startimes

Icyiciro cya gatatu cy’impunzi zo muri Libya kizagera mu Rwanda mu ijoro ryo kuri iki cyumweru

Amakuru   Yanditswe na: Dusingizimana Remy 23 November 2019 Yasuwe: 1513

Icyiciro cya gatatu cy’impunzi 120 zivuye mu bigo bibacumbikiye muri Libya biteganyijwe ko zigera i Kigali mu Rwanda mu ijoro ry’ejo ku cyumweru.



Mu kwezi kwa cyenda u Rwanda rwemeye kwakira impunzi 500, muri Libya hari ababarirwa ku 2,000 babuze amajyo nyuma yo kubuzwa kwambuka inyanja ya Méditerranée ngo bajye i Burayi.

Mu mpera y’ukwezi kwa cyenda abimukira 66 bagize icyiciro cya mbere bageze mu Rwanda, mu mpera y’ukwa 10 icyiciro cya kabiri cy’abandi 123 na bo bagejejwe mu Rwanda.

Umukozi wa minisiteri ishinzwe ubutabazi mu Rwanda yabwiye BBC ko icyiciro cya gatatu cy’abantu 120 bagera mu Rwanda mu ijoro ryo kuri iki cyumweru.

Leta y’u Rwanda yatangaje ko nta nyungu izavana mu masezerano yagiranye n’ishami ry’umuryango w’abibumbye ryita ku mpunzi (UNHCR) hamwe n’umuryango w’ubumwe bw’Afurika yo kwakira aba bimukira.

Mu nama rusange y’umuryango w’abibumbye mu kwezi kwa cyenda Perezida Paul Kagame yavuze ko kwakira impunzi zivuye muri Libya ari ikimenyetso ko muri Afurika naho hava ibisubizo.

Izi mpunzi zakiriwe mu Rwanda zicumbikirwa mu kigo kiri i Gashora mu Bugesera aho batungwa na UNHCR, gusa intego ya mbere y’aba bantu ni ukujya kuba mu bihugu biteye imbere.

Mu cyumweru gishize basuwe na minisitiri Dag Inge Ulstein ushinzwe iterambere mpuzamahanga wa Norvège.

Uyu yijeje inkunga ya miliyoni 5,5 z’amadolari y’Amerika yo gufasha ibi bikorwa byo kwakira izi mpunzi mu Rwanda nk’uko bitangazwa na UNHCR.

Abamaze kwakirwa mu Rwanda benshi muri bo bakomoka muri Eritrea, abandi Somalia na Ethiopia.

Mu myaka ishize umuryango w’ubumwe bw’Uburayi (EU) wishyuye miliyari z’ama-Euro igihugu cya Turukiya ngo kigumane abimukira bashaka kwimukirayo.

Uyu muryango wishyuye Niger kugira ngo icumbikire 2,900 muri izi mpunzi zafatiwe muri Libya zishaka kujya i Burayi zambutse inyanja ya Méditerranée.

Mu kwezi kwa cyenda Germaine Kamayirese, Minisitiri ushinzwe ibikorwa by’ubutabazi, yabwiye abanyamakuru ko nta masezerano bagiranye n’umuryango wa EU kandi nta mafaranga ayo ari yo yose u Rwanda ruhabwa ngo rwakire aba bantu.

Madamu Kamayirese yagize ati: "Kwemera kwakira bariya bantu aho kugira ngo bapfire mu nyanja ni igikorwa cy’ubutabazi gusa, ni igikorwa buri Munyafurika akwiye kwifuza gukora".

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble sezibera

    Kwakira Impunzi ni umuco mwiza cyane dusabwa n’imana.Urugero,imana yasabye Abayahudi kujya bafata neza Impunzi zije zibagana,ibabwira ko zigomba kwibuka ko nazo zabaye Impunzi muli Egypt imyaka 430.Natwe Abanyarwanda benshi twabaye impunzi mu bihugu byinshi byo ku isi,cyanecyane Uganda,DRC na Burundi kandi badufashe neza.Ubuhunzi ahanini buterwa n’Intambara.Imana ishaka ko abantu bose batuye isi bakundana aho kurwana.Kugirango isi izabe paradizo,ku munsi w’imperuka Imana izakura mu isi abantu bose bakora ibyo itubuza isigaze abayumvira gusa nkuko Imigani 2:21,22 havuga.Duharanire kuzaba muli iyo paradizo,dushaka cyane Imana,tubifatanye n’akazi gasanzwe.Kubera ko abibera mu byisi gusa batazayibamo nkuko bible ivuga.

    November 2019

Inzindi nkuru

Polisi y’u Rwanda yavuze ku murobyi w’Umurundi Ndagijimana Sylvestre...

Mu gitondo cy’uyu wa 5 Nyakanga 2020, Polisi y’u Rwanda yavuze ko umurobyi...
5 July 2020 Yasuwe: 4602 0

Kigali igiye gufata indi ntera mu guhindura isura[AMAFOTO]

Kimihurura ahazwi nka Minijust hagiye guhinduka burundu kuko inyubako zose...
29 June 2020 Yasuwe: 2091 0

Habonetse abarwayi 32 ba Coronavirus mu Rwanda hakira abandi...

Minisiteri y’Ubuzima mu Rwanda yatangaje ko kuri uyu wa Gatatu tariki ya 24...
24 June 2020 Yasuwe: 1634 0

Habonetse abarwayi 59 ba Coronavirus mu Rwanda,hakira 11

Uyu munsi tariki ya 22 Kamena 2020,ubaye uwa mbere ubonetseho abantu benshi...
22 June 2020 Yasuwe: 1766 0

Abasize ibikoresho byabo mu gishanga cya Gikondo bahawe iminsi 7 kuba...

Abahoze mu gace k’inganda ka Gikondo bategetswe gukuramo ibikoresho byabo...
19 June 2020 Yasuwe: 959 0

Abakoresha Mobile Money na Mobile Banking basabwe kwitwararika mu gukoresha...

Ikibazo cy’uburiganya bukorerwa abakoresha mobile money na mobile banking...
19 June 2020 Yasuwe: 1587 0