Ikoranabuhanga ryatumye umuturage afatanwa moto eshanu bikekwa yibye

Amakuru   Yanditswe na: Nsanzimana Ernest 30 March 2018 Yasuwe: 882

Polisi y’u Rwanda ikorera mu karere ka Gisagara, kuwa gatatu tariki ya 28 Werurwe yafatiye mu mu rugo rw’umuturage moto eshanu bikekwa ko zibwe mu bice bitandukanye by’igihugu inata muri yombi umwe mu bakekwaho ubu bujura witwa Hategekimana Jean Bosco.

Umuvugizi wa Polisi mu Ntara y’Amajyepfo Chief Inspector of Police (CIP) Emmanuel Kayigi yavuze ko

Yagize ati "Hari moto yari ifite akuma ndangamerekezo (GPS) yibiwe i Kigali, ako kuma kerekana ko iyo moto iherereye mu mudugudu wa Sabudari Akagari ka Bweya Umurenge wa Ndora mu karere ka Gisagara, tumaze kubimenyeshwa twarakurikiranye ako kuma katwereka ko iyo moto iri mu nzu y’uwitwa Niyomugabo Gregoire."

Yakomeje avuga ko abaturanyi ba Niyomugabo aribo babwiye Polisi ko moto bari gushaka yari yazanywe n’uwitwa Hategekimana mu ijoro ryari ryakeye, Hategekimana akaba yari akiri na hafi aho, aribwo Polisi yamushakishije igahita imuta muri yombi ariko Niyomugabo we akaba yarabuze akaba agishakishwa.

Nk’ uko polisi yabitangaje ku rubuga rwayo, CIP Kayigi akomeza polisi yasanze moto zitwikirije ihema kandi zarakuweho pulake zazo

Ati "Tugeze mu nzu ya Niyomugabo, twahasanze moto eshanu zirimo na ya yindi yari ifite ka kuma ndangamerekezo (GPS). Zose zari zitwikirije ihema kandi nomero ziziranga (Pulake) barazikuyeho."

Mu kwezi gushize nibwo Polisi yatangaje ko izakomeza imikwabu yo gushakisha moto zibwa, kandi iyo mikwabu ikaba ibyara umusaruro kuko hari zimwe ziri gufatwa n’abazibye bagatabwa muri yombi.

Bivugwa ko moto zibwa zambutwa zikajyanwa mu bihugu bihana imbibe n’u Rwanda ariko zinyujijwe ku mipaka itemewe, ariko Polisi y’u Rwanda ikaba imaze gufata abenshi mu bagira uruhare muri ubu bujura.
Kugeza ubu, kuri moto zirenga ibihumbi 55 zibarirwa mu gihugu hose, izirenga ibihumbi 13,700 zikorera mu mujyi wa Kigali.
Impuzamashyirahamwe y’abamotari mu Rwanda (FERWACOTAMO) yatangiye gukangurira abamotari bose gushyira kuri moto zabo utwuma dukoresha ikoranabuhanga rya GPS, tukaba tuzajya dufasha kumenya aho moto yibwe iherereye.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Perezida Kagame yavuze aho agejeje amenya ururimi rw’Igifaransa

Perezida wa Repubulika y’u Rwanda Paul Kagame yahishuye ko amaze kumenya...
16 October 2018 Yasuwe: 2804 3

Mu Rwanda hatangijwe amasomo ajyanye n’ubwenge bw’ubukorano azamara...

Ikigo Nyafurika gitanga ubumenyi bushingiye ku mibare, AIMS, cyatangiye...
15 October 2018 Yasuwe: 900 1

Mu mezi 6, u Rwanda rwahombye miliyari 204 n’ abaturage barenga 200 kubera...

Minisiteri y’ Ibiza no gucyura impunzi Midimar, yatangaje ko mu mezi...
15 October 2018 Yasuwe: 620 0

‘Dufite Abanyarwanda bajya kwanduranya mu gihugu cy’abaturanyi’- Gen. Mubarak...

Gen. Mubarak Muganga yaburiye abanyarwanda bajya kwanduranya muri Tanzania...
14 October 2018 Yasuwe: 3606 0

Pro- Femmes Twese Hamwe yishimiye itorwa rya Mushikiwabo

Profemmes Twese Hamwe yishimiye itorwa rya Mushikiwabo Abanyamuryango b’...
13 October 2018 Yasuwe: 329 0

Umwana w’umukobwa yabonye inzoka nini cyane mu cyumba cye nijoro...

Umukobwa witwa Ashleigh Muller w’imyaka 19,ukomoka mu mujyi wa Brisbane muri...
12 October 2018 Yasuwe: 4751 0