startimes

Gicumbi:Abakirisitu 3 ba ADEPR batawe muri yombi kubera gushoza imvururu mu rusengero

Amakuru   Yanditswe na: Martin Munezero 22 November 2019 Yasuwe: 2674

Abakirisitu batatu bo mu itorero rya ADEPR batawe muri yombi n’Urwego rw’igihugu rw’ubugenzacyaha, RIB aho bakurikiranyweho gushoza imidugararo n’imirwano mu rusengero no kubangamira imigendekere myiza y’imirimo y’idini.



Aba ni Niringiyimana, Mukandayisenga na Nishimwe bo mu itorero rya ADEPR Bugunga riherereye mu murenge wa Byumba ho mu karere ka Gicumbi baregwa kuba ba nyirabayazana b’imvururu zabaye muri uru rusengero kuri uyu wa 21 Ugushyingo 2019 ubwo umwe mu bakirisitu yigishaga maze akuzura umwuka agatangira guhanura ariko abakirisitu ntibemeranye ku buhanuzi bwe.

Ibi byabaye ubwo uyu mukirisitu yuzuraga umwuka agahereza microphone yari afite mu ntoki undi mu kirisitu ngo namusemurire ibyo yari agiye guhanura muriza ndimi z’abahanuzi hanyuma uwasemuraga akajya avuga ko abaririmbyi badasenga Imana baba bayikerensa.

Umwe mu bakirisitu wari muri uru rusengero akaba atigeze yifuza gutangarizwa amazina ye yabwiye ikinyamakuru ‘Rwandatribune’ dukesha iyi nkuru ati ”Nyine byatangiye umukirisitu ahaguruka agatangira kuvuga indimi, noneho ahereza umukobwa mikoro atangira gusemura, nibwo umudiyakoni umudiyakoni yaje afata ku munwa uwasemuraga noneho na wa mugabo wavugaga indimi baza kumufata ari nako bagundagurana.”

Yakomeje avuga avuga ko uwo musemuzi yavugaga ko mu by’ukuri abaririmbyi badasenga Imana by’ukuri ahubwo bayikerensa.

Umuvugizi w’Urwego rw’igihugu rw’Ubugenzacyaha, RIB Umuhoza Marie Michelle nawe yemeje aya makuru koaba batatu bateje imvururu batawe muri yombi.

Yagize ati ”Amakuru nuko hari abakirisitu batatu bakurikiranyweho kubangamira imigendekere myiza y’imihango y’idini. Urwego rw’ubugenzacyaha rwaje kumenya ayo makuru ubu bafungiye kuri sitasiyo ya polisi ya Byumba mu gihe iperereza rigikomeje. Kugeza ubu amakuru dufite ni aya nkubwiye twayahuza n’igitabo cy’amategeko ahana ibyaha mu Rwanda akaba akubiye mu ngingo y’153.”

Niringiyimana, Mukandayisenga na Nishimwe baramutse bahamwe n’icyaha bahanwa n’ingingo y’153 mu gitabo cy’amategeko ahana ibyaha mu Rwanda.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Polisi y’u Rwanda yavuze ku murobyi w’Umurundi Ndagijimana Sylvestre...

Mu gitondo cy’uyu wa 5 Nyakanga 2020, Polisi y’u Rwanda yavuze ko umurobyi...
5 July 2020 Yasuwe: 4526 0

Kigali igiye gufata indi ntera mu guhindura isura[AMAFOTO]

Kimihurura ahazwi nka Minijust hagiye guhinduka burundu kuko inyubako zose...
29 June 2020 Yasuwe: 2019 0

Habonetse abarwayi 32 ba Coronavirus mu Rwanda hakira abandi...

Minisiteri y’Ubuzima mu Rwanda yatangaje ko kuri uyu wa Gatatu tariki ya 24...
24 June 2020 Yasuwe: 1625 0

Habonetse abarwayi 59 ba Coronavirus mu Rwanda,hakira 11

Uyu munsi tariki ya 22 Kamena 2020,ubaye uwa mbere ubonetseho abantu benshi...
22 June 2020 Yasuwe: 1760 0

Abasize ibikoresho byabo mu gishanga cya Gikondo bahawe iminsi 7 kuba...

Abahoze mu gace k’inganda ka Gikondo bategetswe gukuramo ibikoresho byabo...
19 June 2020 Yasuwe: 949 0

Abakoresha Mobile Money na Mobile Banking basabwe kwitwararika mu gukoresha...

Ikibazo cy’uburiganya bukorerwa abakoresha mobile money na mobile banking...
19 June 2020 Yasuwe: 1585 0