Green Party ifite intego yo gutsindira 20% by’ imyanya y’ abadepite

Amakuru   Yanditswe na: Nsanzimana Ernest 9 June 2018 Yasuwe: 437

Ishyaka riharahira Demukarasi no kurengera Ibidukikije DGPR ryatangaje ko rikomeje imyiteguro y’ amatora y’ abadepite ateganyijwe muri Nzeli uyu mwaka ndetse ko rifite intego yo gutsindira 20% by’imyanya izahatanirwa mu Inteko

Perezida wa DGPR, Dr Frank Habineza yatangarije The New Times ko biteguye gutanga urutonde rw’ abakandika ruzaba ruriho abakandida 60.

Yagize ati “Ishyaka ryatangiye kwitegura aamatora mu Ukwakira umwaka ushize. Twatangiye dukora inama ku rwego rw’ akarere tugatora abakandida babiri umugabo n’ umugore muri buri karere, iki gikorwa cyarangiye muri Gicurasi”

Habineza wari wiyamamarije umwanya wa Perezida wa Repubulika y’ u Rwanda umwaka ushize ni umwe mu bari ku rutonde rw’ abifuza kuba abadepite.

Ishyaka DGPR rifite kongere yaguye tariki 23 Kamena izemerezwamo umurongo mugari w’ ibitekerezo(manifesto) bazagenderaho mu matora y’ abadepite nk’ uko Habineza yabitangaje.

Dr Habineza yavuze ko ishyaka rizakora ibishoboka byose rikuzuza ibisabwa n’ itegeko rigenga amatora harimo no kuba abakandida bafite ibyemezo by’ uko bafunzwe cyangwa batafunzwe bigakorwa mbere y’ uko aba bakandida bemezwa na kongere y’ ishyaka DGPR.

Mu matora aheruka y’ umukuru w’ igihugu Dr Habineza wari umukandida w’ ishyaka DGPR yagize amajwi 0,47, Perezida Paul Kagame wari watanzwe n’ ishyaka FPR inkotanyi atsinda amatora n’ amajwi 98.63 naho Phillippe Mpayimana wari umukandida wigenga agira 0.73.

Habineza afite icyizere ko ishyaka rye rizatsindira imyanya myinshi mu matora y’ abadepite.

Ati “Dufite icyizere ko tutazabura nibura 20% by’ amajwi yose mu gihugu….Dutegereje kureba amashyaka azishyirahamwe na FPR ariko uyu mwaka dufite amahirwe aruta ay’ umwaka ushize”.

Ishyaka DGPR ryashinzwe muri Kanama 2009, rifite umurongo w’ ishyaka ritavuga rumwe n’ ubutegetsi.
Inteko ishinga amategeko y’ u Rwanda igizwe n’ abadepite 80.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Inyeshyamba zarasiwe I Rubavu zashyinguwe

Inyeshyamba bikekwa ko ari iza FDLR zagabye igitero mu murenge wa...
11 December 2018 Yasuwe: 5177 0

‘Kuba umugabo hari icyo bisobanuye umugore ntabwo ari mushiki wawe’ Me...

Evode Uwizeyimana , Umunyamabanga wa Leta ushinzwe itegeko Nshinga n’andi...
10 December 2018 Yasuwe: 2836 0

Abarezi basobanuriwe uko Jenoside yahagaritswe ngo bigiye kubafasha mu kazi...

Abarimu n’ abayobozi bo mu Rwunge rw’ Amashuri rwitiriwe Mutagatifu Pawulo...
30 November 2018 Yasuwe: 375 0

Muhanga: Umugabo utazi gutera akabariro yagereranijwe n’ ikimasa bukeye...

Inyigo yakorewe mu karere ka Muhanga igamije kumenya igitera amakimbirane...
30 November 2018 Yasuwe: 5205 2

Abanyarwandakazi 2 bajujubya umukecuru w’ I Muhanga bashaka kumusenga nk’...

Nyirabidahirika Rissa utuye mu Mujyi wa Muhanga, arashinja abakobwa babiri...
29 November 2018 Yasuwe: 3462 1

Abanyarwanda bahoze muri FDLR bakomeje gutaha ku bwinshi , ubu bageze ku...

Abandi Banyarwanda 800 bahoze muri FDLR bageze mu Rwanda biyongera kuri...
28 November 2018 Yasuwe: 1096 0