dnd

Impunzi z’abanya Libya 66 zamaze gufata indege izigeza mu Rwanda [AMAFOTO]

Amakuru   Yanditswe na: Dusingizimana Remy 26 September 2019 Yasuwe: 4585

Nkuko byari biteganyijwe,impunzi za mbere zari zimaze igihe muri Libya ziba mu buzima budashimishije zamaze kurira indege izizana mu Rwanda aho ku ikubitiro abagera kuri 66 baragera I Kigali ku I saa tatu zo kuri uyu wa Kane taliki ya 26 Nzeri 2019.



Indege itwaye impunzi za mbere 66 yamaze guhaguruka ku kibuga cy’indege cya Misrata yerekeza i Kigali mu Rwandaaho irahagera mu masaha ya saa tatu n’igice z’ijoro.

Biteganyijwe ko izi mpunzi nizigera mu Rwanda zihita zijyanwa mu nkambi i Gashora mu Karere ka Bugesera zigahabwa umutekano n’ibindi zikeneye.

Ishami ry’Umuryango w’Abibumbye ryita ku mpunzi (UNHCR) muri Libya, ryatangaje ko izi mpunzi ziganjemo abana batari kumwe n’imiryango, abagore b’abapfakazi.

Perezida Paul Kagame aherutse kubwira inama rusange y’umuryango w’abibumbye (UN) yateranye ku nshuro ya 74 I New York ko kuba u Rwanda rugiye kwakira abimukira bavuye muri Libya ari ikimenyetso ko muri Afurika naho hava ibisubizo.

Nyakubahwa perezida Kagame yavuze ko Afurika imaze kugera kuri byinshi ariyo mpamvu u Rwanda rwiyemeje kwakira aba bimukira mu rwego rwo kwereka isi yose ko na Afurika yakwikemurira ibibazo ititabaje ingufu z’abandi.

Inkambi ya Gashora isanzwe yifashishwa mu kwakira impunzi kuko mu mwaka wa 2015 yakiriye ibihumbi by’impunzi z’Abarundi.Biteganyijwe ko u Rwanda ruzakira impunzi zigera kuri 500

Iyi nkambi irimo ibyangombwa nkenerwa birimo nk’ibibuga by’imikino, aho kurara n’ibindi nkenerwa, ubu irimo kongererwa ubushobozi kugira ngo izakire izo mpunzi.
Nyuma yo kongererwa ubushobozi ntabwo izaba ikiri inkambi inyurwamo by’igihe gito, izaharirwa izi mpunzi mu buryo bw’igihe kirekire.





Amafoto: UNHCR/Libya

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Mparambo

    Aha muratubeshye bikabije. Kuba impunzi zivye muri Libya se bisobanura ko ari abanya Libya ? Bari bari yo ari impunzi mu gihugu cyabo se ? Aya makuru ntiyatohojwe cyangwa uwabyanditse nta makuru abifiteho na make.
    Ariko utagera we ntanagereranya koko !

    2 months ago
  • chat_bubble Mparambo

    Aha muratubeshye bikabije. Kuba impunzi zivye muri Libya se bisobanura ko ari abanya Libya ? Bari bari yo ari impunzi mu gihugu cyabo se ? Aya makuru ntiyatohojwe cyangwa uwabyanditse nta makuru abifiteho na make.
    Ariko utagera we ntanagereranya koko !

    2 months ago
  • chat_bubble QUINTA

    NIBYIZA RWANDA TANGA IKAZE KU BANA BOSE KUKO TWESE TWAREMWE N’iMANA
    UMUGISHA MWIZA KU MANA IMANUKIRE KU BAYOBOZI BACU.aMENA

    2 months ago
  • chat_bubble

    Nta muntu n’umwe mu buzima bwe utaragiwe ubuntu ,utarafashijwe,natwe lero dukwiye kugira ubuntu tugafasha abandi mu bushobozi bwacu kikaba ari ni’urugero rwiza igihugu cyacu gihaye isi cyane cyane les pays africains rwo kwishakamo ibisubizo kuko ikibura si ubukungu mais la volonté politiques des gouvernements

    2 months ago

Inzindi nkuru

Abanyarwanda 2 bakubitiwe muri Uganda bajugunywa ku mupaka ari...

Kuri uyu wa 12 Ukuboza 2019 Guverineri w’intara y’Amajyaruguru abinyujije...
12 December 2019 Yasuwe: 3336 3

Nyagatare:Gitifu arashinjwa kwiba ihene

Umunyamabanga Nshingwabikorwa w’Akagari ka Nyarukamba mu Murenge wa Gatunda...
12 December 2019 Yasuwe: 2665 0

U Rwanda rwavanyeho imisoro ku bicuruzwa by’isuku y’abagore n’abakobwa bari mu...

U Rwanda rwavanyeho imisoro ku nyongeragaciro (TVA) ku bicuruzwa by’isuku...
11 December 2019 Yasuwe: 3295 1

Hafashwe uwari ufite ibicuruzwa bitemewe mu Rwanda birimo n’amavuta ya...

Polisi y’u Rwanda ikorera mu karere ka Nyamasheke mu murenge wa Ruharambuga...
11 December 2019 Yasuwe: 1860 0

BNR yaburiye abinjira muri konti zabo za banki bakoresheje Wi-fi

Banki Nkuru y’Igihugu (BNR), irahamagarira abantu bose guhagarika kwinjira...
11 December 2019 Yasuwe: 7209 0

Gicumbi: Ba Gitifu basinyiye kurangiza vuba ikibazo cy’ubwiherero...

Abanyamabanga Nshingwabikorwa b’imirenge n’utugari mu karere ka Gicumbi...
11 December 2019 Yasuwe: 975 2