Imbogamizi Seyoboka yagaragarije urukiko ntiyabujije urubanza gukomeza

Amakuru   Yanditswe na: Nsanzimana Ernest 8 September 2017 Yasuwe: 481

Urukiko rwa gisirikare kuri uyu wa Gatanu tariki ya 8 Nzeli rwatangiye kuburanisha urubanza ubushinjacyaha buregamo Sous-Lieutenant Jean Claude Seyoboka wabaye mu ngabo z’U Rwanda, uregwa uruhare muri jenoside, rugiye gutangira.

Uyu mugabo w’imyaka 51 aregwa uruhare muri jenoside yabareye mu gace ka Rugenge k’umujyi wa KIGALI aho yari atuye aho ashinjwa kuba yari ayoboye imitwe y’interahamwe.

Mbere y’uko urubanza rutangira Sous-Lieutenant Jean Claude Seyoboka yabanje gusaba urukiko kuvana mu nzira ibyo we avuga ko ari imbogamizi.

Yavuze ko yasabye kuvugana n’umuryango we, umugore n’abana bari mu gihugu cya Canada ariko ntihagire icyemezo gifatwa.

Avuga ko agomba guhabwa uburenganziira bwo kuvugana n’umuryango dore ko ari wo ugomba kohereza amafranga yo kwishyura umwunganira mu mategeko.

Uregwa ndetse n’umwunganira mu mategeko Albert Nkundabatware basabye ko urukiko rwanateganya uburyo bw’itumanaho rikoresheje ikoranabuhanga kugira ngo rushobpore kuvugana n’abatangabuhamya itatu we asanga ari ab’ingenzi kuri we.

Aba barimo uwo yasimbuye ku kazi, wakwemeza igihe byabareye ndetse n’abantu bari kumwe hagati y’itariki ya 7 kugeza kuya 10 z’ukwezi kwa 4 muri 94, amatariki avuga ko ari azagira ijambo rikomeye mu rubanza rwe.

Ibi ariko urukiko rwanzuye ko ari ibibazo bitahagarika urubanza ndetse bitagomba no kugaragara mu gihe cy’iburanisha.

Ubushinjacyaha bwo bwongeyeho ko Jean Claude Seyoboka ashaka kwitwara nk’umuntu udafunze.

Kubuzwa guhura cyangwa se kuvugana uko ubyifuje n’abo mu muryango ngo ni bumwe mu burenganzira ufunze agomba kuvutswa.
Jean Claude Seyoboka aregwa kuba ku isonga y’imitwe y’interahamwe mu mujyi wa Kigali aho yari atuye.

Ku giti cye aregwa kuba yarishe abatutsi ndetse akanasambanya abagore ku ngufu.
Uyu mugabo w’imyaka 50 yoherejwe n’igihugu cya Canada mu mpera z’iumwaka ushize nyuma y’imyaka 21 yari ahamaze nk’impunzi.

Yari yakatiwe n’urukiko gacaca rwa Rugenge igifungo cy’imyaka 19 cyakora akaba yemerewe gusubirishamo uru rubanza kuko rwabaye adahari.

Jean Claude Seyoboka abaye umuntu wa kabiri igihugu cya Canada cyemeye kohereza mu Rwanda.
Undi ni Leon Mugesera we wamaze gukatirwa gufungwa burundu nyuma y’urubanza rwamaze imyaka itatu.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Mbigenze nte ? Umugore wanjye yahukanye kuko nta kibasha gutera...

Umusomyi w’ UMURYANGO yatwandikiye agira ngo umugire inama y’icyo yakora...
15 November 2017 Yasuwe: 797 2

Nyarugenge: Abantu 3 bakurikiranyweho ubwambuzi bw’asaga Miliyoni...

Polisi y’u Rwanda mu karere ka Nyarugenge ifunze abagabo batatu bakekwaho...
13 November 2017 Yasuwe: 1516 0

Musanze: Umubyeyi w’ abana bane yakuyemo inda abeshya abaganga ko yagiye mu...

Umubyeyi Twahaye izina rya Mukanama wo mu murenge wa Muko mu karere ka...
13 November 2017 Yasuwe: 2369 0

Bishop Rugagi yashyize hanze amabanga ya Bahati uherutse ku mushinja...

Umupasiteri umaze kwamamara mu Rwanda no hanze yarwo biturutse ku...
11 November 2017 Yasuwe: 3117 0

Imyitozo y’Ingabo z’u Rwanda ubwo zagaragarizaga Perezida Kagame ubuhanga...

Perezida wa Repubulika y’u Rwanda Paul Kagame, kuri uyu wa Gatanu yitabiriye...
11 November 2017 Yasuwe: 4730 0

Bishop Rugagi yatamaje umusaza wamwiyitiriye

Umushumba mukuru w’ itorero Redeemed gospel church Bishop Innocent Rugagi...
11 November 2017 Yasuwe: 2989 0