Jeanette Kagame yeseje undi muhigo muri Afurika ahabwa igihembo gikomeye[AMAFOTO]

Amakuru   Yanditswe na: Martin Munezero 30 September 2018 Yasuwe: 1276

Madamu Jeannette Kagame yahawe igihembo cy’umugore wabaye indashyikirwa muri Afurika, kubera uruhare rukomeye agira mu bikorwa bihindura ubuzima bw’abaturage, by’umwihariko abagore n’abana b’abakobwa.

Madamu Jeannette Kagame yahawe iki gihembo mu ijoro ryo ku wa 29 Nzeri 2018, mu birori byabereye mu Mujyi wa Johannesburg muri Afurika y’Epfo.

Ambasaderi w’u Rwanda muri iki gihugu, Vincent Karega niwe wakiriye icyo gihembo mu izina rya Madame Jeannette Kagame.


Madamu Jeannette Kagame yahawe iki gihembo kubera uruhare rukomeye agira mu bikorwa bihindura ubuzima bw’abaturage.

Ibi bihembo byiswe African Women of Excellence Awards bihabwa abagore b’Abanyafurika, n’abafite inkomoko muri Afurika bagaragaje kuba indashyirwa mu bikorwa bigamije impinduka muri politiki, ubukungu n’imibereho myiza y’abaturage.

Ibi bihembo kandi, bitegurwa n’Ihuriro ry’Abanyafurika baba mu mahanga (DAF), bafatanyije na Komisiyo y’Umuryango wa Afurika yunze Ubumwe (AU), gitanzwe ku nshuro ya kane kikaba cyegukanwe na Madamu Jeannette Kagame.

Amb. Vincent Karega yatangaje ko ari iby’agaciro kuri we kwakira iki gihembo cy’umugore w’icyitegerezo kigenewe Madamu Jeannette Kagame, kubera byinshi yagejeje ku muryango Nyarwanda.

Mu muhango wo gutanga ibi bihembo hanashimwe uruhare rw’abagore nka Winnie Madikizela Mandela warwanyije politiki y’ivangura muri Afurika y’Epfo, Ruth Sando Perry wabaye umugore wa mbere wayoboye Liberia na Aretha Franklin ufatwa nk’umwamikazi w’injyana ya Soul.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

HUYE:Misigaro n’ umugore we Mariya bitabye Imana bagasiga umwana wabo mu...

Misigaro Charles wari ufite imyaka 67 n’ umugore Maniraguha Mariya bitabye...
23 May 2019 Yasuwe: 4520 0

Nsabimana Callixte “Sankara” yemeye ibyaha byose ashinjwa avuga ko n’inyoni...

Nsabimana Callixte “Sankara”, yemereye imbere y’urukiko ibyaha byose ashinjwa...
23 May 2019 Yasuwe: 3672 2

Sankara yagejejwe imbere y’urukiko aho agomba kwisobanura ku byaha 16...

Nsabimana Callixte uzwi nka Sankara wigambye ibitero bitandukanye byagiye...
23 May 2019 Yasuwe: 1798 1

Col.Byabagamba yavuze ko afungiwe mu Kato urukiko rutarabitegetse

Colonel Tom Byabagamba wahoze akuriye umutwe w’abasirikare barinda Perezida...
22 May 2019 Yasuwe: 4770 0

Ubushinjacyaha bwashyikirije dosiye ya Nsabimana Callixte “Sankara”urukiko

Ubushinjacyaha bwamaze gushyikiriza urukiko dosiye irimo ibirego bushinja...
22 May 2019 Yasuwe: 1825 0

Umwe mu bana batorotse gereza ya Nyagatare ku munsi w’ejo yafashwe

Umwana witwa Tuyishimire Alphonse watorotse Gereza y’Abana ya Nyagatare...
22 May 2019 Yasuwe: 2707 1