startimes

Inzego zishinzwe umutekano zishe abagizi ba nabi 19 bateye I Musanze zifata mpiri batanu

Amakuru   Yanditswe na: Dusingizimana Remy 6 October 2019 Yasuwe: 7004

Inzego zishinzwe umutekano mu Rwanda zateye ba bagizi ba nabi bishe abantu I Musanze zicamo abagera kuri 19 abandi 5 bafatwa mpiri nkuko Polisi y’igihugu yabitangaje uyu munsi.



Mu ijoro ryo kuwa Gatanu taliki 04 Ukwakira 2019,ahagana saa yine z’ijoro,izi nyeshyamba zateye mu karere ka Musanze mu tugari twa Kabazungu mu murenge wa Musanze n’akagari ka Kaguhu mu murenge wa Kinigi,zihitana abantu 8 barimo 6 zicishije intwaro gakondo hanyuma babiri bicishwa amasasu mu gihe abagera kuri 18 bakomeretse bajyanwa ku bitaro.

Mu itangazo ryasohowe na polisi y’u Rwanda kuri iki cyumweru, abahitanywe n’iki gitero bamaze kuba 14, bavuye ku munani bari batangajwe kuri uyu wa Gatandatu.

Polisi y’u Rwanda yatangaje ko inzego zinjinzwe umutekano mu Rwanda zahise zigaba igitero kuri aba bagizi ba nabi zica abagera kuri 19 hanyuma abandi 5 bafatwa mpiri.

Umuvugizi wa Polisi y’u Rwanda, CP John Bosco Kabera, yagize ati " Mu gikorwa cyo guhiga aba bagizi ba nabi, inzego z’umutekano zimaze kwica 19, ndetse 5 bafatwa mpiri. Ibikorwa byo gushakisha uwo ari we wese wagize uruhare muri iki gitero birakomeje.”

CP Kabera yavuze ko aba bagizi ba nabi basanze abantu mu ngo zabo babicisha ibyuma, abandi bicishwa amabuye ariyo mpamvu bakomeje guhiga abandi bagizi ba nabi bihishe inyuma y’ubu bugizi bwa nabi.

Kuri iki cyumweru nibwo hateganyijwe umuhango wo gushyingura mu cyubahiro abaturage bishwe, ari nabwo abagizi ba nabi bafashwe mpiri berekwa abaturage n’itangazamakuru.

Polisi yavuze ko kugeza ubu muri aka gace umutekano ari wose aho ishimira abaturage n’ubuyobozi bw’inzego z’ibanze kubera ubufatanye bagaragarije inzego z’umutekano.


Polisi yemeje ko yishe abagizi ba nabi 19 bateye mu Kinigi

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble sezikeye

    Kwica umuntu waremwe mu ishusho y’Imana ni nko kwica Imana ubwayo.Ikindi kandi,tujye twibuka ko twese tuzapfa,hanyuma dukore ibyiza aho gukora ibyo Imana itubuza.Niyo mpamvu iyi si ari mbi.Abantu baricana,bararwana,bariba,barasambana,barabeshyana,etc... Kuba Imana ibitubuza ntacyo bibabwiye.Nubwo Imana yicecekera ikabihorera,yashyizeho Umunsi w’Imperuka nkuko Ibyakozwe 17 umurongo wa 31 havuga.Kuri uwo munsi,izakura mu isi abantu bose bakora ibyo itubuza,isigaze gusa abantu bayumvira nubwo aribo bake nkuko bible ivuga.Bizagenda nko ku gihe cya Nowa,ubwo harokotse abantu 8 gusa mu bantu millions nyinshi zari zituye isi.Bazize kutumvira Imana.History ihamya ko ibyo bintu byabaye.

    October 2019

Inzindi nkuru

Kigali igiye gufata indi ntera mu guhindura isura[AMAFOTO]

Kimihurura ahazwi nka Minijust hagiye guhinduka burundu kuko inyubako zose...
29 June 2020 Yasuwe: 1723 0

Habonetse abarwayi 32 ba Coronavirus mu Rwanda hakira abandi...

Minisiteri y’Ubuzima mu Rwanda yatangaje ko kuri uyu wa Gatatu tariki ya 24...
24 June 2020 Yasuwe: 1578 0

Habonetse abarwayi 59 ba Coronavirus mu Rwanda,hakira 11

Uyu munsi tariki ya 22 Kamena 2020,ubaye uwa mbere ubonetseho abantu benshi...
22 June 2020 Yasuwe: 1747 0

Abasize ibikoresho byabo mu gishanga cya Gikondo bahawe iminsi 7 kuba...

Abahoze mu gace k’inganda ka Gikondo bategetswe gukuramo ibikoresho byabo...
19 June 2020 Yasuwe: 947 0

Abakoresha Mobile Money na Mobile Banking basabwe kwitwararika mu gukoresha...

Ikibazo cy’uburiganya bukorerwa abakoresha mobile money na mobile banking...
19 June 2020 Yasuwe: 1575 0

Umupasiteri wo mu Rwanda yatunguranye avuga uburyo yabaye inkone ya...

Amazina ye ni Pasiteri Jean de Dieu UWIRAGIYE akaba ari umpasiteri...
12 June 2020 Yasuwe: 3539 1