skol
startimes

Huye:Umusore w’umunyarwanda w’imyaka 18 yaguwe gitumo ari gukora amafaranga y’amiganano,yafatanywe impapuro yagombaga gukuramo ibihumbi 380

Amakuru   Yanditswe na: Martin Munezero 24 August 2020 Yasuwe: 2916

Umusore w’imyaka 18 yafatiwe mu cyuho na Polisi mu Murenge wa Kinazi mu Karere ka Huye ari gukora amafaranga y’amiganano. Yahise ashyikirizwa Urwego rw’Igihugu rw’Ubugenzacyaha, RIB.


Uwo musore yafashwe kuri Cyumweru tariki ya 23 Kanama 2020, afatanwa impapuro zigera kuri 380 aho buri rumwe yari kurukoramo inoti y’amafaranga 1000. Ayo yari agiye gukora yose hamwe ni ibihumbi 380 Frw.

Yafatiwe mu Mudugudu wa Butare mu Kagari ka Gasange ku makuru yatanzwe n’abaturage bamubonye bahita babimenyesha Polisi.

Polisi y’Igihugu ibinyujije ku rubuga rwayo rwa twitter yatangaje ko yafashwe ku makuru yatanzwe n’abaturage

Yagize iti “Ku makuru yatanzwe n’abaturage, Polisi ikorera mu karere ka Huye yafatiye mu cyuho Iratwumva Jean Claude arimo gukora amafaranga y’amahimbano. Yafatanwe impapuro 380, buri rupapuro yari kurukoramo inoti ihwanye n’amafaranga y’u Rwanda 1000.”

Bimwe mu bikoresho uwo musore yafatanywe yifashishaga akora amafaranga y’amahimbano, harimo impapuro zikase neza nk’inoti z’amafaranga, umuti asiga kuri izo mpapuro, ndetse n’imashini anyuzamo izo mpapuro zigasohora amafaranga.

Gusa yafashwe ataratangira gusohora ayo mafaranga akoresheje akamashini yari afite.

Kuri ubu afungiye kuri Sitasiyo ya RIB ya Rusatira mu Karere ka Huye mu gihe iperereza ku cyaha akurikiranyweho rigikomeza.

Hari amakuru avuga ko ibikorwa byo gukora amafaranga y’amiganano yabanje kubikorera mu Mujyi wa Kigali ndetse hari n’abo bafatanya bityo hakaba hari gukorwa iperereza ngo hamenyekane ukuri kwabyo.

Gukora amafaranga y’amiganano ni icyaha gihanwa n’amategeko kuko bigira ingaruka zikomeye ku bukungu bw’igihugu.

Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo yaryo ya 271 ivuga ko umuntu wese uhimba, ukoresha cyangwa ukwirakwiza mu buryo ubwo ari bwo bwose impapuro zivunjwamo amafaranga, aba akoze icyaha.

Iyo abihamijwe n’urukiko, ahanishwa igifungo kitari munsi y’imyaka itatu ariko kitarenze imyaka itanu n’ihazabu y’amafaranga y’u Rwanda yikubye inshuro kuva kuri ebyiri kugeza ku icumi z’agaciro k’amafaranga y’amahimbano.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abantu 52 bakize Covid-19 mu Rwanda abandi 21 barayandura

Minisiteri y’Ubuzima yatangaje ko uyu munsi tariki ya 27 Ugushyingo 2020,...
27 November 2020 Yasuwe: 923 0

RIB iri gushakisha umugabo w’imyaka 36 wasambanyije umwana

Urwego rw’Igihugu rushinzwe Ubugenzacyaha (RIB) rurashakisha uwitwa Ikuzwe...
26 November 2020 Yasuwe: 1696 0

Gatsata:Bakundukize w’imyaka 41 yasambanyije Mama we babanaga mu nzu...

Umugabo witwa Bakundukize w’imyaka 41 y’amavuko, ari mu maboko y’ Urwego...
25 November 2020 Yasuwe: 3165 0

Rwanda:Hari gukusanywa amazina y’abagiye basambanya abana kugira ngo...

Mu Rwanda inzego z’ubutabera zirimo kwiga ukuntu amazina y’abantu basambanya...
24 November 2020 Yasuwe: 1142 0

Huye: Polisi y’u Rwanda yaguye gitumo abagabo 2 bari bafite amadorali...

Kuri uyu wa Kabiri tariki ya 10 Ugushyingo abapolisi bakorera mu Karere ka...
13 November 2020 Yasuwe: 2355 0

Nyarugenge:Yashikuje umuntu igikapu cyarimo ibihumbi birenga 600 Polisi...

Ku mugoroba wo kuri uyu wa Kane tariki 05 Ugushyingo, Polisi y’u Rwanda...
7 November 2020 Yasuwe: 4680 0