Imyambirire y’igitsina gore mu biza ku isonga mu gutera impanuka abamotari

Amakuru   Yanditswe na: Martin Munezero 10 July 2019 Yasuwe: 8573

Mu gihe umuvuduko ukabije, gutwara wasinze no kuvugira kuri telefone utwaye ari bimwe mu bikunze kugarukwaho nk’ibiteza impanuka zo mu muhanda, bamwe mu bamotari bo mu karere ka Musanze bavuga ko abagore n’abakobwa bambaye batikwije nabyo biri mu ntandaro z’impanuka zo mu muhanda.

Abo bamotari bavuga ko icyo kibazo ari cyo babona kiri ku isonga mu gutuma abamotari bakora impanuka, aho bakomeje kuvuga ko babifata nk’ibiyobyabwenge.

Tuyisenge Thomas aganira na Kigalitoday ati “Ibyerekeye imyambarire ya bamwe mu bakobwa n’abagore bambara ibigufi biratubangamiye twe abamotari, njye iyo aje mwishimira nk’umukiriye ungannye nkamutwara neza, ariko nubwo bitarambaho ngo murangarire, hari benshi muri bagenzi banjye mbona bakora impanuka bitewe n’imyambarire y’abo batwara, aho mu mutwe bihinduka akaba yakora impanuka.”

Mugenzi we utashatse kwivuga ati “Iyo ntwaye umukobwa wambaye bigufi bintera ikibazo, umubiri ni umubiri iyo umugore akugeretseho iryo tako, ugenda mu muhanda umeze nk’umusinzi aho utekereza ibintu bibiri, uba utekereza iryo tako akugeretseho, utekereza no gukata amakorosi bikagucanga bikarangira wibagiwe ko uri mu muhanda niho impanuka zibera”.

Niyonsenga Bernard ati “Ni ibiyobyabwenge bikomeye birenze na biriya bindi Polisi irwanya, badushakire uburyo babakurikirana bambare bikwize, kuko bishyira abagabo mu bibazo, bikomeje guteza impanuka rwose hari uburyo umumotari atakaza ubwenge akibagirwa akazi arimo. Izi jipo zireshya n’umukandara rwose ziteza ibibazo”.

Abo bamotari bavuga ko rimwe na rimwe bibateza n’igihombo, kuko ngo hari bamwe muri abo bakobwa bitwaza iyo myambarire ikurura abahungu, bakanga no kubishyura mu gihe babagejeje aho bajya, bagamije kubagusha mu busambanyi.

Undi mumotari ati “Hari ubwo umutwara yabona wagoswe akanga kukwishyura, ngo muryamane nibyo twise “Ndongora birangire”, murumvikana rero ukaba wamurongora aho kuviramo aho”.

Umukobwa witwa Mukashena Claudine nawe aremeza ko icyo kibazo cy’abatega moto bambaye ibigufi gishobora kurangaza abamotari kikaba cyateza impanuka.

Ati “Ubundi umukobwa wiyubaha akwiye kwambara akikwiza, ndababona benshi batega moto basa n’abambaye ubusa kandi byateza impanuka, bishobora kurangaza umumotari bigatuma atekereza ibindi akaba yayoba umuhanda akagwa muri rigore”.

Abo bamotari barasaba ko abakobwa cyangwa abagore bigishwa umuco, bambare bikwi kuko ngo no mu gihe habaye impanuka bambaye itwenda tugufi bibatera gukomereka cyane nkuko Tuyisenge Thomas akomeza abivuga.

Ati “Hari ubwo umugore cyangwa umukobwa aje akugana ngo umutware, wareba imyambarire ye n’ukuntu ugiye kumushyira kuri moto ukumva birakubangamiye, ukavuga uti ese ndamutse ngize icyo nikanze tukaba twakora impanuka ese byagenda bite, ni ibintu bitubangamiye”.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble Kodjo

    Njyewe izi mpenure ndazishyigikiye. Buri muntu wese arata icyo afite.

    1 month ago
  • chat_bubble hitimana

    That is true.Kuba Bambara ubusa bituma abantu benshi babareba cyane.It is a public risk.Abakobwa benshi bakeka ko kwambara ubusa bibaha agaciro.Ntabwo bazi ko bigira opposite effect (effet inverse) kuko bituma abagabo babifuza kugirango baryamane.Ntabwo ari byiza kwanika ibibuno,amabere,ibibero,sex imana yaguhaye.Yabiguhaye kugirango uzabihe umuntu umwe gusa muzabana biciye mu mategeko.Abantu banga kumvira imana izabakura mu isi ku Munsi w’Imperuka.Bisome muli Imigani 2,imirongo ya 21,22.Impamvu imana yatinze kuzana IMPERUKA,nuko ishaka ko abantu bose bahinduka,bakava mu byaha no gushaka ibyisi gusa.Bisome muli 2 Petero 3:9.

    1 month ago
  • chat_bubble Nkusi Norbert

    Nduhungirehe arabakubita umuvugizi wabo araje ababwireko mwigize abarinzi b’umuco!

    1 month ago
  • chat_bubble b

    impemure bambara zituma baticara neza kuri moto

    1 month ago

Inzindi nkuru

Nyamasheke: Ikamyo yo mu Burundi yakoze impanuka ica ukuguru umuntu wari...

Kuri uyu wa Gatanu, taliki 23 Kanama, 2019 saa kumi z’umugoroba, ikamyo...
24 August 2019 Yasuwe: 1579 0

Kamonyi : Ikamyo itwara umucanga yagonzwe na Hiace abantu 18...

Ku mugoroba wo kuri uyu wa Gatanu taliki ya 23 Kanama 2019,imodoka yo mu...
24 August 2019 Yasuwe: 2273 0

GISENYI:Abaturage babangamiye icyemezo cy’umuhesha w’inkiko cyo gusenyera...

Abaturage bo mu Kagari ka Bugoyi mu Murenge wa Gisenyi babangamiye icyemezo...
23 August 2019 Yasuwe: 2765 0

RUSIZI:Kamuzizi yafashe icyemezo cyo gutwika diplome ye abitewe n’itorero...

Umugabo witwa Kamuzinzi Daniel wo murenge wa Bugarama mu karere ka Rusizi,...
23 August 2019 Yasuwe: 3767 0

Urukiko rwanze kurekura ba banya Kenya bakurikiranyweho kubeshya urubyiruko...

Urukiko rw’ibanze rwa Kagamara ruherereye mu karere ka Kicukiro rwategetse...
23 August 2019 Yasuwe: 573 0

Kabagema wabaye Umujyanama w’Umwami Kigeli V Ndahindurwa mu gihe cy’imyaka 4...

Kabagema Christophe wabaye Umujyanama w’Umwami Kigeli V Ndahindurwa mu gihe...
22 August 2019 Yasuwe: 2519 0