skol
startimes

Huye:Abatubaka ibibanza bafite mu mujyi bagiye kubyamburwa

Amakuru   Yanditswe na: Martin Munezero 28 September 2020 Yasuwe: 3354

Kuri uyu wa 27 Nzeri 2020, Minisitiri w’Ibikorwaremezo, Gatete Claver, yasabye ko abatubaka mu bibanza bafite mu mujyi wa Huye babyamburwa bigahabwa abashaka kubibyaza umusaruro.


Minisitiri Gatete yabitangaje ubwo yasuraga ibikorwaremezo biri muri uyu mujyi birimo nk’ikibuga cy’indege gito kigiye gutunganywa kikazajya kigwaho indege zitagira abapilote (drones), Sitade Mpuzamahanga n’umuhanda wa kaburimbo uva mu mujyi rwagati werekeza i Goma, uciye mu Rwabayanga.

Yageze kandi mu Rwabayanga ahari icyobo cyashoboraga gusenya inyubako zicyegereye, ndetse agera n’ahitwa mu Cyarabu hari ibi bibanza bitabyazwa umusaruro. Minisitiri Gatete yagize ati:

Hari ahatubatse, aho twasabye kugira ngo turebe ko abafite ibibanza batabyubatse, bigomba guhabwa abandi. […] Mu Cyarabu hamaze igihe kirekire cyane bafite ibibanza 11, twagumye dushaka ngo noneho bashobore kuba bahubaka ndetse n’Akarere kabahaye ibyangombwa ariko babimaranye igihe. Ubu ngubu ni ukugira ngo turebe ibishoboka byose kugira ngo niba badashoboye kubyubaka, bigahabwa abandi.

Umuyobozi w’Akarere ka Huye, Sebutege Ange yunze mu rya Minisitiri Gatete, ati:

Ngira ngo ubu ngubu nta cyemezo kirafatwa ariko hari ugutangira kubitekerezaho kuko hamaze igihe kini hatanzwe ibyangombwa kugira ngo babashe kuba bahubaka.

Meya Sebutege yavuze ko amategeko ateganya ko ufite ubutaka mu mujyi atabasha kububyaza umusaruro, ubutaka buhabwa ababushaka kandi babishoboye. Ati:

Ni byo tugiye kugishaho inama mu bijyanye n’amategeko uko byakorwa ariko nabo twari twabahaye amezi atandatu azarangira mu kwezi kwa Gatatu 2021.

Nyuma y’icyo gihe, ni bwo hazafatwa umwanzuro ku ikoreshwa ry’ibi bibanza.






Aha ni mu Rwabayanga hari umwobo washoboraga kuriduka, ugasenya inyubako ziwegereye

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Inkingo miliyoni imwe za COVID-19 ziragera i Kigali mu minsi ya vuba...

Mu kiganiro Umuyobozi w’Ikigo cy’Igihugu cy’Ubuzima (RBC) yagiranye...
22 January 2021 Yasuwe: 4595 0

Hakuweho urujijo rw’ahabereye ubwicanyi bwakozwe na Kaneza Christa wishe...

Ku wa Gatatu w’iki Cyumweru, Polisi y’u Burundi yerekanye umugore ukiri muto...
22 January 2021 Yasuwe: 16991 0

Uruganda rwa Filime nyarwanda rwungutse indi yitwa Diru irimo amayeri...

Film zirimo imitecyerereze yo kurwego rwo hejuru zibamo amayeri n’amacenga...
21 January 2021 Yasuwe: 4041 0

Kigali:Ibanga ryafasha ingeri zose kuvuga icyongereza neza mu minsi...

Théoneste Uwayezu uyobora kompanyi yitwa ICT For All in All ikorera i Remera...
18 January 2021 Yasuwe: 4751 3

Kayonza: Umugabo yishe umwana w’umugore we w’imyaka ibiri amuteye...

Mu Ijoro ryakeye mu Mudugudu w’Irebero mu Kagari ka Nyagatovu mu Murenge wa...
18 January 2021 Yasuwe: 5283 0

Umurambo wa Mirimo Gaspard Wataburuwe; Yaramaze imyaka 4 yitabye Imana-...

Mirimo Gaspard ni umunyemari ukomeye witabye Imana muri Gicurasi 2016 aho...
16 January 2021 Yasuwe: 9431 0