Gatsibo: Batatu bari mu maboko ya Polisi bakekwaho kwiba ibyuma by’amashanyarazi

Amakuru   Yanditswe na: Iyamuremye Janvier 14 August 2017 Yasuwe: 223

Kuri sitasiyo ya Polisi ya Kabarore hafungiye abagabo babiri aribo Nsengiyumva J Pierre w’imyaka 22, Hakiza Evariste w’imyaka 25 n’umugore witwa Urimubandi Laetitia w’imyaka 29 bakekwaho kwiba ibikoresho by’amashanyarazi bya kompanyi ya NPD Cotraco bigera ku biro 500 .

Polisi ikorera muri ako karere ivuga ko ku itariki ya 12 Kanama, abaturage n’abakozi b’ikigo cyubaka ibikorwaremezo birimo n’amashanyarazi bayihamagaye bakayibwira ko hari abantu bamaze iminsi biba ibyuma bimanikwaho insinga zitwara amashanyarazi mu tugari twa Kanyangese mu murenge wa Rugarama n’akagari ka Karenge mu murenge wa Kabarore.

Mu gitondi cyo ku italiki ya 13 Kanama, ku bufatanye bwa Polisi ikorera muri Gatsibo n’izindi nzego zishinzwe umutekano, habayeho igikorwa cyo gushakisha ibyuma byibwe ndetse n’ababigizemo uruhare, nibwo bariya twavuze haruguru bafashwe.

Aba bagabo bombi baremera icyaha bakanagisabira imbabazi, ariko bakavuga ko bari bahawe aka kazi n’uriya mugore, dore ko mu gihe hakorwaga umukwabu wo gushakisha ibyibwe, hafashwe imodoka FUSO RAA 962Y yapakiraga ibyuma bishaje byarimo na biriya byashakishwaga byose bya Urimubandi, ubu nayo ikaba ifatiriwe aho nyirabyo afungiye.

Umuvugizi wa Polisi mu ntara y’Iburasirazuba Inspector of Police (IP) Jean Bosco Dusabe, yagaye iki gikorwa asaba abaturage gukorera hamwe bagakumira bakanarwanya ibikorwa nk’ibi bidindiza iterambere ryabo bikanagira ingaruka ku mibereho yabo.

IP Dusabe yashimiye abaturage b’ako karere batarebereye aba banyabyaha bakihutira gutanga amakuru yatumye batabwa muri yombi, anabakangurira gukomeza gukorana bya hafi n’inzego z’umutekano, bakarwanya ibyaha byose kuko bigira ingaruka ku mibereho yabo.

Ruzindana Emmanuel ushinzwe umutekano muri NPD , yavuze ko aba bagabo bafashwe nyuma y’uko hagiye habura ibyuma buhoro buhoro ariko bikagaragara ko aria bantu bitwikira ijoro bagakuraho bimwe mu byuma bagamije kubicuruza ku bagura ibyuma bishaje bisubizwa mu nganda.

Yakomeje agira ati:”Bwa nyuma twahamagawe n’abaturage batubwira ko hari abantu bongeye kubimanura ; twahise duhamagara Polisi hakiri kare iraza irabishakisha none birafashwe. Turashimira Polisi tunasaba abaturage kuba maso no kugira amakenga ku bantu bose baza kugira icyo bakora ku byuma by’amashanyarazi n’ibikoresho byacu ari nabyo byabo”.

Yanasabye abaturage ko ibikorwa remezo bishyirirwaho kubateza imbere, ababwira ko buri wese akwiye kugira uruhare mu kubibungabunga no kubirinda.

Ruzindana yavuze ko ibikoresho byibwe bifite agaciro ka 52,480,800 y’u Rwanda mu gihe ababyibye babigurisha ku mafaranga 300 ku kilo kimwe, bari kuzavanamo 150,000 yonyine.

Ingingo ya 300 y’igitabo cy’amategeko ahana y’u Rwanda ivuga ko umuntu wese ukora ubujura budakoreshejwe kiboko cyangwa ibikangisho ahanishwa igifungo kuva ku mezi atandatu kugeza ku myaka ibiri n’ihazabu y’amafaranga y’u Rwanda yikubye inshuro kuva kuri ebyiri kugeza kuri eshanu z’agaciro k’icyibwe cyangwa kimwe gusa muri ibyo bihano.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umunyamakuru Mama Eminente wari ufungiye ubwambuzi bushukana...

Nyuma y’ igihe gito hatangajwe amakuru y’ uko umunyamakuru Mugabushaka Jeanne...
22 February 2018 Yasuwe: 3340 0

Perezida Lungu ategerejwe I Kigali

Umukuru w’ igihugu cya Zambia Edgar Lungu kuri uyu wa Gatatu tariki 21...
21 February 2018 Yasuwe: 299 0

Umuturage yasabye Uganda kwemerera imfungwa n’ abagororwa gutora

Umuturage wa Uganda yandikiye urukiko rukuru rwa Kampala arugaragariza...
20 February 2018 Yasuwe: 228 0

Abamotari ntibumva impamvu bacibwa amande bakuyeho umugenzi

Abamotari ntibumva impamvu bacibwa amande bakuyeho umugenzi Abamotari...
17 February 2018 Yasuwe: 734 0

Perezida Zuma bamwokeje igitutu ati ‘ntacyo nakoze gituma munyirukana shishi...

None tariki 14 Gashyantare 2018 byari byitezwe ko Perezida Jacob Zuma wa...
14 February 2018 Yasuwe: 529 0

Rusizi: Abantu 20 bafunzwe bakekwaho kuroga harimo uvugwaho kwihindura...

Abaturage barimo abagore n’abagabo bo mu midugudu itanu y’akagari ka Mpinga...
10 February 2018 Yasuwe: 2641 4