Umurwa mukuru Paris w’Ubufaransa ni wo mujyi wahize iyindi mu kugora abantu bawusohokeramo ugereranyije n’indi ku isi gusa wagonganye kuri uyu mwanya na Hong Kong na Singapour mu bushakashatsi bwakozwe n’ikinyamakuru gikomeye cya The Economist.

Sponsored Ad

Paris iza ku isonga mu kugira ubuzima buhenze cyane kurusha iyindi mijyi ku isi,bitewe ahanini n’ibiciro ku masoko,amahoteli,n’ibindi.

Bibaye ubwa mbere imijyi itatu ihuriye ku mwanya wa mbere mu kugira ubuzima buhenze cyane mu myaka 30 ishize itsinda ry’ubutasi ry’ikinyamakuru The Economist cyo mu Bwongereza rimaze rikora iki cyegeranyo ngaruka mwaka.

Umujyi wa Paris, wari ku mwanya wa kabiri mu guhenda cyane ku rutonde rwo mu mwaka ushize, ni umwe mu mijyi ine yo ku mugabane w’Uburayi iza mu myanya 10 ya mbere kuri uru rutonde rw’uyu mwaka.

Iki cyegeranyo kigereranya ibiciro by’ibicuruzwa bicyenerwa cyane mu buzima busanzwe, nk’igiciro cy’umugati, mu mijyi 133.

Uko imijyi 10 ya mbere ku isi ikurikirana :

Imijyi ya mbere ihenze cyane kuyibamo kurusha iyindi ku isi

1. Singapour (muri Singapour)
1. Paris (mu Bufaransa)
1. Hong Kong (mu Bushinwa)
4. Zurich (mu Busuwisi)
5. Genève (mu Busuwisi)
5. Osaka (mu Buyapani)
7. Seoul (muri Koreya y’epfo)
7. Copenhagen (muri Denmark)
7. New York (muri Leta Zunze Ubumwe z’Amerika)
10. Tel Aviv (muri Israel)
10. Los Angeles (muri Leta Zunze Ubumwe z’Amerika)

Imijyi 10 ya mbere ihendutse cyane kuyibamo ku isi

1. Caracas (muri Venezuela)
2. Damascus (muri Syria)
3. Tashkent (muri Uzbekistani)
4. Almaty (muri Kazakhstani)
5. Bangalore (mu Buhinde)
6. Karachi (muri Pakistani)
6. Lagos (muri Nigeria)
7. Buenos Aires (muri Argentine)
7. Chennai (mu Buhinde)
8. New Delhi (mu Buhinde)