startimes

Gatuna: Hatangajwe igihe abanyarwanda bazasubirira muri Uganda

Amakuru   Yanditswe na: Dusingizimana Remy 21 February 2020 Yasuwe: 16254

Kuri uyu wa Gatanu taliki ya 21 Gashyantare 2020 nibwo abakuru b’ibihugu by’u Rwanda,Uganda,Angola,na RDC bahuriye mu nama ya 4 yiga ku kuzahura umubano w’ibihugu byombi aho yarangiye hafahwe imyanzuro 4 y’ingenzi.



Imyanzuro 4 ifashwe muri iyi nama yamaze amasaha 3 irimo ukomeye uvuga ko Uganda isabwe kugenda igasuzuma ibirego ishinjwa n’u Rwanda byo gukorana n’imitwe irwanya ubuyobozi bwarwo mu gihe kingana n’ukwezi hanyuma yasanga ari ukuri igahagarika burundu gukorana nayo.

Nyuma y’ukwezi nibwo Komisiyo z’ibihugu byombi zirimo iyobowe na Amb.Nduhungirehe Olivier ku ruhande rw’u Rwanda na Sam Kutesa ku ruhande rwa Uganda zizareba niba ibyo Uganda yasabwe muri uko kwezi yarabikoze hanyuma zihe raporo abakuru b’ibihugu.

Nyuma y’iminsi 15 iyi raporo itanzwe, abakuru b’ibihugu bazongera bahurire I Gatuna/Katuna bishimira ko Uganda yubahirije amasezerano.Niba yabikoze u Rwanda ruzahita rwemerera abanyarwanda gusubira muri Uganda.

Nubwo benshi bari bazi ko Abanyarwanda barara bemerewe kujya muri Uganda,iyi nama yemeje ko abanyarwanda bagiye gutegereza ukundi kwezi n’iminsi 15 kugira ngo barebe niba ibyo Uganda yasabwe byakozwe.

Ibyerekeye kongera gusubira muri Uganda kw’Aabanyarwanda bizaturuka ku kuntu Uganda izaba yahagaritse gukora n’imitwe irwanya u Rwanda ndetse bigashimangirwa n’izi komisiyo zashyiriweho i Luanda.

Nubwo Uganda yabanje guhakana ko ikorana n’imitwe ishaka guhungabanya umutekano w’u Rwanda,yaje kubyemera ku mugaragaro nyuma yo kurekura abanyarwanyi 2 bo mu mutwe wa RUD URUNANA bagabye igitero i Musanze,ingabo z’u Rwanda zikabarasaho bagahungira muri Uganda.

Uganda yabanje guhakana ko ibafite ndetse ivuga ko idakorana n’iyi mitwe ariko yatangiye kuva ku izima ariyo mpamvu byitezwe ko muri iyi minsi 45 hari icyo izaba yakoze.

Uganda kandi yaraye ihagaritse pasiporo yari yarahaye Madamu Mukankusi Charlotte ushinzwe diporomasi mu mutwe w’iterabwoba wa RNC.

Abakuru b’Ibihugu bishimiye intambwe yatewe na buri ruhande mu kugabanya umwuka w’amakimbirane,

Bishimiye ko buri gihugu cyarekuye abo cyari gifunze mu nzira zidakurikije amategeko, n’uburenganzira bwa muntu,

Abahuza barimo Angola na DR.Congo bishimiye isinywa ry’amasezerano hagati y’u Rwanda na Uganda yo guhererekanya abanyabyaha, yumvikanweho mu nama y’Abakuru b’Ibihugu, mu rwego rw’amategeko, harimo no gushakira umuti ibibazo by’ibikorwa bishobora guhungabanya umutekano bikozwe n’abantu bari ku butaka bwa buri gihugu.

Aba bakuru b’Ibihugu kandi bishimiye iyi nzira yo gushaka ibisubizo ku bibazo binyuze mu nzira y’amahoro.







Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Kigali igiye gufata indi ntera mu guhindura isura[AMAFOTO]

Kimihurura ahazwi nka Minijust hagiye guhinduka burundu kuko inyubako zose...
29 June 2020 Yasuwe: 1676 0

Habonetse abarwayi 32 ba Coronavirus mu Rwanda hakira abandi...

Minisiteri y’Ubuzima mu Rwanda yatangaje ko kuri uyu wa Gatatu tariki ya 24...
24 June 2020 Yasuwe: 1567 0

Habonetse abarwayi 59 ba Coronavirus mu Rwanda,hakira 11

Uyu munsi tariki ya 22 Kamena 2020,ubaye uwa mbere ubonetseho abantu benshi...
22 June 2020 Yasuwe: 1735 0

Abasize ibikoresho byabo mu gishanga cya Gikondo bahawe iminsi 7 kuba...

Abahoze mu gace k’inganda ka Gikondo bategetswe gukuramo ibikoresho byabo...
19 June 2020 Yasuwe: 943 0

Abakoresha Mobile Money na Mobile Banking basabwe kwitwararika mu gukoresha...

Ikibazo cy’uburiganya bukorerwa abakoresha mobile money na mobile banking...
19 June 2020 Yasuwe: 1570 0

Umupasiteri wo mu Rwanda yatunguranye avuga uburyo yabaye inkone ya...

Amazina ye ni Pasiteri Jean de Dieu UWIRAGIYE akaba ari umpasiteri...
12 June 2020 Yasuwe: 3528 1