Kagame yasezeranyije Abanyarusizi amashanyarazi no kongera ubukerarugendo

Amakuru   Yanditswe na: Iyamuremye Janvier 28 July 2017 Yasuwe: 4266

Kuri uyu wa Gatanu tariki ya 28 Nyakanga 2017, Paul Kagame yiyamamarije mu karere ka Rusizi mu kibaya cyo mu Murenge wa Nyakabuye mu Kagari ka Mashyuza.Ni nyuma y’uturere twa Rutsiro na Karongi aho yaganiriye n’abamushyigikiye.

Kagame mu Karere ka Rusizi yabemereye amashanyarazi anabasezeranya kongera ubukerarugendo, ngo ibyo avuga si ugushaka amajwi mu matora ahubwo bizakorwa afatanyije n’ Abanyarwanda bose.

Mbere yo guhabwa ikaze Kagame, yabanjirijwe na Depite Bamporiki Edouard wavuze ibyo Akarere ka Rusizi kagezeho aho yashimangiye ko nyuma ya Jenoside yakorewe Abatutsi, abari barahemukiranye babashije kwiyunga ku buryo bugaragarira buri wese.

Yakomeje avuga ko ibikorwaremezo birimo ‘uruganda rw’isima rwatanze akazi’ n’ibindi anashimangira ibyo yari yarabemereye ubwo yiyamamazaga mu 2010 ko byose yabibahaye.

Mu ijambo rye, Kagame yatangiye ashimira abaturage anashimangira ko nta Munyarwanda uzasigara inyuma mu iterambere ahubwo ko bose bazagendera hamwe hatitawe ku karere cyangwa ahandi bakomoka.

Yashimangiye ko uburekerarugendo ari kimwe mu byo azitaho ku ngoma ye. Yagize ati “Ubukerarugendo tuzabuteza imbere, turashaka ko amashanyarazi agera muri buri Munyarwanda kandi ibyo mbabwira ni ukuri ntabwo ari ibyo mbasabisha, ntabwo ari iby’amajwi. Njye ndavuga ibyo njye namwe tuzakora tukigezaho.”

Yungamo ati “Iyi myaka 23 tumaranye yabaye iyo kongera kubaka igihugu gishya ubu dufite u Rwanda rushya… muri bashya rero. Abenshi muri bashya kubera ko n’abo ndeba hano imbere n’abandi muri bato cyane, bamwe ndetse muri mwe ntabwo imyaka 23 muyigejeje [ …] n’abakuru bari hano nabo ni bashya mu myumvire ya Politiki. Politiki yarahindutse. Iyari iriho ntaho ihuriye n’iyo mu myaka 23 ishize.”

"Mwese hamwe, twese hamwe , duhuriye kuri yo politiki nshya, yo kubaka igihugu… buri munyarwanda wese akigirira icyizere, akakigirira n’undi. Iyo niyo demokarasi twebwe tugenderaho izindi bigisha mu bitabo ariko ntibazigendereho izo ntabwo nzizi."

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


  • chat_bubble Nine

    Muzehe afite abasore beza pe.

    3 months ago

Inzindi nkuru

Mbigenze nte ? Umugore wanjye yahukanye kuko nta kibasha gutera...

Umusomyi w’ UMURYANGO yatwandikiye agira ngo umugire inama y’icyo yakora...
15 November 2017 Yasuwe: 801 2

Nyarugenge: Abantu 3 bakurikiranyweho ubwambuzi bw’asaga Miliyoni...

Polisi y’u Rwanda mu karere ka Nyarugenge ifunze abagabo batatu bakekwaho...
13 November 2017 Yasuwe: 1518 0

Musanze: Umubyeyi w’ abana bane yakuyemo inda abeshya abaganga ko yagiye mu...

Umubyeyi Twahaye izina rya Mukanama wo mu murenge wa Muko mu karere ka...
13 November 2017 Yasuwe: 2373 0

Bishop Rugagi yashyize hanze amabanga ya Bahati uherutse ku mushinja...

Umupasiteri umaze kwamamara mu Rwanda no hanze yarwo biturutse ku...
11 November 2017 Yasuwe: 3122 0

Imyitozo y’Ingabo z’u Rwanda ubwo zagaragarizaga Perezida Kagame ubuhanga...

Perezida wa Repubulika y’u Rwanda Paul Kagame, kuri uyu wa Gatanu yitabiriye...
11 November 2017 Yasuwe: 4735 0

Bishop Rugagi yatamaje umusaza wamwiyitiriye

Umushumba mukuru w’ itorero Redeemed gospel church Bishop Innocent Rugagi...
11 November 2017 Yasuwe: 2991 0