Igitero cyagabwe i Nyaruguru: Umwe mu bishwe yari umurezi abashimuswe barekuwe

Amakuru   Yanditswe na: Nsanzimana Ernest 20 June 2018 Yasuwe: 11090

Ifoto ya Maniraho Anathole wari umuyobozi ushinzwe amasomo muri GS Nyabimata wiciwe mu gitero i Nyabimata

Mu ijoro ryo kuri uyu wa Kabili tariki 19 rishyira tariki 20 Kamena 2018 abantu bitwaje intwaro bagabye igitero mu murenge wa Nyabimata mu karere ka Nyaruguru bica abantu babiri bakomeretsa abandi barimo n’ umunyamabanga nshingwabikorwa w’ Umurenge.

Abishwe ni Maniraho Anathole umuyobozi ushinzwe amasomo muri GS Nyabimata na Habarurema Joseph wari umucuruzi w’ inyama.

Byabereye mu mudugudu wa Rwerere akagari ka Nyabimata umurenge wa Nyabimata uhana imbibe n’ igihugu cy’ u Burundi.

Amakuru agera ku UMURYANGO ni uko abantu bari bashimushwe saa kumi n’ ebyiri za mu gitondo kuri uyu wa 20 Kamena bagarutse bavuga ko bari bategetswe n’ abo bagizi ba nabi kubatwaza ibyo basahuye muri butike ebyiri zo mu isanteri Rumenero

Abakomeretse ni Umunyabanga nshibikorwa w’ umurenge wa Nyabimata Nsengiyumva Vincent, Munyaneza Fidele n’ abandi batatu. Nsengiyumva Vincent warashwe ku ijosi arimo kuvurirwa ku bitaro bya Kaminuza CHUB.

Mu bari bashimuswe harimo uwarindaga SACCO. Iyi SACCO nubwo aba bagizi ba nabi bagererageje kuyisahura ngo ntibabigezeho.

Aba bagizi ba nabi kandi batwitswe urugo rwa gitifu Nsengimana, imodoka ye ndetse na moto ya Havugimana JMV bita Nyagezi.

Ibi bibaye mu gihe mu ntangiriro z’uku kwezi, tariki ya 10 Kamena 2018, abantu bitwaje imbunda n’intwaro gakondo bateye ku gasanteri ka Cyamatumba ho mu kagari ka Mukuge mu Murenge wa Ngera mu karere ka Nyaruguru bagakomeretsa abaturage bakanabasahura.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble TEACHER

    ABA BAGIZI BA NABI BAKAGOMBYE GUKURIKIRANWA WASANGA ARI EXTERNAL NEGATIVE FORCES BA FDRL BURIYA BARASHAKA KO BATSWAHO UMURIRO NTA KINDI

    3 months ago

Inzindi nkuru

Mu Rwanda hatangijwe amasomo ajyanye n’ubwenge bw’ubukorano azamara...

Ikigo Nyafurika gitanga ubumenyi bushingiye ku mibare, AIMS, cyatangiye...
15 October 2018 Yasuwe: 628 1

Mu mezi 6, u Rwanda rwahombye miliyari 204 n’ abaturage barenga 200 kubera...

Minisiteri y’ Ibiza no gucyura impunzi Midimar, yatangaje ko mu mezi...
15 October 2018 Yasuwe: 419 0

‘Dufite Abanyarwanda bajya kwanduranya mu gihugu cy’abaturanyi’- Gen. Mubarak...

Gen. Mubarak Muganga yaburiye abanyarwanda bajya kwanduranya muri Tanzania...
14 October 2018 Yasuwe: 3183 0

Pro- Femmes Twese Hamwe yishimiye itorwa rya Mushikiwabo

Profemmes Twese Hamwe yishimiye itorwa rya Mushikiwabo Abanyamuryango b’...
13 October 2018 Yasuwe: 278 0

Umwana w’umukobwa yabonye inzoka nini cyane mu cyumba cye nijoro...

Umukobwa witwa Ashleigh Muller w’imyaka 19,ukomoka mu mujyi wa Brisbane muri...
12 October 2018 Yasuwe: 3364 0

Musanze: Umusozi umaze amezi 5 witse ku mpamvu zitaramenyekana

Umusozi wo mu Murenge wa Kimonyi, Akagari ka Mbizi mu karere ka Musanze...
12 October 2018 Yasuwe: 1775 0