Gitifu w’ akarere ka Gicumbi yatawe muri yombi ataramara umwaka muri akazi

Amakuru   Yanditswe na: Nsanzimana Ernest 2 November 2017 Yasuwe: 4383

Polisi y’u Rwanda yataye muri yombi Umunyamabanga Nshingwabikorwa w’Akarere ka Gicumbi na babiri mu bakozi bakurikiranyweho kunyereza umutungo no gukora inyandiko mpimbano.

Umunyamabanga Nshingwabikorwa w’Akarere ka Gicumbi Bernard Bihezande na Jacques Nkezurundi, umuyobozi ushinzwe imiyoborere mu karere ndetse n’ umukozi mu ishami ry’imiyoborere batawe muri yombi kuri uyu wa 2 Ugushyingo 2017.

Umuvugizi wa Polisi y’u Rwanda mu Ntara y’Amajyaruguru CIP Innocent Gasasira yatangaje ko aba uko ari batatu bafungiye kuri sitasiyo ya byumba

Yagize ati: “ Umunyamabanga nshingwabikorwa w’Akarere ka Gicumbi witwa Bihezande Bernard, hakaba n’undi witwa Nkezurundi Jacques, umuyobozi ushinzwe imiyoborere myiza mu karere ka Gicumbi, aba bombi bagashwe ku mugoroba w’ejo tariki ya mbere Ugushyingo 2017, bahise bafungirwa kuri Sitasiyo ya Byumba mu karere ka Gicumbi.

Uyu munsi tariki ya 2 Ugushyingo 2017 hafashwe undi witwa Mukunzi Phocas, nawe ni umukozi ushinzwe imiyoborere myiza, bose uko ari batatu bakurikiranyweho icyaha cyo kunyereza umutungo wa Leta.

IP Gasasira yavuze abatawe muri yombi bakekwaho guhimba inyandiko igaragaza ko hari ibikorwa bitandukanye byakozwe, iyo nyandiko ikaba yarasabaga ko akarere kakwishyura ibikorwa bitabayeho bifite agaciro ka Miliyoni icumi(10,000,000Fr). Iyi nyandiko ngo yatahuwe amafaranga atarasohoka.

Umunyamabanga Nshingwabikorwa w’Akarere ka Gicumbi Bernard Bihezande atawe muri yombi mu gihe nta mwaka urashira uwo yasimbuye Fidele Byiringiro atangaje ko yeguye ku mirimo ku mpamvu ze bwite.

Tariki 25 Ugushyingo 2016 nibwo hamenyekanye amakuru y’ uko Fidele Byingiro yasezeye aka kazi ku mpamvu ze bwite.

Mu gitabo cy’ amategeko ahana ibyaha mu Rwanda kuri ubu kirimo kuvugurwa, icyaha cyo kunyereza umutungo wa Leta gishobora kuzahindurirwa izina kikitwa ’Ubujura’

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Amazima

    Ababishinzwe bashakake umuti ku kibazo cy’ amafaranga ya Leta anyerezwa. Kubita ibisambo ntibihagize

    3 months ago
  • chat_bubble Amazima

    Ababishinzwe bashakake umuti ku kibazo cy’ amafaranga ya Leta anyerezwa. Kubita ibisambo ntibihagize

    3 months ago
  • chat_bubble oliva

    Nta n’ umwaka aramara kweli agakora amanyanga nkayo, u Rwanda rukeneye inyangamugayo

    3 months ago
  • chat_bubble

    Miliyoni 10 ubwo zari zigiye. Turashimira uwagize uruhare mu gutahura ayo manyanga

    3 months ago

Inzindi nkuru

Rusizi: Abantu 20 bafunzwe bakekwaho kuroga harimo uvugwaho kwihindura...

Abaturage barimo abagore n’abagabo bo mu midugudu itanu y’akagari ka Mpinga...
10 February 2018 Yasuwe: 2466 3

Umunya- Canada yitabye Imana bitunguranye avuye gusura ingagi mu...

Umukerarugendo James Trevor wari uvuye mu Birunga yafashwe n’ uburwayi bwo...
9 February 2018 Yasuwe: 3857 0

Pasiteri Mpyisi yasabye Niyibikora wibasiye abagore kumwegera...

Ezira Mpyisi, umupasiteri akaba n’ inararibonye yavuze ko kugereranya...
8 February 2018 Yasuwe: 6306 0

Canada: Abanyarwanda babiri barashwe

Umusore n’ inkumi bombi b’ Abanyarwanda bari mu bantu batatu barimo barasiwe...
6 February 2018 Yasuwe: 3952 1

Gatsibo: Abarwayi bitwaza amazi bagiye kwa muganga

Abaturage bivuriza ku kigo nderabuzima cya Bugarura cyo mu murenge wa...
4 February 2018 Yasuwe: 706 1

Uko Uwizeyimana yarokoye abatutsi 119 adakoresheje imbunda

Aloys Uwemeyimana, wari utuye mu Murenge wa Nzahaha, mu Karere ka Rusizi...
3 February 2018 Yasuwe: 2042 1