanyarwanda benshi batuye mu Bubiligi bakoze urugendo urugendo rugera ku...
18 June 2019 Yasuwe: 1608 1