Incamake y’ ijambo Perezida Kagame yavuze nyuma yo kurahirira kuyobora u Rwanda

Amakuru   Yanditwe na: Iyamuremye Janvier 18 August 2017 Yasuwe: 2411

Perezida wa Repubulika y’u Rwanda; Paul Kagame yagejeje ijambo kubitariye umuhango w’irahira rye, rikubiye impanuro ku rubyiruko, icyo Afurika yagakwiye gukora no kwerekana ko u Rwanda ntawe rubona nk’ umwanzi haba mu gihugu imbere no mu mahanga.

Perezida Kagame yahaye ikaze abakuru b’ibihugu, abahagarariye ibihugu byabo mu Rwanda, ndetse n’Abanyarwanda bose muri rusange, anabifuriza umunsi mwiza.

Yagize ati " Banyacyubahiro mwese muteraniye hano, reka mbanze mbasuhuze no kubifuriza umunsi mwiza…Uyu munsi ni uwo kwishima no kubashimira mwese, nagirango rero mbanze mbashimire ukuntu mwitabiriye ibirori n’ubundi ni byacu twese.

Nk’uko mubibona dufite abashyitsi benshi baje kwifatanya natwe muri ibi birori barimo abakuru b’Ibihugu bo muri Afurika; n’inshuti nyinshi zaturutse hirya no hino muri Afurika….. Muranyihanganira rero mbanze mvuge mu rurimi abashyitsi bacu bumva neza n’ubundi turi kumwe kandi n’ubutumwa bw’uyu munsi burabageraho.

Banyarwanda by’umwihariko ndangirango nongere mbashimiye ku cyizere mwongeye kungirira; ikiruta byose ariko n’icyizere mwifitiye muri mwe.. Gukomeza kubakorera n’ishema kuri njye.

Nta mpamvu yo gutinya intambara kuko buri gihe Imana ihora hafi yacu, nta ntambara yantera ubwoba, U Rwanda ntawe rubona nk’ umwanzi haba mu Rwanda imbere ndetse no hanze y’Igihugu. Nk’ Abanyafurika rero reka dukorere hamwe kandi dufatanye..Ingufu zacu zatanga umusaruro, reka dukorere mu nzira imwe.

Dukore ibyo Abaturage badutoreye ndetse n’ibyo badutegerejeho…Imyaka irindwi iri imbere izaba iy’akarusho kuri buri wese cyane cyane abagore ndetse n’abato batoye bwa mbere.

Mfite abana babiri mu rugo nabo batoye ku nshuro ya mbere, buri wese yabonye uburyo urubyiruko rwitanze muri aya matora, ndashaka kubashimira by’umwihariko kuri ibyo byose.

Mu mwaka iri imbere tuzibanda, ku gukomeza igihango cyo gukora ibyiza gusa dufitanye n’abasore n’inkumi ndetse abenshi batoye bwa mbere mu matora ashize kandi bakabirona umurava, ubushake n’ibyihsimo byinshi’

Twese twabonye uburyo bafashe iya mbere bikaba byaratumye bikorwa by’amatora bigenda neza nta kosa ribayemo.

Murakoze, Ndabashimiye cyane.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Diane yongeye gusaba Kagame kubafungura, Adeline avuga ko batatoroka...

Urukiko rwisumbuye rwa Nyarugenge kuri uyu wa gatatu tariki ya 18 Ukwakira...
18 October 2017 Yasuwe: 4669 5

Menya impamvu abatuye ahubatswe umudugudu w’ ikitegererezo i Huye bawise...

Abahawe amazu mu mudugudu w’ ikitegererezo wubatswe mu murenge wa Simbi n’...
8 October 2017 Yasuwe: 2026 0

Uganda: Imfungwa irwariye mu bitaro nyuma yo kumira ibihumbi 50 by’...

Sengigwa Sendodie ufungiye mu gihugu cya Uganda arwariye mu bitaro bya...
4 October 2017 Yasuwe: 984 0

Kwa Sebarinda babonye umwana wabo baherukaga muri Jenoside

Sebarinda Leonard n’ umuryango batuye mu murenge wa Ntarama mu Karere ka...
4 October 2017 Yasuwe: 5257 0

U Rwanda na Malawi barimo kwiga ku ngingo yo kohererezanya abakekwaho...

Guverinoma y’ u Rwanda n’ iya Malawi bari mu biganiro biganisha ku gusinya...
3 October 2017 Yasuwe: 634 0

‘Imiyoborere myiza ni ukwegera umuturage ukamenya imibereho ye’...

Guverineri w’ intara y’ amagepfo Mureshyankwano Marie Rose yasuye abaturage...
1 October 2017 Yasuwe: 279 0