Izindi mpunzi 123 nazo zivuye muri Libya zageze i Kigali[AMAFOTO]

Amakuru   Yanditswe na: Martin Munezero 11 October 2019 Yasuwe: 2342

Mu ijoro ryakeye abandi bimukira 123 bagejejwe i Kigali mu Rwanda bavuye muri Libya aho bari bafungiye nyuma yo kubuzwa gukomeza bagana iburayi bambutse inyanja.

Aba bariyongera ku bandi 66 baje tariki 27 z’ukwezi gushize kwa cyenda.

Nabo bahise bajya gucumbikirwa mu kigo cy’agateganyo cy’i Gashora mu Bugesera mu burasirazuba bw’u Rwanda.

Minisiteri ishinzwe ubutabazi mu Rwanda ivuga ko abakomeje kwakirwa ari abo mu kiciro cy’abafite ibibazo bikomeye kurusha abandi muri Libya.

Abimukira barenga 2,000 bari mu bigo bafungiyemo muri Libya bategereje ibihugu bibakira nyuma yo kubuzwa kwambuka inyanja ya mediterane ngo bakomeze urugendo rwabo.

Ibihugu by’iburayi byashyize imbaraga mu gukumira aba bimukira ko bakomeza kwambuka inyanja bakinjira mu bihugu byabo mu buryo bunyuranyije n’amategeko.

Abaraye bageze mu Rwanda, abagabo muri bo ni 99, abagore 24, abagera kuri 59 muri bo ntibarageza imyaka 18 nk’uko umwe mu bayobozi muri iyi minisiteri yabibwiye itangazamakuru.

Ishami ry’umuryango w’abibumbye ryita ku mpunzi,UNHCR, rivuga ko abaraye bageze mu Rwanda muri bo 106 bakomoka muri Eritrea, 15 ari abo muri Somalia, 2 bo muri Sudan n’umwe wo muri Syria.

Leta y’u Rwanda yiyemeje kwakira 500 muri aba bimukira bari muri Libya.

Amasezerano ya leta y’u Rwanda, UNHCR n’Umuryango w’ubumwe bwa Afurika avuga ko aba bimukira ababyifuje bashobora gusaba gutura mu Rwanda, gusubizwa iwabo cyangwa gusaba ikindi gihugu cyabakira.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Porsche na Boeing bagiye gukora ’imodoka ziguruka’

Uruganda rukora imodoka Porsche n’urukora indege Boeing basinye amasezerano...
16 October 2019 Yasuwe: 487 0

Kicukiro: Nsabimana washikuzaga abantu amatelefoni n’amasakoshi atwaye moto...

Umumotari witwa Nsabimana Theogene w’imyaka 40 wari umaze iminsi ashakishwa...
16 October 2019 Yasuwe: 2502 0

MINEDUC yafashe umwanzuro ukomeye uzayifasha kuzamura ireme ry’uburezi

Minisiteri y’Uburezi yafashe ingamba zikomeye mu rwego rwo kuzamura ireme...
16 October 2019 Yasuwe: 1440 0

Umugabo wakubitiye mu cyumba ishoka umugore we nyuma yo kumubonana n’umugabo...

Kuri uyu wa kabiri tariki ya 15 Ukwakira 2019 ni bwo hatangiye urubanza...
16 October 2019 Yasuwe: 2224 0

Abantu 3 barimo abana babiri na se wabo barohamye mu mugezi wa...

Abantu batatu barimo abana babiri na se wabo barohamye mu mugezi wa...
16 October 2019 Yasuwe: 1419 0

Perezida Kagame aragirira uruzinduko mu gihugu cya Centrafrique

Urugendo rwa Perezida Paul Kagame muri Centrafrique ruteganyijwe uyu munsi...
15 October 2019 Yasuwe: 648 0