Kajugujugu ya RDF yakoreye impanuka muri Sudani y’Epfo

Amakuru   Yanditswe na: Dusingizimana Remy 19 March 2019 Yasuwe: 6146

Indege y’igisirikare cy’u Rwanda RDF, yakoreye impanuka muri Sudani y’amajyepfo ku wa 16 Werurwe 2019,abantu 23 bari bayirimo ntihagira n’umwe uhasiga ubuzima.

Iyi ndege ya kajugujugu yo mu bwoko bwa Mi-17-1V y’Ingabo z’u Rwanda yaguye hafi ya Pariki ya Pagak mu Majyaruguru ashyira Uburengerazuba bwa Sudani y’Epfo ku gicamunsi cyo ku wa Gatandatu ushize,ubwo yarimo ihaguruka.

Umuvugizi w’Ingabo z’u Rwanda, Lt. Col. Innocent Munyengango, yabwiye IGIHE dukesha iyi nkuru ko iyi kajugujugu yahagurutse ariko yagera hejuru ikongera ikagaruka ku butaka.

Yagize ati “Yahagurutse iva ku butaka, igeze hejuru irongera isubira hasi [crash landing], hari ahantu hato kandi ubusanzwe biba byiza iyo ihagurukiye ahantu hagari.”

Iyi ndege yari itwaye abantu bagiye muri ‘patrol’, gusa mu bari bayirimo bose nta n’umwe wigeze ugira ikibazo ndetse n’aho yangiritse ngo ni ahantu hashobora gusanwa.

Yagize ati “Abapilote baragerageje nta muntu wakomeretse. Yari itwaye abantu 23 barimo abapilote bane n’abagenzi 19.”

Icyateye impanuka y’iyi ndege ya RDF yifashishwa na UN mu butumwa bwo kugarura amahoro muri sudani y’Amajyepfo ntikiramenyekana

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Keza

    Imana isingizwe iteka, ubwo ntamuntu wahagiriye ikibazo pe!

    4 months ago

Inzindi nkuru

Habumuremyi yasobanuye inzira yanyuzemo kugira ngo imodoka imusige nyuma...

Habumuremyi Jean Baptiste bakunze kwita ‘John’ utuye mu Mujyi wa Muhanga mu...
19 July 2019 Yasuwe: 6093 1

Perezida Kagame yifatanyije n’umuryango wa senateri Bishagara washyinguwe...

Nyakubahwa perezida wa Repubulika Paul Kagame yifatanyije n’umuryango wa...
19 July 2019 Yasuwe: 4643 0

Nyiringabo Claudine witeguraga ubukwe yaguye mu mpanuka y’imodoka ajya...

Umukobwa witwa Claudine Nyiringabo wo mu Murenge wa Macuba mu Karere ka...
19 July 2019 Yasuwe: 6745 2

KICUKIRO:Ikamyo nini itwara amavuta yaturitse ihitana ubuzima...

Abantu babiri bahitanywe n’ iturika ry’ ikamyo itwara amavuta yasudirwaga n’...
19 July 2019 Yasuwe: 3145 0

Rulindo: Umurambo wa DASSO wavumbuwe mu ishyamba n’abana bashakaga...

Umu DASSO witwa Nshimiyimana Denis wakoreraga mu murenge wa Cyinzuzi mu...
18 July 2019 Yasuwe: 2495 0

Umunyamakuru Constantin Tuyishimire wa Radio na TV1 yaburiwe...

Umunyamakuru witwa Constantin Tuyishimire wakoreraga Radio na TV1 I Gicumbi...
18 July 2019 Yasuwe: 10468 0