startimes

Igisenge cya sitade ya Gicumbi FC cyagurutse kigwira ishuri(AMAFOTO)

Amakuru   Yanditswe na: Martin Munezero 24 September 2019 Yasuwe: 2460

Nyuma yo gushyirwa mu bibuga by’umupira w’amaguru bitemewe na FERWAFA igasaba kubanza kukivugurura umuyaga wari uvanze n’imvura wagurukanye igisenge cy’iyi stade kigwira ishuri riri hafi aho.



Ishyirahamwe ry’umupira w’amaguru mu Rwanda ’FERWAFA’, mu minsi ishize ryatangaje amakipe yujuje ibisabwa kugira ngo akine icyiciro cya mbere ari 11, andi makipe 5 arimo na Gicumbi FC hari ibyo yasabwe gutunganya, iyi kipe ikaba yarasabwe gutunganya ikibuga cyayo kuko kitameze neza.

Nyuma yo gusabwa gutunganya ikibuga cyangiritse ku buryo bukomeye gusa aho abantu bicaraga bareba umupira nta kibazo hari hafite kuko hamwe hari hanasakaye nta kibazo naho igisenge cyagurutse.

Ku mugoroba wo ku wa Mbere ubwo abakinnyi bari mu myitozo, haguye imvura nyinshi irimo n’umuyaga biba ngombwa ko banahagarika imyitozo bajya kugama muri iyi sitade.

Ubwo imvura yagwaga, muri iyi sitade harimo na perezida w’iyi kipe Urayeneza John, igisenge cyaje kuguruka kigwa hejuru y’ishuri rimwe mu kigo cy’amashuri cya King Salomoni Academy kiri hepfo ya sitade, gusa nta muntu cyahitanye.

Perezida w’iyi kipe yemeje aya makuru avuga ko koko igisenge cya sitade cyagurutse ariko na none bakaba bishimira ko nta muntu cyahitanye.

Yagize ati“yari amasaha y’imyitozo y’ikipe irimo gukina, haza imvura nyinshi n’umuyaga abakinnyi bava mu kibuga bamwe bajya kugama, tubona igisenge kirimo kiranyeganyega, kubw’amahirwe kijya inyuma aho kuza imbere iyo kiza imbere kiba cyahitanye ubuzima bw’abantu.”

Yakomeje avuga ko akazi gasa n’aho kikubye kabiri ku bijyanye n’imirimo yo gutunganya iki kibuga ngo babone kuzajya bacyakiririho imikino yabo, ngo n’ubwo babonye aho bazajya bakirira mbere y’uko ikibuga cyabo gitunganywa, ngo hagiye kwiyongeraho ikindi gihe ugereranyije n’igihe bari kuzatangirira kuhakirira.

Avuga ko bagiye kuvugana n’ubuyobozi bw’akarere nk’umuterankunga w’ikipe ngo barebe uburyo iki kibuga cyasanwa kuko nabwo butakwifuza gukomeza kukibona uko kimeze ubu.

Si ubwa mbere iyi sitade ya Gicumbi FC ihuye n’ikibazo kuko no muri 2017 nabwo haguye imvura nyinshi maze isenya igisenge cyayo.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Kigali igiye gufata indi ntera mu guhindura isura[AMAFOTO]

Kimihurura ahazwi nka Minijust hagiye guhinduka burundu kuko inyubako zose...
29 June 2020 Yasuwe: 1640 0

Habonetse abarwayi 32 ba Coronavirus mu Rwanda hakira abandi...

Minisiteri y’Ubuzima mu Rwanda yatangaje ko kuri uyu wa Gatatu tariki ya 24...
24 June 2020 Yasuwe: 1565 0

Habonetse abarwayi 59 ba Coronavirus mu Rwanda,hakira 11

Uyu munsi tariki ya 22 Kamena 2020,ubaye uwa mbere ubonetseho abantu benshi...
22 June 2020 Yasuwe: 1724 0

Abasize ibikoresho byabo mu gishanga cya Gikondo bahawe iminsi 7 kuba...

Abahoze mu gace k’inganda ka Gikondo bategetswe gukuramo ibikoresho byabo...
19 June 2020 Yasuwe: 935 0

Abakoresha Mobile Money na Mobile Banking basabwe kwitwararika mu gukoresha...

Ikibazo cy’uburiganya bukorerwa abakoresha mobile money na mobile banking...
19 June 2020 Yasuwe: 1558 0

Umupasiteri wo mu Rwanda yatunguranye avuga uburyo yabaye inkone ya...

Amazina ye ni Pasiteri Jean de Dieu UWIRAGIYE akaba ari umpasiteri...
12 June 2020 Yasuwe: 3518 1