startimes

Hatangajwe amatariki abanyeshuri bazasubirira ku mashuri n’ibyiciro bazagendamo bitewe n’aho biga

Amakuru   Yanditswe na: Martin Munezero 26 December 2019 Yasuwe: 2895

Minisiteri y’uburezi yatangaje amatariki abanyeshuri biga bacumbikirwa bazasubirira ku mashuri gutangira igihembwe cya mbere cy’umwaka w’amashuri wa 2020 kizatangira tariki ya 06 Mutarama.



Abanyeshuri biga bacumbikirwa mu bigo bazatangira kujya ku mashuri tariki ya 3 Mutarama 2020 bagende ku matariki atandukanye bitewe n’ibigo by’amashuri bigamo uturere biherereyemo.

Kuwa Gatanu ariki ya 03 Mutarama 2020 hazajya ku mashuri abanyeshuri biga mu bigo by’amashuri biherereye mu turere twa Kamonyi, Muhanga, Nyanza na Huye mu ntara y’Amajyepfo.

Kuwa Gatandatu tariki ya 04 Mutarama 2020 hazagenda abanyeshuri biga mu bigo by’amashuri biherereye mu ntara y’Amajyaruguru n’iy’Iburasirazuba.

Ku Cyumweru tariki ya 05 Mutarama 2020 abazajya ku ishuri ni abiga ku bigo biherereye mu turere twa Ruhango, Gisagara, Nyaruguru, Nyamagabe mu ntara y’Amajyepfo, Karongi, Rutsiro, Ngororero, Rubavu na Nyabihu mu ntara y’Iburengerazuba.

Minisiteri y’Uburezi irasaba abanyeshuri bose kuzagenda bambaye impuzankano zabo (uniforme) z’ishuri inakangurira abashinzwe ibigo bitwara abagenzi kuzabafasha mu ngendo zabo.

Igihembwe cya mbere cy’umwaka w’amashuri wa 2020 kizatangira tariki ya 06 Mutarama 2020 kirangire tariki ya 03 Mata 2020, kikaba kigizwe n’ ibyumweru 13. Icya kabiri nacyo gifite ibyumweru 13 kikaba kizatangira tariki ya 20 Mata 2020 kikarangira tariki 18 Nyakanga 2020, naho icya gatatu kikazatangira tariki ya 03 Kanama 2020 kikarangira kuwa 23 Ukwakira 2020 kigizwe n’ibyumweru 12.

Ibi ni ibikubiye mu ngengabihe y’umwaka w’amashuri wa 2020 umunyamabanga uhoraho muri minisiteri y’uburezi, Dr Isaac Munyakazi yatangarije mu nama y’Abaminisitiri yo kuwa 28 Ugushyingo 2019.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Mparambo

    Kayibanda ati :” Banyarwanda namwe ba nya Cyangugu”, undi na we ati:” Uzatera Cyangugu azaba ateye u Rwanda”. Hahh.
    Muri iyi gahunda y’abanyeshuri se ko nta cyo MINEDUC iteganyiriza abana ba Nyamasheke na Rusizi? Baba barashubije plaque ya E se!

    December 2019

Inzindi nkuru

Habonetse abarwayi 32 ba Coronavirus mu Rwanda hakira abandi...

Minisiteri y’Ubuzima mu Rwanda yatangaje ko kuri uyu wa Gatatu tariki ya 24...
24 June 2020 Yasuwe: 1530 0

Habonetse abarwayi 59 ba Coronavirus mu Rwanda,hakira 11

Uyu munsi tariki ya 22 Kamena 2020,ubaye uwa mbere ubonetseho abantu benshi...
22 June 2020 Yasuwe: 1704 0

Abasize ibikoresho byabo mu gishanga cya Gikondo bahawe iminsi 7 kuba...

Abahoze mu gace k’inganda ka Gikondo bategetswe gukuramo ibikoresho byabo...
19 June 2020 Yasuwe: 906 0

Abakoresha Mobile Money na Mobile Banking basabwe kwitwararika mu gukoresha...

Ikibazo cy’uburiganya bukorerwa abakoresha mobile money na mobile banking...
19 June 2020 Yasuwe: 1555 0

Umupasiteri wo mu Rwanda yatunguranye avuga uburyo yabaye inkone ya...

Amazina ye ni Pasiteri Jean de Dieu UWIRAGIYE akaba ari umpasiteri...
12 June 2020 Yasuwe: 3505 1

Habonetse abandi barwayi 18 ba Covid-19 barimo ab’i Rusizi n’abaturutse hanze...

Minisiteri y’Ubuzima yatangaje ko abantu 18 basanganywe Coronavirus mu...
11 June 2020 Yasuwe: 1269 0