Impanuro za Paul Kagame ku banyangororero......Iterambere ririgaragaza…

Amakuru   Yanditswe na: Iyamuremye Janvier 18 July 2017 Yasuwe: 342

Kuri uyu wa Kabiri tariki ya 18 Nyakanga 2017; Umukandida wa FPR Inkotanyi, Paul Kagame, yakomeje urugendo rwo kwiyamamaza mu Karere ka Ngororero na Muhanga.

Ni nyuma yo kuva mu turere turindwi aritwo Ruhango, Nyanza, Gisagara, Nyaruguru, Nyamagabe, Huye na Kamonyi

Mu ijambo rye Paul Kagame yavuze ko ubu Umunyarwanda azi aho agana, icyo ashaka kandi akagira mu gihe yiyemeje. Yavuze ko Ngororero yahindutse mu buryo bwose binagaragarira mu myaka yatambutse kugeza ubu.

Yagize ati “Uko tungana hano, icyo twiyemeje ni ukuvuga ngo tugomba kugisoza nta kigomba kutunanira cyane cyane biturutse muri uko gushyira hamwe.

ABanyarwanda aho tuva turahazi, aho tugana turahazi ariko nidukomeza tujyana nk’abanyarwanda baba bafite ibitekerezo bitandukanye ariko dufite umugambi umwe tuzagera kure, tuzagera kuri byinshi. Tuzagera kure, kandi tuzabyihutamo.

Urebye amateka yacu nk’u Rwanda aho tuvuye hakomeye, nta kindi cyashobora kubikemura atari ubufatanye no gukoresha ingufu twese hamwe. Ibyo rero bikongera bikagaruka kuri iki gikorwa cyo kwamamaza, hanyuma ndetse igikorwa cy’amatora wa munsi batubwiye w’itariki enye z’ukwa munani ngira ngo twese niwo mugambi duhurijeho.

FPR Inkotanyi ku isonga mu kubaka igihugu cyacu, kongera kukigira igihugu, babahaye umukandida. FPR yabahaye umukandida, umukandida musanzwe muzi, musanzwe mukorana. Ubwo rero, inama ni iyo ngiyo. Ni ukuzinduka, byajya kugera saa sita z’itariki enye z’ukwa munani tukaba twasoje akazi uko bikwiye.
Tuzaba dutora gukomeza amajyambere, gukomeza gukwiza hose amashuri, imihanda, amavuriro n’ubuhinzi n’ubworozi buduteza imbere. Tuzaba dutora ibiduha umutekano, tuzaba dutora ibiduha gutera imbere mu ikoranabuhanga. Tuzaba dutora kugira igihugu kitajegajega,giteye imbere, gishinga kigakomeza.”

Minisitiri Uwacu Julienne ushinzwe ibikorwa byo kwamamaza umukandida wa FPR Inkotanyi ku rwego rw’igihugu yavuze ko mu myaka 23 ishize akarere ka Ngororero kahindutse mu buryo bukomeye uhereye ku bikorwa remezo birimo imihanda n’amashanyarazi.

Ati “ Mu mirenge yayo yose uko ari 13, amashanyarazi kuyumva byari igitangaza, uyu munsi dukora ku gikuta urumuri rukagaragara.”

Iterambere ririgaragaza…

Paul Kagame abwira abaturage ba Ngororero yagize ati “Nkuko n’ubundi mwabigenje mu 2010 na none twaje hano mbere yaho 2003 n’aha twarahaje, ariko uko tuhaza guhera icyo gihe niko dusanga hari intambwe yatewe, n’uyu munsi twagarutse 2017 twasanze twarateye intambwe ndende kuva mu 2010”

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


  • chat_bubble ILDEPHONSE!

    banyarwanda banyarwandakazi, mureke dutore PAUL KAGAME kugirango atubere umuyobozi. hanyuma nawe nyakubahwa PAUL KAGA tugiye kukugira umu perezida w’urwanda ariko turagusabye ngo mumisi mike ukore uko ushoboye ube perezida wabaperesida bose kwisi!! ibyo ndabivuga kuko mbona bishoboka,kandi tuzabigufashamo!!!!!!!!!!!!!!!!!

    July 2017

Inzindi nkuru

Umunyamakuru Mama Eminente ufungiye ubwambuzi bushukana yarekuwe

Nyuma y’ igihe gito hatangajwe amakuru y’ uko umunyamakuru Mugabushaka Jeanne...
22 February 2018 Yasuwe: 3079 0

Perezida Lungu ategerejwe I Kigali

Umukuru w’ igihugu cya Zambia Edgar Lungu kuri uyu wa Gatatu tariki 21...
21 February 2018 Yasuwe: 280 0

Umuturage yasabye Uganda kwemerera imfungwa n’ abagororwa gutora

Umuturage wa Uganda yandikiye urukiko rukuru rwa Kampala arugaragariza...
20 February 2018 Yasuwe: 215 0

Abamotari ntibumva impamvu bacibwa amande bakuyeho umugenzi

Abamotari ntibumva impamvu bacibwa amande bakuyeho umugenzi Abamotari...
17 February 2018 Yasuwe: 696 0

Perezida Zuma bamwokeje igitutu ati ‘ntacyo nakoze gituma munyirukana shishi...

None tariki 14 Gashyantare 2018 byari byitezwe ko Perezida Jacob Zuma wa...
14 February 2018 Yasuwe: 526 0

Rusizi: Abantu 20 bafunzwe bakekwaho kuroga harimo uvugwaho kwihindura...

Abaturage barimo abagore n’abagabo bo mu midugudu itanu y’akagari ka Mpinga...
10 February 2018 Yasuwe: 2619 4