dnd

Ifoto y’umunsi:Perezida Kagame yaganiriye na Felix Tshisekedi wa RDC mu nama ya AU

Amakuru   Yanditswe na: Dusingizimana Remy 11 February 2019 Yasuwe: 3312

Perezida wa Repubulika Paul Kagame yagaragaye ari kumwe na perezida mushya wa RDC Felix Tshisekedi,mu nama y’umuryango wa Afurika yunze ubumwe iri kubera ku cyicaro cyawo I Addis Abeba muri Ethiopia.



Mu gihe umubano w’u Rwanda na RDC wavugwagamo agatotsi mu minsi ishize,aba bakuru b’ibihugu byombi babashije guhurira muri iyi nama baraganira.

Perezida Kagame na Tshisekedi bahuje urugwiro ku munsi wa kabiri w’inama ya Afurika yunze Ubumwe iri kuba ku nshuro ya 32.

Nyuma yo gutorwa kwa Felix Tshisekedi,benshi bibajije icyo azakora ku mubano wa RDC n’u Rwanda ariko kuba abakuru b’ibihugu baganiriye n’intambwe ikomeye yatewe.

Mu minsi ishize nibwo leta ya Repubulika iharanira demokarasi ya Kongo yohereje mu Rwanda abuyobozi 2 b’umutwe w’iterabwoba wa FDLR barimo Laforge Fils Bazeye wari umuvugizi wayo na Lieutenant-Colonel Theophile Abega wari ushinzwe iperereza bashinjwa kugira uruhare muri Jenoside yakorewe Abatutsi.

Bamwe mu bahanga mu bya politiki bavuze ko iyi ntambwe ishobora kubiba umubano mwiza hagati y’ibi bihugu ndetse bigafatanya guhashya inyeshyamba za P5 zikomeje kwiyubakira muri RDC.

Felix Tshisekedi warahiye mu kwezi gushize,mu muhango witabiriwe n’umukuru w’igihugu umwe ariwe Kenyatta wa Kenya,yitabiriye inama ya AU bwa mbere ahita atorerwa kuba visi perezida wa 2 w’uyu muryango ibintu Kabila atagezeho mu myaka 18 yamaze ayobora RDC.




Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Rihabose

    Biratanga icyizere ku mibanire myiza y’Ibigugu byombi;ubufatanye bw’ibihugu hagamijwe inyungu rusange ry’Abaturage (iterambere......

    11 February

Inzindi nkuru

REB yihakanye abarimu bayishinje ko yabategetse kwimura abanyeshuli...

Umuyobozi Mukuru w’Ikigo cy’Igihugu gishinzwe uburezi REB, Dr Ndayambaje...
14 December 2019 Yasuwe: 2815 0

Kicukiro:Polisi yafashe umushoferi washutse umuturage amwaka ruswa...

Ku mugoroba wo kuri uyu wa Gatatu tariki ya 11 Ukuboza nibwo Polisi y’u...
13 December 2019 Yasuwe: 2888 0

Abanyarwanda 2 bakubitiwe muri Uganda bajugunywa ku mupaka ari...

Kuri uyu wa 12 Ukuboza 2019 Guverineri w’intara y’Amajyaruguru abinyujije...
12 December 2019 Yasuwe: 3608 3

Nyagatare:Gitifu arashinjwa kwiba ihene

Umunyamabanga Nshingwabikorwa w’Akagari ka Nyarukamba mu Murenge wa Gatunda...
12 December 2019 Yasuwe: 3010 0

U Rwanda rwavanyeho imisoro ku bicuruzwa by’isuku y’abagore n’abakobwa bari mu...

U Rwanda rwavanyeho imisoro ku nyongeragaciro (TVA) ku bicuruzwa by’isuku...
11 December 2019 Yasuwe: 3427 1

Hafashwe uwari ufite ibicuruzwa bitemewe mu Rwanda birimo n’amavuta ya...

Polisi y’u Rwanda ikorera mu karere ka Nyamasheke mu murenge wa Ruharambuga...
11 December 2019 Yasuwe: 1920 0