Gira ihene mubyeyi, Gira urukwavu, inkoko mwana,…Ibiraje ishinga Dr Frank

Amakuru   Yanditswe na: Iyamuremye Janvier 2 August 2017 Yasuwe: 522

Dr Frank Habineza watanzwe n’ishyaka, Democratic Green Party avuga ko abanyarwanda nibamutora akaba Perezida w’Igihugu, afite gahunda nyinshi zirimo guteza imbere imirimo iciriritse, guhindura ubuzima bw’umuturage binyuze mu kumworoza amatungo magufi.

Ibi yabitangaje kuri uyu wa Mbere tariki ya 31 Nyakanga 2017 ubwo yagezaga imigabo n’imigambi ku baturage. Ni umuhango wabereye mu murenge wa Rusororo mu karere ka Gasabo.

Frank ‘Kimaranzara’ avuga ko azaharanira guteza imbere imibereho y’abanyarwanda, ngo azazamura urwego rw’abacuruza udutaro, abatwara abantu n’ibintu ku binyabiziga. Yavuze ko azashyiraho gahunda yo koroza amatungo magufi ku bana n’abagore ndetse no gufasha urubyiruko kwihangira imirimo iruteza imbere habaho guhuza abashomeri n’abafite imirimo.

Yagize ati”abakora imirimo mito umuntu yakwita ko iciriritse ntibakwiye kwirengagizwa cyangwa gucibwa intege kuko usanga ari bo bafatiye runini abaturage. “

Ngo abacururiza mu muhanda bakwiye gauhabwa imyenda n’ibyangombwa bibaranga ndetse bagahabwa amabwiriza abagenga no gukoresha ibikoresho bifite isuku.

Yagize ati”bariya badufatiye runini kuko babasha kugeza ku baturage ibyo bakeneye bityo na bo bakanabasha kwiteza imbere. Igisubizo si ukubaca, ahubwo ni ukunoza uburyo wo gukoramo ukabarinda gukorera mu kavuyo ndetse ukabaha n’ibibaranga.”

Dr Habineza, yanavuze ko azashyiraho gahunda ya Gira ihene mubyeyi, Gira urukwavu, inkoko mwana, aho abana bato b’abanyeshuri bazabasha korozwa amatungo magufi yabafasha kwirwanaho kandi bari no mu buzima bw’ishuri.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


  • chat_bubble zizou

    Ngaho rero bazajya bakwirahira ngo yampaye inkoko, urukwavu, inyama,...!!!!! Ahaa twe tuzi yampaye inka nyakubahwa.

    August 2017

Inzindi nkuru

Icyo polisi y’ u Rwanda ivuga ku gitero cyagabwe I Nyaruguru

Mu ijoro ryakeye kuwa 19 Kamena , mu masaha ashyira saa sita z’ijoro,...
20 June 2018 Yasuwe: 5855 0

Igitero cyagabwe i Nyaruguru: Umwe mu bishwe yari umurezi abashimuswe...

Ifoto ya Maniraho Anathole wari umuyobozi ushinzwe amasomo muri GS...
20 June 2018 Yasuwe: 8892 1

Umuturage yatumye polisi itahura umusore wari ujyanye urumogi i...

Umugenzi wari mu modoka yavaga mu karere ka Karongi yerekeza mu mujyi wa...
19 June 2018 Yasuwe: 2686 0

Perezida Kagame yitabiriye Car Free Day bwa kabiri

Kuri iki Cyumweru tariki 17 Kamena 2018, Perezida w’ u Rwanda Paul Kagame...
17 June 2018 Yasuwe: 2838 0

Gitifu w’ umurenge ushinjwa gusuzugura ingabo yasabye imbabazi

Anaclet Niyonsaba Umunyamabanga nshingwabikorwa w’ umurenge kibilizi wo mu...
16 June 2018 Yasuwe: 4519 1

Madamu Jeannette Kagame yasabiye abana ijambo mu igenamigambi

Ubwo hizihizwaga umunsi w’umwana w’umunyafurika, umufasha wa Perezida wa...
16 June 2018 Yasuwe: 711 0